نامَه اَفسوسی کلیسارا 4:1 - کتاب مقدس به زبان تالشي - گویش مرکزی

¹ پس اَز کن خداوندیرا زیندانیکامَه، شمَکا خاشتو خازِمه صلاییی کن بَشمَه ژَشونه شئنی نَه، رفتار بکرَ،

کتاب مقدس به زبان تالشی شمالی

¹ بَس از که خِداوندی واسی زِندانی کا ایمَه، خواهیشت بَکَردیم که شِمَه اَ دَعوتی شئنی کا که شِمَه کا بییَه، رفتار بِکَرِه،

نامَه اَفسوسی کلیسارا 4:1 Iomraidhean Croise

رَسولون اَعمال 9:31

اِنتَرَکِه کلیسا گِردِ یَهودیَه و جلیل و سامِرَکا آلاویستَه و آمبَست آرَبی و ایماندارِن خداوندی تَرسیکا زندَگی اَکَرین و خدا موقدسَه روح تَشویقینَه هر روج چَوون تیعداد ایضاف آرَبیَه.

رومی کلیسارا نامه 11:29

اِمی خونه کن خدا هرگز اِشتَن خَلا اِن و صَلا ژِ، پس وینیَه گَت.

رومی کلیسارا نامه 12:1

پس برا اِن، خدا رَحمَتون خونه، بَشِمَکا خاشتو خاز بَکَمَه کن اِشتَن جَندَکون هِنتَه زِندَ قربونی خِدارا، موقدَّس و خدا دل پیستَه، تَقدیم بکَرَ کن اِم شِمَرا روحانَیه عیبادَتَه.

اوّلین نامَه قورَنتیانیرا 4:16

پس شمَکا خاشتو خازِمه کن بَمنکا سرمشق بیگِرَ.

دوومین نامه قرنتیانیرا 10:1

از، پولوس، بَشتن، مسیح فورتنی و مِرَبان بِنَه بشمَه خاشتو خاز بکمَه، اَز کن شمَه اِشتَن باتیرون وقتی شمَه وریکام سَر بَه جیریم و اَ موقه کن شمَه وریکا نیم جَسوریم.

دوومین نامه قرنتیانیرا 5:20

پس اَمه مسیح سَفیرِن نیمون، خدا اِشتَن پیستَه چیی اَمَنَه اَنجوم دَرِ. اَمه مَسیح طَرَفیکا بَشِمکا خاشتو خازِمونه کن خدانَه آشتی بکرَ.

دوومین نامه قرنتیانیرا 6:1

پس اَ چییِنی خاطر کن خدا هَمکاریمون، شمَکا خاشتو خازِمونه کن خدا فِیضی دَدار بَدَست نِوَرَ.

نامه غلاطیَه کلیسارا 4:12

اَی برا اِن، شِمَکا خاشتو خاز بَکَم کن هِنتَه چمن شیوار بِبَه، اِمی خونِه کن اَز نی شِمَه شیوار آبَه ایمَه. چمن حَقیکا هیچ بَدیی کَردَرون نی.

نامَه اَفسوسی کلیسارا 2:10

اِمی خونه کن خدا بالی سِی آکردَ چیی ایمون، و مسیح عیسی کا خلق آبیمون، تا چاکَه کار اَنجوم بدَرَم، اَ کارِنی کن خدا ناردَکَر آمادَ آکردشَه تا اَوونکا گَل بِژَنَم.

نامَه اَفسوسی کلیسارا 3:1

اِمی خاطر اَز، پولوس، کن شمَه غَیر یهودیون خونه مسیح عیسی زیندانی ایمَه-

نامَه اَفسوسی کلیسارا 4:17

پس اِمی باتیمَه و خداوندیکا هَنی باتیم، کن دِ شمَه رفتار نِباید هنتَه اَ قامِنی شیوار کن خدا آنینَزنِست ببو، کن اِشتَن دَدارَ فکرونَّه رفتار بَکَن.

نامَه اَفسوسی کلیسارا 4:4

هَته کن ایلَه تَن، ایلَه روحه، خدا نی اَ موقه کن بَشِمَه صَلا ژِشَه ایلَه اومید بَشِمَه آداشَه؛

نامَه اَفسوسی کلیسارا 5:2

و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

نامَه فیلیپی کلیسا را 1:27

تاکَه بَرزَ شمه زندَگی رَوش، مسیح اِنجیلی شَئنیکا ببو، تا چِه بام و شِمَه بِوینِم و چِه نام، شمَکا درَسِم کن شمه ایلَه روح کا آمبَستیرون و یَک فکر، دوش بَه دوش اِنجیلی ایمانیرا تقلا بَکَرون،

نامَه فیلیپی کلیسا را 3:14

هدفی آرَستِه را تَقلا بَکَم، تا جاییزَ ایی بَدَست بوعَم کن، خدا چَی خونِه بَمن مَسیح عیسی دِلَکا کَفا را خِلِه کَردَشَه.

نامَه کُولُسی کلیسا را 1:10

تا شمَه رفتار خداوندی شائَن ببو، و بشاعَه بَی کامیلا خَش آکَرَ:هر چاکَه کاریکا بَرَ بدَرَ و خدا آزنِستِکا یال آبَه

نامَه کُولُسی کلیسا را 2:6

پس هته کن مسیح عیسای خداوندی قِبول کردِرون، چَی دلَکا زندَگی بکرَ:

نامَه کُولُسی کلیسا را 4:12

اِپافراس کن شمَکا اَ و مسیح عیسی پاسَریَه، شمرا سلام دَرِ. اَ خدا کا بَپیشه کن شمَه هِنتَه یالَه آدَمِن و خاطِر جمعون شیوار آمبَست بومونَه، و خدا ایرادَ کامیلا فرمون ببَه.

اوّلین نامَه تَسالونیکی کلیسا را 2:12

اَمه هر کِرَمی شمَکا ایلَه بَه ایلَه تشیویق اَکَریمونَه، آلاوِنیمون و سیفارش اَکَریمون تا هَتَه کن خدا شَائنیکارَ زندَگی بکَرَ، کن بَشِمَه اِشتَن شکوه و جلال و پادیشا ایرا صَلال بَژَیَه.

دوّمین نامَه تَسالونیکی کلیسا را 1:11

اِمی خاطر، یَژَن شِمَرا دِوا بَکمون تا چَمَه خدا بَشِمَه اِشتَن صلا ژِرا قابل بِزنِه و اِشتَن اینجارینَه هر چاکَه نیَتی و هر چاکه کاری کن شمَه ایمانیکا سرچشمه بَگتی، اَنجوم بدَرِ،

دِوُّمین نامَه تیموتائوسیرا 1:9

خدای کن اَمَش نیجات دوعَیه و موقدسَه زِندَگیرا خِله کردَشه. اِم چَمَه کارون خونه نییَه، بَسکم چَی اِشتَن فیضی و هَدَفی خونه اَ، کن مسیح عیسی دلَکا، دِنیا اَوَّلنَکا، اَمَش آدوعَیَه،

نامَه تیتوسیرا 2:10

پِمَتارِن، بَسکم اِشتَن چاکَه ایمانی کامیل آمونِن تا هر چیی ایی دلَکا چَمه نیجات اَدَر، خدا آموجی خاص گیری، قشگینَه آمونِن.

نامَه، عِبرانیه نَتاجَه مسیحیونرا 13:21

هَه خدا بَشمَه هر چاکَه چیی ایی نَه موجهز بکرِ تا چَی ایرادَ اَنجوم بدَرَ. تا اَ چیی ایی کن خدا راضی آرَکَرد، عیسی مسیح واسیطنَه چَمَه دِلَکا کار بیگِرِ، هه عیسی مسیح کن تا ابد و تا ابد شکوه جلال چَیرا ببو. آمین.

نامَه، عِبرانیه نَتاجَه مسیحیونرا 3:1

پس اَی موقدسَه برا اِن، اَی شمَه کن آستامونییَه صَلا کا شریکیرون، شمه چَم عیسی کا ببو کن رسول و یالَه کاهینَه، کن چَی سَردِرِ ایمان بداشتیمون و اییتراف بکَمون.

پطروسی اوّلین نامَه 2:11

اَی خاجتی اِن، شمَکا کن اِم دِنیاکا مِسافیر و خَلکیرون خاشتو خازِمه، جندکی هوا و هوسیکا کن شمَه روح زرَبرا کان جَنگِستِه، رَت آبَه.

پطروسی اوّلین نامَه 3:9

بَدی بدینَه و زَبونی زَبونینَه جواب نِدَرَ، بسکم چَی عَوض، برکَت طلب بَکَر، اِمی خونه کن هِمیرا خِله بَه ایرون تا برکَتی بَدست بوعرَ.

پطروسی اوّلین نامَه 5:10

تلَکه زمانی رنج و عذاب بَردِ بَه دوملَه، پور فیضه خدا کن بَشِمَه مَسیح دلَکا خِلِه کردشَه تا چِی زَیرونه شکوه و جلالیکا شریک آبه، بَشِمَه هنی بَنا بَکی و آمبست و قودور و پایدار بَکیَه.

پطروسی دومین نامه 1:3

هر چیی ایی کن چَمه زندَگیرا و دینداری را لازِمَه چَی ایلاهییَه خِنَر اَمَش بَخشستَه. چَی آزنِسته خونِه اَ کن اَمَش اِشتَن شکوه و جلال و چاکیرا صَلا ژَشه.

یوحنا دوّمین نامَه 1:5

ایسَه، خاجَتییَه خَنِم، بتکا چیی ایی بَپیمه. نِه اِمکن تازَ حِکمی تِرا بنوسم، بَسکم هَه حکمی کن اَوَلیکا داریمونَه، کن یَژَن یَندِ موحبَت بکَرم.