نامَه اَفسوسی کلیسارا 3:8 - کتاب مقدس به زبان تالشي - گویش مرکزی

⁸ هر چَنَه کن موقدسَه آدَمون دلَکا گِچ تَرینیم، اِم فیضی بَمِنِشون دوعَه کن مسیح وِرَ گنجون خبَری غَیر یَهودیونرا اییلام بکَم،

کتاب مقدس به زبان تالشی شمالی

⁸ هَر چَن که از گِردِ مقدّسون دیلَه کا گِردی کا کَمترینیمَه، اِم فیض بَه مِن آدوعَه بَه تا مسیح بَرکَه گنجون خَوَری غیریهودیون را اِعلام بِکَرِم،

نامَه اَفسوسی کلیسارا 3:8 Iomraidhean Croise

انجیل لوقا 14:22

پاسَری واتشَه: چمن سرور، اِشتِه دَستوری اَنجوم دامَه، ولی هَنوزَنی جِگاهِستهَ.

یوحنا 1:16

چَی پَتلَمه گیکا اَمه گرد بَرَ بَردِمون، فیض، فیضی سَر.

رَسولون اَعمال 5:41

پس رَسولِن خَشینَه شورا آدَمون حِضوریکا بِرِن شینَه، اِمی خونه کن لایق آبینَه کن عیسی نومی خونه بی حورمتی بوینن.

رَسولون اَعمال 9:15

ولی خداوند حَنانیاش واتَه: «بش، اِمی خونِه کن اِم مِرد چمن اینتخاب آبَه وسیلَه اَ، تا چمن نومی غَیر یَهودیونرا و چَوون پادیشاهِن و یَهودی مردومیرا اییلام بکَرِ.

رومی کلیسارا نامه 11:33

اَخ کن خدا دولَتمندی و حیکمَت و المندی، چَنَه عَمیقَه؛ چَی دیوون کردِکا نییَب سَربَرکردِ، و چَی راهونکا نیَب سَر آگِنِه.

رومی کلیسارا نامه 12:10

و بِرااون شیوار یَندِ رَی بدارَ. یَندِ ایحترام نوعِه کا، یَندِ نار دَوَزَ.

رومی کلیسارا نامه 2:4

یا اِمکن خدا مِرَبانی، تَحَمُلی و چَی یاله صبری گِچ بَحیساب بوعَردیش و نیشَموست کن خدا مِرَبانی اِمی خاطِرَ کن بَتِه توبَه کَردِرا بِبَرِ؟

اوّلین نامَه قورَنتیانیرا 1:30

و چَی خونه اَ کن، شِمَه مَسیح عیسی دِلَکا هِستیرون، اَ مسیح عیسی کن خدا طَرَفیکا آمَه و چَمَرا حیکمَت آبَه یَه، یعنی چَمه صالح بِه، قودوسیَّت و رَخِستِه.

اوّلین نامَه قورَنتیانیرا 15:9

اِمی خونه کن اَز رسولون دِلَکا گِچترینیمَه، و حتی لَیاقتم نییَه بَمن رسول خِلِه بِکَن، اِمی خاطر کن خدا کلیسا اَیذَت و آزار اَکریمه.

اوّلین نامَه قورَنتیانیرا 2:9

هَتَه کن اِشعَیای پَیغمبری کیتاویکا نوشته بَیَه: «اَ چیی ایی کن هیچ چَمی نِویندِشَه، هیچ گوشی دَرَستَش نی، و هیچ فِکریرا آرَستَه نی، خدا اَیِنیرا کن اَوون رَی بَداشتی آمادَ آکَردَشَه.»

نامه غلاطیَه کلیسارا 1:16

اِشتَن زوعَه، چمن دلَکا دیار آکَرِ تا غَیرِ یَهودیون دِلَکا بَی اییلام بِکَم، اَ موقه کا جندَکینَه و خونینَه گَفَه ژِنَه نِکَردِم،

نامه غلاطیَه کلیسارا 2:8

چون اَ کن پطروسی واسیطنَه کارِش کردَ تا یهودییون رسول ببو، بَمنکا نی کارِش کردَ تا غَیر یَهودیون رسول ببوم.

نامَه اَفسوسی کلیسارا 2:7

تا آیندَ زمونَکا، اَ اِشتَن پَتلمَه فیضی میسح عیسی دلَکا، اِشتَن مِربانی واسیطَنه کن چمَرا بَداشتی، اَمه آمونِه.

نامَه اَفسوسی کلیسارا 3:1

اِمی خاطر اَز، پولوس، کن شمَه غَیر یهودیون خونه مسیح عیسی زیندانی ایمَه-

نامَه اَفسوسی کلیسارا 3:16

کن اِشتَن شکوه جلالی خاطر، بَشِمَه دولتمندی بِدرِ کن اِشتَن باطنیکا خدا روح کاریَرینَه قودور و زاکیندار آبَه،

نامَه اَفسوسی کلیسارا 3:19

و مسیح موحبتی کن اینسانیَه مَریفَتیکا کفاتَرَ، آزنَه- تا کامیلا خدا کامیل بِه کا پَتلمَه آبه.

نامَه اَفسوسی کلیسارا 3:2

و بیدون شک شمه حتما اِم موضوع درَستَرونه کن خدا فیضی سَر نیظارَت، شمَه خیدمتی خونه، بَمِنِشون دوعَیه.

نامَه فیلیپی کلیسا را 2:3

هیچ کاری زِرَ و یالَه نار گیری سَردِرِ مَکَرَ، بَسکَم فروتَنی نَه دیَرَ کَسون اِشتَنکا بِیتَر بِزنَه.

نامَه فیلیپی کلیسا را 4:19

و چمن خدا، گردِ شِمَه نیازون اِشتَن پر جَلالَه دوُلَتی طبق، مَسیح عیسی دِلَکا رفع بَکَیَه.

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

اوّلین نامَه تیموتائوسیرا 1:13

با امکِن گِذشتکا، کفر اَواجیم، عذاب اَدَریم و زبَون دَرَکَریم. ولی اِمی خونه کن بی ایمانی دلَکا نافَم گیری اَکَریمَه، چمن سَر رَحم بَه،

اوّلین نامَه تیموتائوسیرا 1:15

اِم گَفی ببَی ایتماد کردِ و هر وَریکا کامیل قبول بَبی، کن میسح عیسی دِنیارا آمَه تا گناخکارون نیجات بَدَرِ، کن اَز چَوون دلَکا یالَه گِلَه ایمَه.

اوّلین نامَه تیموتائوسیرا 2:7

اِمی خونه کن اَز اِمی خاطِر اینتیخاب بیمَه تا غَیر یَهودیونرا ایلَه آموج اَدَر و ایلَه رسول و ایلَه موعَلیم ایمانی دلَکا ببوم، حَییقَتی باتیم و دِرو نِمَدا.

دِوُّمین نامَه تیموتائوسیرا 1:11

کن اَز، چَیرا تَیین آبَه ایمه تا اِنجیلی رسول و موعَلیم ببوم و موعیظَه بکَم.

یوحنا موکاشیفَه 3:18

بته اَندرز بَکم کن بمِنکا خالیصه طِله کن آرا کا برشَیَه بخِری تا دولتمند آبی؛ و ایسبیَه شندِرون، تا دَکَری و اِشتِه شرم آورَ سلندَ گیری دَپوشامنی؛ و زَمات، تا اِشتِه چمون سَردِرِ پِسونی تا بوینی.