نامَه اَفسوسی کلیسارا 3:19 - کتاب مقدس به زبان تالشي - گویش مرکزی

¹⁹ و مسیح موحبتی کن اینسانیَه مَریفَتیکا کفاتَرَ، آزنَه- تا کامیلا خدا کامیل بِه کا پَتلمَه آبه.

کتاب مقدس به زبان تالشی شمالی

¹⁹ و مسیح محبتی که بَشَری یَه معرفتی کا کَفاتَرَه، آزونَه- تا خِدا تمام کمالَ پُوری کا لِبالِب بِبییَه.

نامَه اَفسوسی کلیسارا 3:19 Iomraidhean Croise

مَتّی 5:6

خَشی اَیِنی حالیرا کن صالح برا اَنشتا اینَه و تِشیشونَه، اِمی خاطرکن اَیِن سیرآنَّب.

یوحنا 1:16

چَی پَتلَمه گیکا اَمه گرد بَرَ بَردِمون، فیض، فیضی سَر.

یوحنا 17:3

و اِمهَ زَیرونَه زندَگی، کن اَیِن، بَتِه کن تاکَه حقیقیَه خدا هِستیشَه، و عیسی مسیح کن تِه رَونَه آکَردَرَ، آزنِن.

رومی کلیسارا نامه 8:35

کیَه کن اَمه مَسیح مُحبَتیکا تاک آکَرِ؟ غَرّ یا تَته وَسّه، اَیذَت و آزار یا قحطی، لوت گیری یا خطر یا شمشیر؟

رومی کلیسارا نامه 8:39

و نِه برزَ جِگا و نِه دولَه جِگا، و نِه هیچ دیَرَ چیی ایی کن گِردِ دِنیاکارَ، نیَشا اَمه خدا موحبتیکا کن چَمَه خداوند مَسیح عیساکارَ، تاک آکَرِ.

دوومین نامه قرنتیانیرا 5:14

اِمی خونه کن مسیح موحبت اَمه کنترل بکیَه، چون بَموستیمونه کن ایی نفر گِردی خونه مَردَ، پس گِرد مَردینَه.

نامه غلاطیَه کلیسارا 2:20

اَز مَسیح نَه صَلیبی سَر مَصلوب آبیم، واِم دِ اَز نیمَه کن زندَگی بَکَی؛ بَلکَم مَسیحَه کن چمن دِلَکا زندَگی بَکَی؛ و اِم زَندَگیی کن ایسَه جَندَکیکا دارِم، خدا زوعَه سَر ایمان وَردِ خونِه یَه کن بَمن رَی داری و اِشتَن جانی مرا آداشَه.

نامَه اَفسوسی کلیسارا 1:23

کلیسایی کن چَی تَنَه، یعنی چَی پتلَمه گیری، همه چییون هَمه چیکا پتلمَه آرَکَرد.

نامَه اَفسوسی کلیسارا 3:18

تا زبق بیگِرَ کن گردِ موقدسَه آدَمونَّه، مسیح موحَبتی درازی و وشایی و عومقی و بِلَندی کا سَر آگِنَه

نامَه اَفسوسی کلیسارا 5:2

و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

نامَه اَفسوسی کلیسارا 5:25

اَی مِردِن، اِشتَن ژِنون رَی بدارَ، هته کن مسیح نی اِشتَن کلیسا رَی داریَه و اِشتَن جانی چَیرا آداشَه،

نامَه فیلیپی کلیسا را 1:7

اَز اِم حَقی بَداشتیمَه کن شِمَه گَردی خونِه اِنتَرَ حِسّی بِدارم، چیرا کن چمن دِلیکا جِگا بَداشتیرون؛ اِمی خونِه کن شِمَه گِرد بَمِنَه خدا فِیضیکا شَریکیرون، چِه چمن زیندان دگنِستِکا و چِه اِنجیلی دیفا کَردِ کا بِبوم و چَی حَییقتی ثابیت کَردِ کا.

نامَه فیلیپی کلیسا را 4:7

خدا صلح و سلامتی هر فَهمیکا کَفا تَرَ، شِمَه دِلون و فکرون مسیح عیسی دِلَکا غَم بَردیَه.

نامَه کُولُسی کلیسا را 1:10

تا شمَه رفتار خداوندی شائَن ببو، و بشاعَه بَی کامیلا خَش آکَرَ:هر چاکَه کاریکا بَرَ بدَرَ و خدا آزنِستِکا یال آبَه

پطروسی اوّلین نامَه 1:8

اَگَم چِه شمَه عیسای مسیحِرون ویندَ نییَه، بَی رَی دارَ؛ و هر چَنه کن ایسَه بَی نینَّویند، بَی ایمان دارَ و بَرکَه پور جَلالَه خَشینه خَشی بَکرون،

پطروسی دومین نامه 3:18

بَلکَم خداوندی و چَمه نیجات اَدَر عیسی مسیح فیض و آموستِه کا رشد بکرَ، کن چَیرا ایسَه کا تا اَبد شکوه و جلال ببو! آمین.