نامَه اَفسوسی کلیسارا 3:17 - کتاب مقدس به زبان تالشي - گویش مرکزی

¹⁷ تا ایمان داشتِه واسیطنَه مسیح شمَه دلونکا بومونِه و موحبَتیکا ریشَه بژَنه، و آمبَست آبَه،

کتاب مقدس به زبان تالشی شمالی

¹⁷ تا ایمانی واسطه نَه، مسیح شِمَه دیلون دیلَه کا بومونِه و محبتی کا بِنَه بِژَنَه، پابَرجا بِبییَه،

نامَه اَفسوسی کلیسارا 3:17 Iomraidhean Croise

مَتّی 13:6

ولی وَقتی آختاو پِرمَه، اَیِن سیجیستین و اِمی خونه کن ریشَه نِدارین خِشک آبینَه.

انجیل لوقا 6:48

اَ کَسی بَمَندیَه کن کَه سِی آکَردِ خونه، زَمینی دول کَندِ شَه و کَه هیمی کازَ مَغاری سَر آناشَه. وَقتی کن لَیس آمَه و لَیسآو اَ کَه سَرفشار وَردِش، نِشاستِشَه اَ کَه تم دَروَرِ، اِمی خونه کن آمبَست سِی آبَه بَه.

یوحنا 14:17

اَ دیفا اَکَر، روح حَقیقَتَه کن خدا روحَه. دِنیا نیَشا اَی قِبول بکَرِ، اِمی خونه کن نِه اَی بویندی و نِه بَی آزنِه؛ ولی شمه اَی آزنَه چیرا کن شمَنَه بَمندیَه و اَ شمَه وِجودیکا بَبیَه.

یوحنا 14:23

عیسی جواب داشه: «اَگَم کَسی بَمن رَی بدارِ، چمن گَفون اَنجوم دَرِ، و چمن دَدَ اَی رَی بَداشتیَه، و اَمه چَی ور بومَمون و اَینه بَمَندیمون.

یوحنا 17:23

اَز چَوون دلَکا و تِه چمن دلَکا تا اَیِن کامیلاً ایلَه آبون تا دِنیا بِزنِه کن ته بَمن رَونَه آکَردَرَ،و هَتَه کن بَمن رَی داری اَوون نی رَی بَداشتیش.

یوحنا 6:56

کَسی کن چمن جَندَکی بَردی و چمن خونی بِنتی، اَ چمن دِلَکا بَمَندی و اَز، چَی دِلَکا.

رومی کلیسارا نامه 5:5

و اِم اُمید داشتِه چَمَه شرمندگی باعیث نیَبِن، چون خدا موحبَت، خدا موقدسَه روح نَه کن اَمَشون دوعَه یه، چَمَه دِلونکاشون ویکَردیَه.

اوّلین نامَه قورَنتیانیرا 3:6

اَز دونَه کَشتِمه و آپولوس اَی آویاری کَردِش، ولی اَ دونه پِرمِه باعیث خدا بَه.

اوّلین نامَه قورَنتیانیرا 8:1

و ایسَه هَردَ چیی ایی خونه کن بوتون تَقدیم بَیَه: بَموستیمه کن «گِردِ اَمه اَلمندَ آدَمِنی هِستیمون.» اِم اَلمند گیری یالَه نار بِه باعیث بَبی، ولی موحبت، اینسانی بنا بَکَی.

دوومین نامه قرنتیانیرا 13:5

بَشتن وَرداوَرد بکَرَ تا دیَسَه کن ایمانِرون هِسته یا نِه. بَشتن محک بِژنه. یا مَگَم اِمیکا سَرآنینَگِنِست کن عیسی مسیح شمه دَلَکارَ؟ مگَم اِمکن اِم وَرداوَردیکا رَد آبَه.

دوومین نامه قرنتیانیرا 6:16

خدا معبد و بُتونرا چِه سلوکتی هِستَه؟ اِمی خونه کن اَمه زندَ خدا مَعبَدیمون. هَتَه کن خدا تورات و پیغمبرون کیتاویکا باتی: «اَز چَوون دِلکا زندَگی بَکمَه و چَوون مینَکا گَل بژَمَه، و اَز چَوون خدا بَبیمَه و اَیِن چِمِن قام بَبینَه.»

نامه غلاطیَه کلیسارا 2:20

اَز مَسیح نَه صَلیبی سَر مَصلوب آبیم، واِم دِ اَز نیمَه کن زندَگی بَکَی؛ بَلکَم مَسیحَه کن چمن دِلَکا زندَگی بَکَی؛ و اِم زَندَگیی کن ایسَه جَندَکیکا دارِم، خدا زوعَه سَر ایمان وَردِ خونِه یَه کن بَمن رَی داری و اِشتَن جانی مرا آداشَه.

نامه غلاطیَه کلیسارا 5:6

اِمی خونه کن مَسیح عیسی دِلَکا، نِه سِنَت بِه موهیمَه نِه سِنَت نِبِه، بَسکَم موهیم اَ ایمانیَه کن محبَتی واسیطنَه کار بَکَی.

نامَه کُولُسی کلیسا را 1:23

اَگَم واقییَن شمه اِشتَن ایمانیکا آمبَست بومونَه و اِنجیلی اَ اومیدیکا تِم مَرَ، هَه اِنجیلی کن آستامونی بَنیکا گردِ مخلوقونرا اییلام بَیَه، و اَز، پولوس، چَی پاسَری آبَه ایمَه.

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

نامَه کُولُسی کلیسا را 2:7

چَی دِلکا ریشَه بدَرَ پِروعَه، و هَتَه کن آموج گَتَرون، ایمانیکا آمبست آبَه، و شکر کردِکا کوکورو ببَه.

یوحنا اوّلین نامَه 4:16

پس اَمه محبَتی کن خدا چَمَه سَر دارِ آموستَمونَه و بَی باور دارَم. خدا مُحَبَتَه و کَسی کن مَحبَتیکا بومونِه، خدا دِلَکا بَمَندی و خدا چَی دِلَکا.

یوحنا اوّلین نامَه 4:4

اَی گچه خِردَنِن شمه خدا کا هِستیرون و چَوون سَر پیروز آبه ایرون، چون اَ کن شِمَه دِلَکارَ، دِنیا مَندَ چیی کا یالترَ.

یوحنا موکاشیفَه 3:20

بوین، اَز برَنگا پِشتیکایمَه و کایمَه برنگا کوستِه. اَگَم کَسی چمن سسی درَرَست و چمن نَکا برنگا آکَرِ، اَز دلَرا بومَمَه وبَینه سور بَردیم و اَ نی بَمِنه.