نامَه اَفسوسی کلیسارا 2:8 - کتاب مقدس به زبان تالشي - گویش مرکزی

⁸ اِمی خونه کن فیضینَه و ایمان داشتِه واسیطنَه نیجات گَتَرون. و اِم شمَه کا نییَه، بَسکم خدا خَلا اَ،

کتاب مقدس به زبان تالشی شمالی

⁸ چوم فیضی نَه و ایمانی واسطه نَه نجات پیدا کَردَرونه. و اِم شِمَه کا نییَه؛ بَلکَم خِدا هدیه یَه،

نامَه اَفسوسی کلیسارا 2:8 Iomraidhean Croise

مَتّی 16:17

عیسی واتِش: «خَشی اِشتِه حالیرا اَی شَمعون، یونا زوعَه! اِمی خونه کن اینسان اِم حقیقتی تِرا دیار آنِکردَشَه، بَلکَم چمن آستامونیَه دَدَ تِرا دیار آکَردِش.

مَتّی 20:9

اَ کاریگرِنی کن دییَرمازی نِزک ساعت پِنجیرا آمَه بینَه، هر کرَم یَک دینار ویگَتِشونه.

مَرقُس 16:16

هرکَس ایمان بوعَرِ و غَسل تَعمید بیگِرِ، نیجات بَگتی. ولی هَر کَم ایمان مَوَرِ، مَحکوم بَبیَه.

انجیل لوقا 7:50

عیسی اَ ژِنی واتشَه: «اِشتِه ایمان بَته نیجاتِش دوعَیه، سَقَه جان بش!»

یوحنا 3:36

اَکَن بَه زوعَه ایمان دارِ، زَیرونَه زندَگی دارِ؛ اَ کن زوعَه کا فِرمون نیَبَرد، زندَگی نیَویند، بَلکَم خدا غَضَّب چَی سَردِرِ بَمَندیَه.»

یوحنا 4:10

عیسی اَ ژنی جواب داشَه: «اَگَم خدا خَلا اَزنیشَه و اَزنیشَه کیَه کن بَتِه باتیَه تیکَلیی آو بَمن بِدَ تا بِنجِم، تِه اِشتَن اَیکا بَپیر بَه، اَ آویی کن زندَگی بَبَخشِستی بَتِه اَدَریَه.»

یوحنا 5:24

حَییقتا بَه شمَه باتیمَه، هر کَم چمن گَفون دَرَسه و بَه خدا کن بَمِنِش عَندَیَه ایمان بوعَرِ، زَیرونَه زندَگی بَداشتی و چَی سَردِرِ دیوون نیَبن، بَلکَم اَ، مرگیکا، زندَگیرا آمَیَه.

یوحنا 6:35

عیسی اَیِنِش واتَه: « اَ نونی کن زندَگی بَبَخشستی اَزیمَه. هر کم چمن وَربا اَنشتا آنیَب و هر کم بَمن ایمان بوعَرِ هرگز تِشیش آنیَبن.

یوحنا 6:37

گِردِ اَیِنی کن ددَ بَمن دَرِ، چمن وَر بومَنَه؛ و اَکَن چمن وَربا، اَز هرگز اَی رَد نِمَکرد.

یوحنا 6:40

اِمی خونه کن خواست چمن دَدَ اِمه کن هر کم زوعَه دَیَسه و بَی ایمان بوعَرِ زَیرونَه زندگی بِدارِ، و اَز دیوون کَردِ روجیکا اَی زَندَ آمَکَرد.»

یوحنا 6:44

هیچ‌ کَس نیَشا چمن وَر با غَیراَز اَ کن، دَدَ کن بَمن رَونَه آکردشَه، اَی چمن طَرَف دَراکِنِه، و اَز دیوون کَردِ روجیکا اَی زندَ آمکَرد.

یوحنا 6:65

چَی بَه دوملَه عیسی واتِشه: «اِمی خاطِر بَه کن شمَه واتِم کن هیچ‌کَم نیَشا چمن وَر با مَگم اِمکن آستامونیَه دَدَ وَریکا بَی آدوعَشون ببو.»

رَسولون اَعمال 13:39

هَر چیی کا کن نِشاستِرون موسی شَریعَتینَه آزاد ببَه، ایسَه هر کَم کن بَه عیسی ایمان بوعَرِ، چَی واسیطنه آزاد آرَبن.

رَسولون اَعمال 14:27

وقتی پولوس و بَرنابا اَجِگارا آرَستین، کِلیسا آدَمِنِشون جَم آکردَ، و هَنی واتِشون کن خدا چَوون واسیطَنَه چِه کارِنی کَردَشَه و چِنتَه، ایمانی بَرَنگا غَیرِ یَهودیونرا آج آکَردَشَه.

رَسولون اَعمال 15:11

ولی اَمه ایمان دارَم کن عیسای خداوندی فیضینَه یَه کن، نیجات گَتِمون، هَتَه کن اِمِن نی نیجات گَتِشون.»

رَسولون اَعمال 16:14

چَوون دِلَکا ژنی خدا پَرَست شَهرِ تیاتیرا آدَمونکا بَه کن چَمَه گَفون گوش اَکَریَه. چَی نوم لیدیَه بَه و اَرغوانیَه گِرونَه پارچَه اَخِرَشیَه. خداوند چَی قَلبی آکَردِشَه تا پولوسی پَیغومی گوش آدَرِ.

رَسولون اَعمال 16:31

پولوس و سیلاس جوابِشون دوعَه: « خداوند عیسای مَسیح ایمان بوعَه کن تِه و اِشتِه کَه آدَمِن نیجات بَگَتیرون.»

رومی کلیسارا نامه 10:14

پس چِنتَه کَسی خِلِه بِکَن کن بَی ایمان وَردَشون نی؟ و چِنتَه کَسی ایمان بوعَرن کن چَی خونِه دَرستَشون نی؟ و چِنتَه دَرَسن، اَگَم کَسی اَوونرا موعیظَه نِکَرِ؟

رومی کلیسارا نامه 10:17

پس ایمان، پَیغومی دَرَستِه کا آ، و پَیغومی دَرَستِه، مَسیح کَلامی راه نَه آ.

رومی کلیسارا نامه 4:16

اِمی خاطِر، وَعدَ، ایمان داشتِه واسیطَنه آ، تا فیضی سَردِرِ آمبَست ببو و ابراهیمی گِردِ اودومیرا ضیمانت ببو، یعنی نِه تاکَه اَیِنیرا کن شَریعَتیکا ایطاعَت بَکَن، بَلکَم اَینیرا کن ابراهیمی ایمانیکا ایطاعت بَکنَه نی هِستَه، کن چَمَه گِردی دَدَیَه.

رومی کلیسارا نامه 4:5

ولی اَ کن کاری نیَکَرد، بَلکَم خِدایی سَر توکل بَداشتی کن بی خدا اون نی صالح بَحیساب بوعَردی، چَی ایمان چَیرا صالح بِه، بَحیساب آ.

رومی کلیسارا نامه 9:16

پس اینسانی خواسته یا تقلا کردِ رَبتیش نیَه؛ بَلکَم بَه خِدایی مَربوطَه کن رحم بَکَی.

نامه غلاطیَه کلیسارا 3:14

اَ اِنتَه کَردِشَه تا ابراهیمی بَرَکت، مَسیح عیسا دِلَکا غَیرِ یهودیون نَصیب ببو، و تا اَمه اَ روح کن وَعدَ آدوعَشون بَه، ایمانی راه نَه بیگِرَم.

نامه غلاطیَه کلیسارا 3:22

ولی موقدسَه نوشتَه اِن اییلاموِشون کردیَه کن گِرد گِناخی دلَکا ویلاخیستَه این، تا اَ وَعدَ کن عیسی مَسیح سَر ایمان داشته راه نَه یَه، اَیِنی آدوعِه ببو کن ایمانِشون وَردیَه.

نامَه اَفسوسی کلیسارا 1:19

و چَی بی حَد و حیسابَه خِنریکا چَمَه سَر کن ایمان دارَم، باخبر ببَه. اِم خنَر، خدا زاکیندارَ اینجاریکا کن کا کار کردِ بومیَه،

نامَه اَفسوسی کلیسارا 2:10

اِمی خونه کن خدا بالی سِی آکردَ چیی ایمون، و مسیح عیسی کا خلق آبیمون، تا چاکَه کار اَنجوم بدَرَم، اَ کارِنی کن خدا ناردَکَر آمادَ آکردشَه تا اَوونکا گَل بِژَنَم.

نامَه اَفسوسی کلیسارا 2:5

حتی وقتی کن اِشتَن خطا اونکا مردَ بیمون، اَمَش مسیح نَه زندَ آکردِش، شمَه فیضی راه نَه نیجات گَتَرون؛

نامَه فیلیپی کلیسا را 1:29

چون اِم ایفتخار شِمَه نَصیب بَیَه کن نِه تاکَه مَسیح ایمان بوعَرَ، بَسکَم چَیرا رنج و عَذاب نی بِکَشَه.

نامَه کُولُسی کلیسا را 2:12

و شمَه بَینَه غسل تعمیدی دلَکا، اَینه دفن بیرون، و ایمانی واسیطنَه کن خدا زبقینه کن مسیحِش مردَاونکا زندَش آکَردَ، اَینه زندَ آبیرون.

دوّمین نامَه تَسالونیکی کلیسا را 1:9

چَوون جَزا زَیرونَه نیفلَه آبِه خدا حِضوریکا و چَی خِنَری شکوه جَلالیکا اَ،

نامَه، عِبرانیه نَتاجَه مسیحیونرا 6:4

چون اَیِنی کن ایی کرَ نورانی آبین، اَیِنی کن آستامونیَه خلا مزَ چَشتِشون و خدا موقدسَه روح دلَکا شَریک آبینه،

پطروسی اوّلین نامَه 1:5

شِمَرا کن خدا خِنَرینَه و ایمان داشتِه واسیطَنه، اَ نیجاتی خونه کن آمادَ آبیَه تا آخیرَ زَمانیکا اَیر آبو، حفظ آبَه ایرون؛