نامَه اَفسوسی کلیسارا 2:18 - کتاب مقدس به زبان تالشي - گویش مرکزی

¹⁸ اِمی خونه کن چَی واسیطنَه، اَمه دِ گِلَه، ایلَه روح نَه، آستامونیَه دَدَ دَسترَسی دارَم.

کتاب مقدس به زبان تالشی شمالی

¹⁸ چوم چَیی واسطه نَه، اَمَه هر دِ گله، ایلَه روح دیلَه کا آسِمونی یَه دَده دَسترسی هِستِمونه.

نامَه اَفسوسی کلیسارا 2:18 Iomraidhean Croise

مَتّی 28:19

پس بشَه و گِردِ میلَّتون چمن شاگرد آکَرَ و اَوون دَدَ نومینَه و زوعَه نومینَه و خدا موقدسَه روح نومینَه غُسل تعمید بِدَر،

یوحنا 10:7

پس ایکرَ دییَراَیِنِش واتَه: «حَییقا بَه شمَه باتیم، اَز پَسونرا بَرَنگا ایمَه؛

یوحنا 10:9

اَز ’بَرنگا ’ ایمه؛ اَگَم کَسی چمن راه نَه دِلَه درَش، نیجات پَیدا بَکَی، آزادانه دِله دَرَش و بِرِن بَرَش و علَف چَر پَیدا بَکَیَه.

یوحنا 14:6

عیسی بَی واتِشَه: «اَز راه و حَییقت و زندَگی هِستیمَه. هیچ‌کَسی غَیراَز چمن واسیطۀ نَه دَدَ وَر نیام.

رومی کلیسارا نامه 5:2

اَمه چَی واسیطنَه، و ایمان داشته نَه، اَ فیضی بَه دَست وَردَمونَه، کن ایسَه چَی دِلَکا آمبَستیمون، و خدا شکوه و جَلالی اُمیدی دلَکا خَشی بَکَمون.

رومی کلیسارا نامه 8:15

چیرا کن شِمَه وَزییَر گیری روح پَیدا کَردَرون نی، کن هَنی بِتَرسَه، بَسکَم زوعَه اون مقامیکا، اَگیَه زوعَه گیری روح بَدَست وَردَرن کن چَی واسِطَنَه لَسَّه بَژَرون: «دَدَ، دَدَجان.»

اوّلین نامَه قورَنتیانیرا 12:13

اِمی خونه کن اَمه گِرد، چِه یهود و چِه یونانی، چِه وَزییَر و چِه آزاد، ایلَه روح نَه غسل تَعمید گَتَمونَه تا ایلَه تَن ببَم؛ و اَمه گِردی ایلَه روح کا هِنجامونیَشونه.

اوّلین نامَه قورَنتیانیرا 8:6

اِم حالینَه، چَمَرا تاکَه ایلَه خدا هِستَه، یعنی آستامونیَه دَدَ، کن گِردِ چییِن اَیکارَ و اَمه چَی شِنیمون؛ و تاکَه ایلَه خداوند هِستَه، یعنی عیسی مسیح، کن گردِ چییِن چَی واسیطَنَه یَه و اَمه چَی واسیطَنه هِستیمون.

نامه غلاطیَه کلیسارا 4:6

پس وَقتی کن شمه خِردَنِنیرون، خدا اِشتَن زوعَه روح، چَمَه دِلون دلَکا آناشَه کن سَس آرَدا «اَبّا، دَدَ.»

نامَه اَفسوسی کلیسارا 3:12

اَمه مسیح دلَکا بَی ایمان داشتِه واسیطنَه، بَشامونه جورئَتینه و ایطمینانینَه خِداکا نِزِک آبه.

نامَه اَفسوسی کلیسارا 3:14

اِمی خاطر، اَز آستامونیَه دَدَ ناریکا زِنگ بَژَم

نامَه اَفسوسی کلیسارا 4:4

هَته کن ایلَه تَن، ایلَه روحه، خدا نی اَ موقه کن بَشِمَه صَلا ژِشَه ایلَه اومید بَشِمَه آداشَه؛

نامَه اَفسوسی کلیسارا 6:18

و اوزون، همه مودیل دِوا و خاشتو خازینَه، خدا روح دلَکا دِوا بکرَ و هِمیرا بیدار و هوش ببَه و یژَن پایدارینَه گردِ موقدسَه آدَمونرا دِوا بکرَ.

نامَه کُولُسی کلیسا را 1:12

دَدَ شکر بواجَه کن بَشِمَش قابل زونِستشَه، کن موقدسون اَ میراثیکا کن نوریکا بَداشتین شریک ببَه.

نامَه، عِبرانیه نَتاجَه مسیحیونرا 7:19

اِمی خونه کن شریعَت هیچ چیی ایی ایش کامیل آنِکَردَ. ولی اَوَریکا چاکَه اومیدی اَمَش آمونِسته کن چَی واسیطنَه خدا کا نِزِک آبَم.

یعقوبی نامَه 3:9

اِشتَن زونینَه خداوند و دَدَ متبارَک خِلِه بَکَمون و هَه زونینَه اینسانِنی کن خدا شیوار سِی آبَه اینَه، لَنَت بَکَمون.

پطروسی اوّلین نامَه 1:17

اَگَم اَ کن، هر کَسی کارون سَر بی اِمکن چَی طرفی بیگِرِ دیوون بَکیَه، دَدَ باتیرون. پس اِشتَن غوربتی دوورَ خدا تَرسینه بِگذِرامونَه،

پطروسی اوّلین نامَه 1:21

شمَه چَی واسیطنَه خدا کا ایمان وَردَرونَه، خِدایی کن اَش مردَاون دِلکا زندَ آکَردِش و بَی شکوه جلال بَخشِتِش، تا شمَه ایمان و اومید خِداکا ببو.

پطروسی اوّلین نامَه 3:18

اِمی خونه کن مسیح نی ایکَرَ گناخون خونه عذابِش کَشتَه، یعنی اَ صالِح، غَیرِ صالِحون خونِه، تا اَمه خدا وَر بوعَرِ. اَ جَندَکیکا مَردَ، ولی روح دِلَکا، زندَ آبَه،

یهودا نامه 1:20

ولی اَی خاجَتی اِن شمَه، وِرَ موقدسَه ایمانیکا بَشتن بنا بکرَ و خدا موقدسَه روح نه دِوا بکَرَ