نامَه اَفسوسی کلیسارا 2:13 - کتاب مقدس به زبان تالشي - گویش مرکزی

¹³ ولی ایسَه مسیح عیسی دِلَکا، شمَه کن ایی زمان دور بیرون، مسیح خونی واسیطَنه نِزِک آبیرون.

کتاب مقدس به زبان تالشی شمالی

¹³ امّا حِسَه مسیحْ عیسی کا، شِمَه که زمانی دور بیرونه، مسیح خونی واسطه نَه نِزدیک اومیرونه.

نامَه اَفسوسی کلیسارا 2:13 Iomraidhean Croise

یوحنا 10:16

دییَرَ پَسِنی دارم کن اِم گاچیکا نینَّه. اَوون نی پی بوعَرم و اَیِن چمن سَسی گوش آنَّدا. اَموقه اَیِن ایلَه رَمه آنَّب، ایلَه شونه نَه.

رَسولون اَعمال 15:14

شَمعونِه پِطروس واتِشَه کن خدا چِنتَه اَوَلین کَرَ غَیر یَهودییون لطف کَردِشَه، و چَوون دِلَکا اِشتَن نومی خونه ایلَه قامِش اینتخاب کردیَه.

رَسولون اَعمال 2:39

اِمی خونه کن اِم وَعدَ شِمَرا و شِمَه خِردَنونرا و گِردِ اَیِنیرا اَ کن دورینَه، یَعنی هرکَمی کن چَمَه خداوند خدا بَی اِشتَن وَر خِلِه بکَرِ.»

رَسولون اَعمال 22:21

خداوند بَمِنِش واتَه: ”بش؛ چون اَز بَتِه دورَ جِگا اونرا، غَیر یَهودیون وَر رَونَه آمَکَرد.»

رَسولون اَعمال 26:18

تا چَوون چَمون آج آکَری، اَتَه کن ظِلَماتیکا نوریرا، و شَیطونی اینجاریکا خدا طَرَف آگَردِن، تا چَوون گِناخِن بخشیدَ آبو، و اَ ایمانی خونه کن بَمنکا بَداشتین، اَیِنی دلَکا کن موقدَّس آبَه اینَه، جِگا ایی بدارِن.”

رومی کلیسارا نامه 8:1

پس ایسَه اَیِنیرا کن مَسیح عیسا دلَکا هِستین، دِ هیچ مَحکومیَتی نیَه،

اوّلین نامَه قورَنتیانیرا 1:30

و چَی خونه اَ کن، شِمَه مَسیح عیسی دِلَکا هِستیرون، اَ مسیح عیسی کن خدا طَرَفیکا آمَه و چَمَرا حیکمَت آبَه یَه، یعنی چَمه صالح بِه، قودوسیَّت و رَخِستِه.

اوّلین نامَه قورَنتیانیرا 12:13

اِمی خونه کن اَمه گِرد، چِه یهود و چِه یونانی، چِه وَزییَر و چِه آزاد، ایلَه روح نَه غسل تَعمید گَتَمونَه تا ایلَه تَن ببَم؛ و اَمه گِردی ایلَه روح کا هِنجامونیَشونه.

اوّلین نامَه قورَنتیانیرا 6:11

بعضی شِمَه اونکا گِذَشتَکا اِنتَرَ بینَه، ولی خداوند عیسی مسیح نومینَه و چَمَه خدا روح واسیطَنه شِمَشون شوشتَه، تقدیس آبیرون و صالح بَحیساب آمیرون.

دوومین نامه قرنتیانیرا 5:17

پس اَگَم کَسی مسیح دِلَکا ببو، تازَ خیلقَتیَه. گِردِ کنَه چییِن تَمون آبینَه؛ ایسَه، گردِ چییِن تازَآبَه اینَه!

نامه غلاطیَه کلیسارا 3:28

دِ نِه یَهودی مَعنی دارِ نِه یونانی، نِه وَزیَر نِه آزاد، نِه مِرد نِه ژِن، اِمی خونِه کن شِمَه گِرد مَسیح عیسی دِلَکا ایلَه اییرون.

نامَه اَفسوسی کلیسارا 1:1

پولوسی طرَفیکا کن خدا خواستَنه مسیح عیسی رسولَه، بَه موقدَسه آدَمِنی کن شهر اَفِسوسیکا بمَندین، اَیِنیرا کن مسیح عیسی دلَکا وفادارینَه:

نامَه اَفسوسی کلیسارا 1:7

اَمه مسیح دلَکا چَی خونی واسیطنَه رَخِستیمون، کن اِم هَه خطا اون بخشِستِه یَه، کن اَش، اِشتَن برکَه وِرَ فیضی اندازَ،

نامَه اَفسوسی کلیسارا 2:10

اِمی خونه کن خدا بالی سِی آکردَ چیی ایمون، و مسیح عیسی کا خلق آبیمون، تا چاکَه کار اَنجوم بدَرَم، اَ کارِنی کن خدا ناردَکَر آمادَ آکردشَه تا اَوونکا گَل بِژَنَم.

نامَه اَفسوسی کلیسارا 2:12

یاد آفَنه کن اَموقه مسیح کا تاک بیرون، ایسرائیلی قام بَحیساب نامیرون و عَهدون وعدَ نَه، خَلک بیرون، و بی اومید و بی خدا اِم دِنیا کا زندَگی اَکَریرون.

نامَه اَفسوسی کلیسارا 2:2

و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

نامَه اَفسوسی کلیسارا 2:6

وخدا اَمَش مسیح نَه زندَش آکَردَ و آستامونیه جِگا اونکا مسیح عیسی نَه نِشامنیشَه،

نامَه، عِبرانیه نَتاجَه مسیحیونرا 9:18

اِمی خاطیر، حتی اولین عهد نی بی خون، برقرار نَبییَه.

پطروسی اوّلین نامَه 3:18

اِمی خونه کن مسیح نی ایکَرَ گناخون خونه عذابِش کَشتَه، یعنی اَ صالِح، غَیرِ صالِحون خونِه، تا اَمه خدا وَر بوعَرِ. اَ جَندَکیکا مَردَ، ولی روح دِلَکا، زندَ آبَه،

یوحنا موکاشیفَه 5:9

و اَیِن تازَ سِرودی اَخونینَه کن اَواجیَه: «تِه اَ طوماری ویگَتِه و اَ موهرون چاکنسِه لَیاقتی داری، اِمی خونه کن تِه قربونی آبیشَه، و اِشتِه خونینَه آدَمون، هر طایفه و زبان و مردوم و میلَّتیکا، خِدارا خِریرَ؛