نامَه کُولُسی کلیسا را 3:3 - کتاب مقدس به زبان تالشي - گویش مرکزی

³ اِمی خونه کن مَردیرون و شمه زندَگی ایسَه مَسیح نَه خدا دَلَکا نونَه.

کتاب مقدس به زبان تالشی شمالی

³ چوم شِمَه مَردیرونه و شِمَه زِندگی مَسیح نَه خِدا دیلَه کا نِینَه.

نامَه کُولُسی کلیسا را 3:3 Iomraidhean Croise

مَتّی 11:25

اَموقه عیسی واتش: « دَدَ، آستامون و زَمینی صاحیب، بَته شِکر بکَم کن اِم چییون اَلمندون و اَفَهمونکا نون آکَردَرَ و اَینیرا کن خِردَنون شیوارین دیار آکَردِر.

یوحنا 14:19

کَمه زَمانی کن دَیوَرِ دِنیا دِ بَمن نیویند اَمّا شمَه بَمن بَویندیرون، اِمی خونه کن اَز زِندَایمَه، شمَه نی زندَگی بَکَرون.

یوحنا 3:16

« اِمی خونه کن خدا اَنَ دِنیا رَی داری کن اِشتَن تاکَه زوعَه آداشَه تا هر کم بَی ایمان بوعَرِ نیفله آمَبو، بَلکَم زَیرونَه زندَگی بِدارِ.

یوحنا 4:14

ولی هر کم اَ آویکا کن، اَز بَی آمَدا بِنجِه، دِ هرگز تشیش آنیَبن، اَ آوی کن اَز بَی آمَدا، چَی دِلَکا ایلَه خونی بَبیَه کن تا زَیرونَه زندَگی، بَگِلِستیَه.»

یوحنا 5:21

چون هَته کن دَدَ مَردَ اون زِندَ آرَکَرد و اَوون زندَگی بَبَخشِستی، زوعَه نی هر کمی کن بَپیشه، زندگی بَبخشستی.

یوحنا 5:24

حَییقتا بَه شمَه باتیمَه، هر کَم چمن گَفون دَرَسه و بَه خدا کن بَمِنِش عَندَیَه ایمان بوعَرِ، زَیرونَه زندَگی بَداشتی و چَی سَردِرِ دیوون نیَبن، بَلکَم اَ، مرگیکا، زندَگیرا آمَیَه.

یوحنا 5:40

ولی هَنوزنی نَپیستِرونَه چمن وَر بِرَ تا زَیرونَه زندَگی بِدارَ.

رومی کلیسارا نامه 5:10

چون اَگَم هَنگومی کن خِدانَه غَنیم بیمون، و چَی زوعَه مَردِ واسیطنَه، اَمَشون خدا نَه آشتیشون دوعَه، چَدَ ویشتَر ایسَه کن بَینه آشتیکامونَه، چَی زندَگی واسیطنَه نیجات بَگَتیمون.

رومی کلیسارا نامه 5:21

تا هَته کن گناخ، مَرگی دِلَکاش حکومت کردَ، فیض نی صالِح بِه واسیطنَه حِکومت بکَرِ کن چَمَه خداوند عیسای مَسیح واسیطنَه، زَیرونَه زِندَگیرا، آرَسِه.

رومی کلیسارا نامه 6:11

پس شِمَه نی، پی بَشتَن گناخیرا مَردَ بزنَه، و مسیح عیسا دِلَکا، خِدارا، زِندَ بزنَه.

رومی کلیسارا نامه 6:2

هرگز! اَمه کن گناخی خونِه مَردیمون، چِنتَه بَشامون چَی دِلَکا هَنی زندَگی بِکَرم؟

رومی کلیسارا نامه 8:2

چون شریعَتی کن زندَگی روحَه، مسیحْ عیسادلَکا، بَشِمَه شریعَتی گِناخیکا و مَرگیکا اَراخِمونیشَه؛

اوّلین نامَه قورَنتیانیرا 15:45

هَته کن توراتیکا نوشتَه آبَیَه: «اَولین اینسان، یعنی آدَم، زندَ موجود آبَه»؛ آخِرین آدَم، روحی آبَه کن زندَگی دَرِ.

اوّلین نامَه قورَنتیانیرا 2:14

اینسانی کن اِشتَن نفسی دوملَه ببو چییِنی کن خدا روح مَربوطَه قِبول نییَکَرد، اِمی خونه کن چَی نظَریکا نادونییَه، و اَوونکا سَر بَر نییَکَرد، چیرا کن تاکَه، خدا روح نَه بَبی چَوون دِرِست بِه کا، سَر آگِنِسته.

دوومین نامه قرنتیانیرا 5:14

اِمی خونه کن مسیح موحبت اَمه کنترل بکیَه، چون بَموستیمونه کن ایی نفر گِردی خونه مَردَ، پس گِرد مَردینَه.

دوومین نامه قرنتیانیرا 5:7

اِمی خونه کن اَمه ایمان داشتِه نَه زندَگی بَکَمون نِه اَ چیی ایی نه کن بَویندیمون.

نامه غلاطیَه کلیسارا 2:20

اَز مَسیح نَه صَلیبی سَر مَصلوب آبیم، واِم دِ اَز نیمَه کن زندَگی بَکَی؛ بَلکَم مَسیحَه کن چمن دِلَکا زندَگی بَکَی؛ و اِم زَندَگیی کن ایسَه جَندَکیکا دارِم، خدا زوعَه سَر ایمان وَردِ خونِه یَه کن بَمن رَی داری و اِشتَن جانی مرا آداشَه.

نامَه اَفسوسی کلیسارا 3:9

و گِردیرا آمونِم کن خدا نَقشَه چنترَ اَنجوم آرَب. خدایی کن گردِ چییِنِش خلق کردَیه اِشتَن اِم رازی گِذَشتَکا نون آکَردَش بَه.

نامَه فیلیپی کلیسا را 4:7

خدا صلح و سلامتی هر فَهمیکا کَفا تَرَ، شِمَه دِلون و فکرون مسیح عیسی دِلَکا غَم بَردیَه.

نامَه کُولُسی کلیسا را 1:5

اِمِن اَ اومیدی کا سرچشمَه بَگَتی کن آستامونیکا شِمَراشون غَم هَردیَه. اَ اومید کن چیمی بَه نَه چَی خونه حَییقیَه کلامیکا یعنی اِنجیل، درَستَرون،

نامَه کُولُسی کلیسا را 2:20

پس اَگَم شمَه نیسبت بَه اِم دِنیا اوصول مسیح نَه مردَایرون، چیرا هنته اَیِنی شیوار کن هنوزَنی اِم دِنیا شِنین، چَی قانونون اَنجوم دَرَ، قانونِنی کن باتی:

نامَه کُولُسی کلیسا را 2:3

کن گِردِ حیمکت و اَلمَند بِه گنجِن چَی دلَکا نون آبَه یَه.

نامَه کُولُسی کلیسا را 3:4

وقتی مسیح کن شمَه زندَگییَه، اَیر آبو، چَی به دوملَه شمَه نی بَینَه شکوه جَلالینَه اَیر آنَّب.

نامَه، عِبرانیه نَتاجَه مسیحیونرا 7:25

پس عیسی بَشایَه اَیِنی کن چَی واسیطَنه خداکا نِزِک آنَّب کامیلا نیجات بدَرِ، اِمی خونه کن اَ اوزون زندَیَه تا چَوون خونه شفاعت بکرِ.

پطروسی اوّلین نامَه 3:4

بَسکم بَرزَ شمه خاص گیری، شمه اَ دَرونیَه اینسانی ببو کن شمَه دِلیکارَ و نییَبن چمینه بَی ویندِ، و ایله آلاویستَه و مولایِمَه روحی نَه وَج آبَه ببو، کن خدا نظَریکا اِنتَرَ خاص گیری ایی برک با اَرزِشَه.

پطروسی اوّلین نامَه 4:2

و اِشتَن عمری مندَ روجون جندَکیکا، نِه اینسانی هوا و هوسیکا، بَسکم خدا ایرادَکا زندگی بَکَی.

یوحنا اوّلین نامَه 3:2

اَی خاجَتیِن، ایسَه خدا خِردَنِنیمون، ولی اَ چیی ایی کن بَبیمون هَنوزَنی دیار آبَه نیَه. ولی بَموستیمون اَموقه کن اَ اَیر آبو، چَی شیوار بَبیمون، چون بَی هَتَه کن هِستَه، بَویندیمون.

یوحنا موکاشیفَه 2:17

اَ کن گوش دارِ درَسه کن خدا روح کلیسا اون چِه باتیَه. هر کَم پیروز آبو، اَ نون آکردَ ”مَنّا“ بَی آمَدا، و بَی ایسبیَه سِه ایی آمَدا کن چَی سَریکا تازَ نومی نوشتَشونه، کن غَیراَز چَی ویرَگِر، دِ دییرَ کَسی بَی آنییَموست.