نامَه کُولُسی کلیسا را 2:4 - کتاب مقدس به زبان تالشي - گویش مرکزی

⁴ اِمی باتیمَه تا هیچ کم بشمَه اَ دَلیلونَّه کن قانع بَکیَه، گُمراه نکَرِ.

کتاب مقدس به زبان تالشی شمالی

⁴ اِمی بَواتیم تا هیچکس اَ دلیلونی نَه که قانع بَکَردی، شِمَه گول مَژَنه.

نامَه کُولُسی کلیسا را 2:4 Iomraidhean Croise

مَتّی 24:24

اِمی خونه کن دروعَه مَسیحِن و دروعَه پَیغمبَرِن بومَن، و اِنتَرَ نِشونَه اِن اَیر بَکَن و موعجیزَاِن اَنجوم دَرِن تا اَگَم بشان، بَرگُزیدَاون گُمرا بِکَن.

مَتّی 24:4

عیسی جواب داشه: «حواسِرون ببو تا کَسی بَشِمَه گمراه نِکَرِ.

مَرقُس 13:22

اِمی خونه کن دروعَه مَسیحِن و دروعَه پَیغمبَرِن بومَن، و اِنتَرَ نِشونَه اِن اَیر بَکَن و موعجیزَاِن اَنجوم دَرِن تا اَگَم بشان، بَرگُزیدَاون گُمرا بِکَن.

رَسولون اَعمال 20:30

حتی شِمَه دِلکا نی آدَمِنی راست آنَّب و حَقیقَتی ویگاردِنن تا شاگِردون اِشتَن دوملَه دَراکنن و اَوون گومرا بَکَن.

اوّلین نامَه قورَنتیانیرا 2:4

و چمن پَیغوم و گَفِن حَکیمانَه کلَمَه اونَّه کن قانع بَکَیه نِبَه، بَلکَم خِداروح خِنَرینَه واتِم،

دوومین نامه قرنتیانیرا 11:3

ولی بَتَرسِستیمَه هَته کن نلَتی حَوّاش گول ژَ، شمَه فکر اَ صاف و صادیق و خالیص بِه کا، کن مَسیح سَردِرِ دارَ، مونحرف آبَو.

نامه غلاطیَه کلیسارا 2:4

اِم تفشیش اَ دِروعَه برا اون خونه بَه کن نونَکِه مَنظورینه چَمَه دِلَکا نِفوذ کَردِشون تا اَ آزادی ایی کن مَسیح دِلَکا دارَم جاسوسی بِکَرِن و اَمه وَزییَر گیری را بِبَن.

نامَه اَفسوسی کلیسارا 4:14

پس دِ هنته خِردَنون شیوار آنیمونَب، کن موجون نَّه اَمه هر طَرَفیرا ویدارِن و موختلیفَه آموجن و آدَمون مکر و حیلَه وا، اَ نقشَه اونیکا کن چَمَه گومرا کردِرا بَکشتین، اَمه اِم وَر اَ وَریرا ببَرِ.

نامَه اَفسوسی کلیسارا 4:17

پس اِمی باتیمَه و خداوندیکا هَنی باتیم، کن دِ شمَه رفتار نِباید هنتَه اَ قامِنی شیوار کن خدا آنینَزنِست ببو، کن اِشتَن دَدارَ فکرونَّه رفتار بَکَن.

نامَه اَفسوسی کلیسارا 5:6

مرزَ کَسی بَشِمَه دَدارَ گَفونَّه گول بژَنه، چون هِم چییون خونه اَ کن خدا غَضَّب نافِرمونون سَردِرِ آ.

نامَه کُولُسی کلیسا را 2:18

مرزَ کَسی بَشِمَه محروم بَکَرِ اِم ایصرارینَه کن تَنی پی چاک غَم هردِ و فرشتَه اون پی عیبادَت کردِ. اِنتَرَ آدَم تا اِشتَن رویا اون سَر تَکییَه بَکَی، بی دلیل اِشتَن دَدارَ فکرون خونه یالَه نار آرَب.

نامَه کُولُسی کلیسا را 2:8

هوش ببه تا کَسی بشِمه حیلَه باز و دَدارَ فلسفَه نَه مَویلاخنِه، گفِنی کن مسیح سَردِرِ نییَه، بَسکم آدَمون سونتی سَر و اِم دِنیا اوصولی سَردِرِ آمبستَه.

دِوُّمین نامَه تیموتائوسیرا 2:16

ولی دِنیا دَدارَ گَفونکا رَت آب، کن آدَمون ویشتَر و وِرتَر بی دینی طَرَف بَبَیَه.

دِوُّمین نامَه تیموتائوسیرا 3:13

ولی آوشَرَ آدَمِن و حیلَه بازِن بَدیکا بدتَر آنَّب؛ گول بَردین و گول بَژَنه.

یوحنا اوّلین نامَه 2:18

خِردَنِن، اِم آخِرین ساعَتَه و هَتَه کن دَرَستَرون مَسیح ضِد بومَیه، ایسَه نی خَیلی ضد مَسیحییِن آمه اینه، اِمیکا بَموستیمون کن آخِرین ساعَتَه.

یوحنا اوّلین نامَه 2:26

اَز اِمون شِمَرا اَیِنی خونِه نِوِشتِمَه کن بَشِمَه گومرا بَکَن.

یوحنا اوّلین نامَه 4:1

اَی خاجَتیِن، هر روحی باوَر نِکَرَ، بَسکَم اَوون وَرداوَرد بکَرَ کن خدا شِنینَه یا نِه. اِمی خونه کن وِرَ دِروعَه پَیغمبَرِن دِنیاکا هِستین.

یوحنا دوّمین نامَه 1:7

اِمی خونه کن بَرکَه حیلَه بازِنی دِنیا کا مَندین، کن عیسی مسیح آمِه اینسانی جندکی دِلَکا ایقرار نینَّکَرد. اِنتَرَ کَسِن، هَه ضد مَسیح و حیلَه بازِنینَه.

یوحنا موکاشیفَه 12:9

یالَه اَژدِخا بِنیرا ویگنِسته، یعنی هَه قدیمیه نَلَتی کن بَی ابلیس یا شَیطون خِلِه اَکَرینَه و دِنیا دِلَه گِردِ آدَمون گومراه آکَردِشَه. اَشون زَمینی سَر ویداشتِشون و چَی فرشتَه اِنِشون نی بَینَه بِنیرا ویرَفَندشون.

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.

یوحنا موکاشیفَه 20:3

و بَش هاویه چالیکا ویَرفَندَ و بَرَنگاش موهر موم کردَ تا اَ هَزار سالی تَمون آبِرا دِ آدَمون گول مَژَنه. و چَی به دوملَه پی تلَکه زمانی آزاد آبو.

یوحنا موکاشیفَه 20:8

و بِرِن آ تا قامِنی کن زَمینی سری چار گوشَکا مندین گول بژَنِه. یعنی جوج و ماجوجی کن چَوون تیعداد دَیرا فوشی اندازَیَه و اَوون جنگِستِرا گِرد آرَکَرد.