نامَه کُولُسی کلیسا را 1:5 - کتاب مقدس به زبان تالشي - گویش مرکزی

⁵ اِمِن اَ اومیدی کا سرچشمَه بَگَتی کن آستامونیکا شِمَراشون غَم هَردیَه. اَ اومید کن چیمی بَه نَه چَی خونه حَییقیَه کلامیکا یعنی اِنجیل، درَستَرون،

کتاب مقدس به زبان تالشی شمالی

⁵ که اِمِن اَ اُمیدی کا سَرچشمه بَگتین که آسِمونی کا شِمَه را محفوظ اِستَه. اَ اُمیدی که پیشتری چَیی درباره، حَقیقَتی کلامی کا یعنی اِنجیل، دَرَسَرونه،

نامَه کُولُسی کلیسا را 1:5 Iomraidhean Croise

انجیل لوقا 12:33

اَچی ایی کن دارَ بخرَشهَ و دَست دَریسون آدَرَ؛ اِشتَنرا کِنجه اِنیی آمادَ بکرَ کن پوسته آمَبون، و گَنجی کن تمون آمَبو آستامونیکا ذَخیرَ بکَرَ، جگایی کن نِه بَی پِنَّتارست و نِه پت بَی بَژَی.

رَسولون اَعمال 10:36

خدا اِشتَن کلامی واتَنَه، کن قام یَهودیرا عَندَش بَه، عیسی مسیح کن گِردی خداوندَ واسیطنَه، صلح و سلامتی خَشَه خبری اییلام کردِشَه.

رَسولون اَعمال 13:26

«اَی برا اِن، اَی ابراهیم پَیغمبری اودومی خِردَنن، و اَی خدا تَرسِنی کن اِم جِگاکا مَندیرون! اِم نیجات اَدَرَ پَیغوم، چَمَرا رَونَه آبَه یَه.

رَسولون اَعمال 23:6

اَموقه پولوس کن اَزنیَه بَعضی اَوونکا صَدوقی فرقه عالیمونکا و بَعضی نی فَریسی فرقَه عالیمونکا اینَه، لَسَّنه شورا کا واتِش: «اَی برا اِن، اَز فَریسی و فَریسی زادَ ایمَه، و اِمی خونه کن مَردَ اون زندَ آبِه کا اومید دارِم، کاینَه بَمن موحاکیمَه کَردِ. »

رَسولون اَعمال 24:15

اَز نی چَوون شیوار، خدا را اُمید دارِم و ایتقاد دارِم چاکِن و بَدونرا قَیامَتَه روجی هِستَه، دِرِست اِم آدَمون شیوار کن بَی قِبول بَداشتین.

رومی کلیسارا نامه 10:8

ولی اَ، چِه باتی؟ اِمکن «اِم کَلام اِشتِه نِزِک، اِشتِه گَویکا، و اِشتِه دِلیکارَ.» اِم هَه ایمانی کَلامَه کن اَمه اییلام بَکَمون،

اوّلین نامَه قورَنتیانیرا 13:13

پس ایسَه، اِم سِه چیی بَمندیَه: ایمان، اومید و موحبت. ولی گِردیکا یال تَر موحبَتَه.

اوّلین نامَه قورَنتیانیرا 15:19

اَگَم تاکَه اَمه اِم زندَگیکا بَه مسیح امیدِمون هِستَه، اَمه دییرَ آدَمون گِردیکا بدبختَریمون.

دوومین نامه قرنتیانیرا 5:19

یعنی، خدا مسیح دِلَکا دِنیاش بَشتنه آشتی اَدَریَه، و مردومی گِناخون چَوون حیساب نَوَریه، و آشتی پَیغومی چَمه دست آداشَه.

دوومین نامه قرنتیانیرا 6:7

راست واتِه نَه، خدا خنَری نَه، صالح بِه اَصلَحنَه کن چَمَه راستَه بالو چَپه بالیکارَ؛

نامه غلاطیَه کلیسارا 2:14

اَمّا اَز وَقتی ویندِم اَیِن اِنجیلی حَقیقَتی راستیکا گَل نینَّژ، گِردی وَریکا کِیفا واتِم: «اَگَم تِه، با اِمکن یَهودی ایشَه، هِنتَه غَیرِ یَهودیون شیوار زندَگی بَکَش نِه یهودیون شیوار، چِنتَه یَه کن غَیرِ یهودیون دیم پِشَنا کن یَهودیون شیوار رفتار بِکَن؟»

نامه غلاطیَه کلیسارا 2:5

ولی اَمه ایی لَحظَه نی چَوون تَسلیم آنِبیمون تا اِنجیلی حَقیقَت شِمَرا تمام و کمال حفظ ببو.

نامه غلاطیَه کلیسارا 5:5

اِمی خونه کن اَمه خدا روح واسیطنَه، و ایمانینَه، اَ صالح بِه آمه اینتیظاریکامون کن چَمه اومیدَ.

نامَه اَفسوسی کلیسارا 1:13

و شمه نی چَی دلَکا، وقتی کن حَییقتی کَلامی، کن هَه شمَه اِنجیل نیجاتَه درَستِرون و بَی ایمانِرون وردَ، ؛ خدا موقدسَه روح نَه کن وعَدَشون دوعَه یَه مُهر بیرون،

نامَه اَفسوسی کلیسارا 4:21

البَت کن اَگَم گَمون بکرَم، کن چَی خونه درَستَرون و اَ حَییقتی سَردِرِ کن عیسی کا اَ، آموج گَتَرون.

نامَه کُولُسی کلیسا را 1:23

اَگَم واقییَن شمه اِشتَن ایمانیکا آمبَست بومونَه و اِنجیلی اَ اومیدیکا تِم مَرَ، هَه اِنجیلی کن آستامونی بَنیکا گردِ مخلوقونرا اییلام بَیَه، و اَز، پولوس، چَی پاسَری آبَه ایمَه.

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

نامَه کُولُسی کلیسا را 3:16

مسیح کلام فرَوون شمَه دلَکا بومونِه؛ و مزامیرینَه، سِرودونَّه و آوازِنِی کن خدا روح کا اَ، کامیله حیکمَتینه یَندِ پند و آموج بدَرَ؛ و شکرگوزارینَه و اِشتَن دِلیکا خدارا بوخونه.

اوّلین نامَه تَسالونیکی کلیسا را 2:13

اَمه یَژَن خدا شکر بَکمون اَموقه کن شمه خدا کلامی قِبولِرون کردَ، اَی اَمَکا درَستِرون، اَرون نِه هنته اینسانی گَفی شیوار، بَسکم هنته خدا کلامی شیوار قبول کردرون، هته کن حَییقتا هِستَه؛ کن شمَه ایماندارون دلَکا، کار بَکَی.

دوّمین نامَه تَسالونیکی کلیسا را 2:16

ایسَه چَمَه خداوند عیسی مسیح اِشتَن و چَمَه دَدَ خدا، کن اَمه رَی دارییَه و فیضی واسیطنَه اَمَش زَیرونَه آلاویستِه و و چاکَه اومید آداشَه،

اوّلین نامَه تیموتائوسیرا 1:15

اِم گَفی ببَی ایتماد کردِ و هر وَریکا کامیل قبول بَبی، کن میسح عیسی دِنیارا آمَه تا گناخکارون نیجات بَدَرِ، کن اَز چَوون دلَکا یالَه گِلَه ایمَه.

دِوُّمین نامَه تیموتائوسیرا 4:8

ایسَه بَه دوملَه اَ صالِح بِه تاج مِرا آمادَیَه، تاجی کن خداوند، اَ عادیلَه داور، اَ روجیکا بَمن عطا بکَیه، نِه تاکَه بَمن، بَسکم بَه گِردِ اَیِنی کن چَی اَیر اَبِرا ایشتیاق دارینَه.

نامَه تیتوسیرا 1:2

اِم حَییقت زَیرونه زندَگی اومیدینه یَه کن خدایی کن هرگز دِرو نیَدا، اَولیکا اَش اَمه وَعدَ دوعَیه

نامَه، عِبرانیه نَتاجَه مسیحیونرا 7:19

اِمی خونه کن شریعَت هیچ چیی ایی ایش کامیل آنِکَردَ. ولی اَوَریکا چاکَه اومیدی اَمَش آمونِسته کن چَی واسیطنَه خدا کا نِزِک آبَم.

پطروسی اوّلین نامَه 2:2

و هِنتَه چِلَینه خِردَنون شیوار، پاجا و روحانیَه شِتیرا موشتاق ببَه، تا چَی واسیطنه اِشتَن نیجاتیکا پِروعَه،

پطروسی اوّلین نامَه 3:15

بَسکم اِشتَن دِلیکا خداوند مسیح موقدَّس بزنَه و بَی ایحترام بنَرَ و اوزون حاضیر ببَه تا هَر کَم اَ اومیدی کن شمَه دلیکارَ دلیلی دَپَرسِستَه، چَی جوابی بدَرَ، البت ایحترامینه و نرمینه.

پطروسی دومین نامه 1:12

پس اَز بَپیمه اوزون اِنتَرَ چییون شمَه یادیکا بومونه، هر چَنه کن اَوون بموستیرون و اَ حَییقتیکا کن پَیدارون کردَیه آمبَستیرون.

یوحنا اوّلین نامَه 3:3

هَر کَم بیکا اِنتَرَ اُمیدی بَداشتی، بَشتَن پاجا آرَکَرد، هَتَه کن اَ پاجا اَ.