نامَه کُولُسی کلیسا را 1:10 - کتاب مقدس به زبان تالشي - گویش مرکزی

¹⁰ تا شمَه رفتار خداوندی شائَن ببو، و بشاعَه بَی کامیلا خَش آکَرَ:هر چاکَه کاریکا بَرَ بدَرَ و خدا آزنِستِکا یال آبَه

کتاب مقدس به زبان تالشی شمالی

¹⁰ تا شِمَه رفتار، خِداوندی شَئنی کا بِبو و بِشایَه اَیی کاملا خوشحال آکَرَه: هَر چاک کاری کا ثمر بواَرَه و خِدا آزونستِه کا رُشد بِکَرَه

نامَه کُولُسی کلیسا را 1:10 Iomraidhean Croise

یوحنا 15:16

شمَه بَمن اینتخاب نِکَردِرون، بَسکم اَز بَشِمَه اینتخاب کَردِمَه و بَشِمَه تَیین کَردِمَه تا بِشَه و میوَ بوعَرَ و شمه میوَ بومونِه، تا هر چیی ایی دَدَ کا چمن نومینَه درخواست بکَرَ بَشمَه عطا بکَرِ.

یوحنا 15:8

اِنتَرَ، شِمَه بَرکه میوَ بوعَردیرون و ثابیت بَکَرون کن چمن شاگِردینَه و اِنتَرَکِه چمن دَدَ جلال اَیر آرَب.

یوحنا 17:3

و اِمهَ زَیرونَه زندَگی، کن اَیِن، بَتِه کن تاکَه حقیقیَه خدا هِستیشَه، و عیسی مسیح کن تِه رَونَه آکَردَرَ، آزنِن.

رومی کلیسارا نامه 1:13

برا اِن، نَپیمَه بی خَبَر بِبَه کن چَن کَرَ اَپیم بَه شِمَه وَر بام، ولی هَر کَرَ را، ای چیی ایی پیش آمَه. اَپیمَه شِمَه دِلَکا نی تلَکه اَکینی پِگِم، هَتَه کن دییَرَ غَیرِ یَهودیون دِلَکا دورنوستَمه.

رومی کلیسارا نامه 4:12

و ابراهیم سِنَت آبه اون دَدَ نی هِستَه، یعنی اِیِنی دَدَ کن نِه تاکَه سِنَت بَه اینه، بَلکَم ایمانی راکا گَل بَژَنِن، هَه راکا کن چَمَه دَدَ ابراهیم نی سِنَت بِ بَه نَ، گَل اَژَنیَه.

رومی کلیسارا نامه 6:4

پس مَردِ دِلَکا تَعمید گَتِه نَه، اَینَه دَفِن آبیمون تا هَتَه کن مَسیح، دَدَ شکوه وجَلالینَه، مَردَاونکا زندَ آبَه، اَمه نی تازَ زندَگی دِلَکا گَل بِژَنَم.

دوومین نامه قرنتیانیرا 2:14

ولی خدا شکر بَکَم کن اوزون مَسیح کا، اَ اِشتَن پیروزی دلَکا اَمه راهنمایی بَکَی و چَی اَلمند گیری عطر چَمه واسیطنَه گِرد جگا اونگا ولاخ آرَکَرد.

دوومین نامه قرنتیانیرا 4:6

چون هَه خِدای کن واتِشَه: «نور ظلَماتی دِلَکا شپَق بژَنِه،» اِشتَن نوری چَمَه دِلونکا دَتاوِنیشَه تا خدا شکوه و جلالی آزنِستِه مَسیح صَفتیکا، اَمه نورانی بکرِ.

دوومین نامه قرنتیانیرا 5:9

پس چِه تَنیکا زندگی بِکَرَم چه بَیکا رَت آبَم، چَمَه نییَت اِمَه کن بَی راضی دَروَرَم.

دوومین نامه قرنتیانیرا 9:8

و خدا بَشایَه شِمَرا هر نعمتی کن ببو ایضاف آکَرِ تا هَمَه چیکا اوزون اِشتَن احتیاجون اَندازَهر نعمتی بدارِ و هَر چاکَه کاری اَنجوم دوعِه را، فِرَوون بِدارَ.

نامَه اَفسوسی کلیسارا 1:17

تا چَمَه خداوند عیسی مسیح خدا، اَ پور جلالَه دَدَ، حیکمت و موکاشفَه روح بشمَه بدَرِ، تا بَی آزنَه،

نامَه اَفسوسی کلیسارا 2:10

اِمی خونه کن خدا بالی سِی آکردَ چیی ایمون، و مسیح عیسی کا خلق آبیمون، تا چاکَه کار اَنجوم بدَرَم، اَ کارِنی کن خدا ناردَکَر آمادَ آکردشَه تا اَوونکا گَل بِژَنَم.

نامَه اَفسوسی کلیسارا 4:1

پس اَز کن خداوندیرا زیندانیکامَه، شمَکا خاشتو خازِمه صلاییی کن بَشمَه ژَشونه شئنی نَه، رفتار بکرَ،

نامَه اَفسوسی کلیسارا 4:13

تا زمانی کن گرد ایمانیکا ایلَه آبَم و خدا زوعَه آزنِستِه کا ایلَه آبَم، تا اِنترَکه ایلَه کامیلَه اینسانی اَندازَ یال آبَم، تا مسیح برزَ قامتیکا آرَسَم.

نامَه اَفسوسی کلیسارا 5:10

تقلا بکرَ تا سَر آگِنه کن چه چیی ایی خداوندی راضی آرَکَرد.

نامَه اَفسوسی کلیسارا 5:15

پس، بَرک حواسِرون ببو کن چنترَ رفتار بَکَرون، اَلمندون شیوار رفتار بکرَ نِه نافَمون شیوار.

نامَه اَفسوسی کلیسارا 5:2

و موحبتینه رفتار بکرَ، هته کن مسیح نی اَمَش موحبَت کردَ و اِشتَن جانی، هنته ایلَه قِربونی و عَطرینَه خَلایی شیوار خدارا تقدیم کردش.

نامَه فیلیپی کلیسا را 1:11

صالِح بِه بَرَ کا پَتلمَه بِبَه کن عیسی مَسیح واسیطَنَه، خدا شکوه جَلالیرا تَمون آرَب.

نامَه فیلیپی کلیسا را 1:27

تاکَه بَرزَ شمه زندَگی رَوش، مسیح اِنجیلی شَئنیکا ببو، تا چِه بام و شِمَه بِوینِم و چِه نام، شمَکا درَسِم کن شمه ایلَه روح کا آمبَستیرون و یَک فکر، دوش بَه دوش اِنجیلی ایمانیرا تقلا بَکَرون،

نامَه فیلیپی کلیسا را 4:18

شمه کومکِن کامیل چمن دَست آرَستَه و چمن اِحتیاجیکا ویشتَر بَداشتیم، ایسَه کن شِمَه رَونَه آکَردَ کمکی اِپافرودیتوسی واسیطنَه ویگَتِمَه هر چیی ایکا فِروون بَداشتیمه. شِمَه خَلا، خَشَه بوعَه عطر و مقبولَه قِربونییَه، کن خدا راضی آرَکَرد.

نامَه کُولُسی کلیسا را 2:19

اِنتَرَ آدَم دِ سَری دَنییَچکِست؛ اَ سَری کن گِردِ تن بَیکا جان بَگَتییَه و چَتوَرون و بَندون واسیطنَه یَندِ نَه غَمِشون هردیَه، و هَتَه کن خدا بَپیشَه پِرَرا.

نامَه کُولُسی کلیسا را 2:6

پس هته کن مسیح عیسای خداوندی قِبول کردِرون، چَی دلَکا زندَگی بکرَ:

نامَه کُولُسی کلیسا را 3:20

اَی خردَنن، اِشتَن دَدَ و نَنَه هر کاریکا ایطاعَت بکَرَ، اِمی خونه کن اِم کار خداوندی خَش آرَکَرد.

نامَه کُولُسی کلیسا را 4:5

کلیسا بِرنی آدَمونَّه حیکمتینَه رفتار بَکرَ و هر فِرصَتیکا چاکَه ایستفادَ بکرَ.

اوّلین نامَه تَسالونیکی کلیسا را 2:12

اَمه هر کِرَمی شمَکا ایلَه بَه ایلَه تشیویق اَکَریمونَه، آلاوِنیمون و سیفارش اَکَریمون تا هَتَه کن خدا شَائنیکارَ زندَگی بکَرَ، کن بَشِمَه اِشتَن شکوه و جلال و پادیشا ایرا صَلال بَژَیَه.

اوّلین نامَه تَسالونیکی کلیسا را 4:1

اَی برا اِن آخیر بَسَر، اَمه خداوند عیسی دلَکا، شِمکا خاشتو خازِمونَه، هَتَه کن چنتَه زندَگی کردِ و خدا راضی آکَردِ، امَکا بَشمَه آرَستَه، هته کن کاینَه اَنجوم دوعِه، اِم کاری ویشتَر و وِرتَر اَنجوم بدَرَ.

دِوُّمین نامَه تیموتائوسیرا 2:4

هیچ سربازی، اِشتَن خیدمت کردِ موقه، بَشتن زندَگی کارونکا نِه ویلاخنِه، چیرا کن بَپیشَه اَ کن، بَش خیدمتیکا آناشَه راضی بکَرِ.

نامَه تیتوسیرا 3:1

اَوون یاد آرَفن کن حاکیمِن و صاحیب منصَبون فِرمون ببون، و هر چاکَه کاری اَنجوم دوعِه را آمادَ ببون؛

نامَه تیتوسیرا 3:14

بَرزِن چَمَه مردوم آموج بیگِن کن احتیاجون رَفع کردِرا بَشتن چاکَه کارون اَنجوم دوعِه وقف بکَن و بی بَرَ مبون.

نامَه، عِبرانیه نَتاجَه مسیحیونرا 11:5

ایمان داشتِه خونه بَه کن خَنوخِشون کفارا بَردَ تا مرگی نِوینِه، و دِ سورَقی بَیکا نِبَه اِمی خونه کن خدا بَی بردِش. چیرا کن بَی کفارا بردِ بَه نَه، چَی خونه شاهیدیشون دوعَه بَه کن خدا بَیکا راضیَه.

نامَه، عِبرانیه نَتاجَه مسیحیونرا 13:16

چاکی کردِکا و دییرَ کَسون شریک کردِ شمَه داشتَه چییونکا غیفلت نِکَرَ، اِمی خونه کن خدا انترَ قربونیکا خَشه.

نامَه، عِبرانیه نَتاجَه مسیحیونرا 13:21

هَه خدا بَشمَه هر چاکَه چیی ایی نَه موجهز بکرِ تا چَی ایرادَ اَنجوم بدَرَ. تا اَ چیی ایی کن خدا راضی آرَکَرد، عیسی مسیح واسیطنَه چَمَه دِلَکا کار بیگِرِ، هه عیسی مسیح کن تا ابد و تا ابد شکوه جلال چَیرا ببو. آمین.

پطروسی دومین نامه 1:8

اِمی خونه کن اَگَم اِم صیفَتِن شمَه دَلکا ببون و ایضاف آبون، نییَشتِن چَمه خداوند عیسی مسیح آموستِه کا، دَدار و بی بَرَ ببَه.

پطروسی دومین نامه 3:18

بَلکَم خداوندی و چَمه نیجات اَدَر عیسی مسیح فیض و آموستِه کا رشد بکرَ، کن چَیرا ایسَه کا تا اَبد شکوه و جلال ببو! آمین.

یوحنا اوّلین نامَه 3:22

و هر چیی ایی، اَیکا بَپیمونه، ویمونَگت، چون چَی حِکمون عمل بَکَمون و اَ چیی ایی کن چَی خَشی باعیث بَبی، اَنجوم بَدامون.

یوحنا اوّلین نامَه 5:20

و اِمی نی بَموستیمون کن خدا زوعَه آمَه و اَمَش فهم بَخشِستَه تا اَ کن حَییقتَه آزنَم، و اَمه چَی دِلَکا هِستیمون کن حَییقته، یعنی چَی زوعَه عیسی مَسیح کا. هَیَه حَییقیه خدا و زَیرونَه زندَگی.

یوحنا سوّمین نامَه 1:6

اَیِن نی کلیسا حِضوریکا اِشتِه موحبَتی سَر شاهیدی دوعَشونه؛ پس چاکَه کاری بَکَش اَگَم اَوون اَته کن خدا شَئنیکا اَ، سَفَریرا بَینی.