رَسولون اَعمال 8:1 - کتاب مقدس به زبان تالشي - گویش مرکزی

¹ سولُس اِستیفانی کشتِه نَه موافیق بَه. اَ روجیکا بَه دومله، چَتینَه اَیذَتی اورشَلیمی کِلیسا اون سَر شِرو بَه، اَدَ کن غَیراَز رَسولِن، گِردِ ایماندارن ولَته یَهودیَه و سامِرَ اَطرافیرا وِلاخ آبین.

کتاب مقدس به زبان تالشی شمالی

¹ سولُس، اِستیفانی کِشتِه نَه موافق بَه. اَ روزَه پَش، بَرکَ اَذیت آزاری اورشلیمی کلیسا را شروع بَه، اِنتَه که رسولون غِیراز، گِردِ ایماندارِن، یهودیه ولایت و سامِره منطقه را وِلا آبینَه.

رَسولون اَعمال 8:1 Iomraidhean Croise

مَتّی 22:6

بَقیهَ نی چَی پاسَریِون گَتشونَه و اَیذَت کَردِشون و کِشتِشون.

مَتّی 23:34

چیرا کن اَز پَیغَمبرون و حکیمِن و اَفَندیِن شمَه وَر رَونَه آمَکرد و شمَه بعضیون بَکشتینَه و صلیبی سَر بَبردیرون و بَعضیون موقدسَه عیبادَتگا اونکا شَلاغ بَژَرونَه و شهر به شهر تعقیب بَکَرون.

مَتّی 5:13

«شمه دِنیا نیمِکینَه. ولی اَگَم نیمِک اِشتَن سورگیری هیچ بَرکَرِ، چِنترَ بَبیَه اَی هَنی سورآکَردِ؟ دِ هیچ کاریرا خَرج نیَش، مَگَم اِمکن بِرِنیکا ویکَری و مردمی پابن بشو.

یوحنا 15:20

گفی کن اَز بَه شمَه واتمَه، یادیکا غَم بَرَ: ”وَزیَر اِشتَن اَربابیکا یال تَر نیه.“ اَگَم بَمن اَیذَت آزار کَردِشونَه، بَشمَنه نی اَیذَت و آزار بَکَنَه؛ اَگَم چمن گفی اَنجوم آداشون شِمَه گفی نی اَنجوم آنَّدا.

یوحنا 16:2

عیبادَتگا اونکا شِمَه ایخراج بکَنَه و حتی زمانی آرَرَست کن هر کم شمَه بکشِه، فکر بکَیَه کن خدا خیدمت کردشَه.

رَسولون اَعمال 1:8

اَمّا وَقتی خدا موقَدسَه روح شِمَه سَر با، زبق بَگَتیرون و شهر اورشَلیمیکا و گِردِ یَهودیَه و سامِرَ و تا دِنیا دورَ جِگااونکا چمن شاهیدِن بَبیرونَه.»

رَسولون اَعمال 13:1

اَنطاکیَه کلیسا دلَکا، چَن گِله پَیغَمبَرن و مُعلیمونکا مَند بین: بَرنابا و شَمعونی کن بَی نیجِر خِلِه اَکَرین، قیرَوانیَه لوکیوس، مَنائِن کن، هیرودیسِ حاکیمی اَگیَه برا بَه و شائول.

رَسولون اَعمال 13:36

«داوود پادیشا بعد اِمکن خدا ایرادَ نَه اِشتَن زَمونَه آدَمون خیدمَت کَردِشَه، مَردَ و اِشتَن دَدَ اون وَر شَه، و پوستَه آبَه.

رَسولون اَعمال 2:47

و خدا ستایش اَکَرین. گِردِ آدَمِن اَوون ایحترام اَنَرینه؛ و خداوند هَمَه روج اَیِنی کن نجات پَیدا اَکَرینَه چَوون جَمعیکا ایضاف آکَریَه.

رَسولون اَعمال 22:20

و وقتی کن اِشتِه شاهید اِستیفانی خونی ویرَکَرین، اَز اَ جِگاکا پا مَند بیم، و چَوون کارینَه موافقت کردِم و و چَی اَکِشون، شِندِری غَم هَردِمَه.“

رَسولون اَعمال 26:10

و اِم دِرِست هَه کاری بَه کن اورشَلیمیکا اَکَریم. اَز سَران کاهِنون کا ایختیار ویگَتِم و خَیلی موقدسون زیندانیکا دَرَفَندِم، و وَقتی مَرگیرا مَحکوم آبینَه، چَوون زِرَبَرا رای اَدَریم.

رَسولون اَعمال 5:18

و رَسولِنِشون گتَه، و اَ زیندانیکا کن هَمَه مودیل آدَم چَی دلَکا بَه دَرَفَندِشون.

رَسولون اَعمال 5:20

و واتِش: «بِشَه و مَعبَدیکا پا بومونَه و اِم زندَگی بخشَه پَیغومی کامیل مَردومیرا بِواجَه.»

رَسولون اَعمال 5:33

وَقتی شورا آدَمِن اِم گَفِنِشون درَستَه اَدَ آسرَنگِستین کن اَپیشون بَه اَوون بِکِشِن.

رَسولون اَعمال 5:40

پس اَیِن گامائیلی نَصیحتِشون گوش آدوعَه و رَسولِنِشون خِله کردَ، اَیِنِشون شَلاغ ژَ و قدغَن کَردِشون کن دِ عیسی نومی خونه گَفی نِژَنِن، اَموقه رَسولون ایجازَ آداشونَه بِشون.

رَسولون اَعمال 7:38

اِم هَه موسی اَ کن وَیاوونیکا جَماعَتینَه دَرِ بَه. و اَ فرشتَه اینَه کن کوه سیناکا بَینَه گَف ژِشه همراه، و هِم چَمَه بابا اون همراه بَه. موسی، زندَگی بخشَه کَلامیش ویگَتَه تا چَمَرا آراسِنِه.

رَسولون اَعمال 7:54

شورا آدَمِن وقتی اِم گَفِنِشون درَستَه، بَرک آسرَنگِستین و گازَ کِرچینِه اَکَرین.

رَسولون اَعمال 7:58

و بَی دَراکِن دَراکِن شَهریکا بِرِن بَردِشون و سِنگ سار کَردِشون. اَیِنی کن شاهید بین، اِشتَن شِندِرِنِشون بَروَردَ و ایلَه جَوانَه مِردی لِنگون وَر کن چَی نوم سولُس بَه آناشون.

رَسولون اَعمال 8:14

وَقتی رَسولِن اورشَلیمیکا باخَبَر آبین کن سامِریِن خدا کَلامیشون قِبول کَردَیه، پِطروس و یوحنا شون چَوون وَر عَندَ.

رَسولون اَعمال 8:2

چنگِله خداشناسَه مِرد اِستیفانی چال کَردِشون و چَیرا یالَه عازیَه ایی گَتِشون.

رَسولون اَعمال 8:4

اَ ایمان دارِنی کن اَیذَت آزاری خونه وِلاخ آبَه بین، هَر جِگارا کن اَشینَه، خداکَلامی خَشَه خَبَری اَدَرین.

رَسولون اَعمال 8:5

فیلیپُس نی سامِرَ ایلَه شَهرونرا شَه و مسیح خونِه اَ جِگا آدَمِنِش آموج داشَه.

رَسولون اَعمال 9:31

اِنتَرَکِه کلیسا گِردِ یَهودیَه و جلیل و سامِرَکا آلاویستَه و آمبَست آرَبی و ایماندارِن خداوندی تَرسیکا زندَگی اَکَرین و خدا موقدسَه روح تَشویقینَه هر روج چَوون تیعداد ایضاف آرَبیَه.

رومی کلیسارا نامه 1:32

هَر چَنَه خدا عادیلانَه حِکمی بَموستین کن اَیِنی کن اِنتَرَ کارون بَکَنَه مِکافات مَرگَه، نِه تاکَه اِشتَن اَ کارون بَکَنَه، کَسِنی کن اِنتَرَ کارون اَکَرین، تایید بَکَن.

نامَه فیلیپی کلیسا را 1:12

اَی برا اِن، اَپیمَه بِزنَه اَ چیی کن چمن سَر گِذَشتَه، واقییِن اِنجیلی پیشرَفتی باعیث آبَه،

نامَه، عِبرانیه نَتاجَه مسیحیونرا 11:27

ایمان داشته خونه بَه کن موسی پادیشا غَضَّبیکا نِترسَه و مِصریکا بِرِن برمَه، اَ تاوِش وردَ اِمی خونه کن اَ، اَ کن نییَب بَی ویندِ، ویندِشَه.