رَسولون اَعمال 5:4 - کتاب مقدس به زبان تالشي - گویش مرکزی

⁴ مَگَم چَی خِرَتِه بَه نَ اِشتِه شِن نِبَه؟ مَگم خِرَتِه بَه دوملَه نی چَی پول اِشتِه اِختیاریکا نِبَه؟ چِه چیی باعیث بَه کن تِه اِنتَرَ فکری بِکَری؟ تِه، نِه کم اینسانی، بَسکَم خدا دِرور دوعَه!»

کتاب مقدس به زبان تالشی شمالی

⁴ مَگم چَیی خِرَته پیش اِشتِه شِن نِبَه؟ مَگم چَیی خِرَته پَش نی اَ پولی اِختیار اِشتِه دَسی کا نِبَه؟ چِه چی باعیث بَه که تِه اِشتِه دیلی کا اِنتَه رَه نییَتی بِکَری؟ تِه نِه اِنسانی نَه، بَلکَم خِدا نَه دوروع واتَرَه!»

رَسولون اَعمال 5:4 Iomraidhean Croise

انجیل لوقا 10:16

«هر‌کم بَشِمَه گوش آدَرِ، بَمن گوش آدوعَشه؛ و هر کم شمه قِبول نِکَرِ، بَمن قِبول کَردَش نیهَ؛ و هر کم بَمن قِبول نِکَرِ، چمن رَونَه آکَری قِبول کَردَش نیَه.»

رَسولون اَعمال 5:3

ولی پِطروس بَش واتَه: «حَنانیا، چیرا هَشتِر شَیطون اِشتِه دِلی اِنتَرَ پَتلَمَه آکَرِ کن خدا موقدسَه روح دِروو بِواجی واَ زَمینی پولیکا تلَکَه ایی اِشتَرا غَم بَری؟

رَسولون اَعمال 5:9

پِطروس بَش واتَه: «چیرا یَندِنَه هَمدَست آبیرون تا خداوندی روح وَرداوَرد بکَرَ؟ اَیِنی کن اِشتِه شو چال کَردِشونَه ایسَه بَرَنگا سَریکاینَه و بَتِه نی بِرِن بَبَنَه.»

اوّلین نامَه قورَنتیانیرا 8:8

«هَردَ چیی، اَمه بَه خداوند نِزِک آنییَکَرد»؛ نِه نَردِنَه بدتَر بَبیمون، نِه هَردِنَه بِیتَر.

اوّلین نامَه تَسالونیکی کلیسا را 4:8

پس، هر کَم اِمی رَد بکَرِ، نِه کن اینسان، بَسکم خدایی کن روح القودوسی بَشِمَه آرَدا، رَد آکردشَه.

نامَه فیلیمونیرا 1:14

ولی صلاح زونِستم بی اِشتِه ریضایت کاریم کردَ مَبو، تا اِشتِه چاکی کردِ اِشتِه مِیلینه ببو نِه دیم پِنوعِه نَه.

یعقوبی نامَه 1:15

چَی بَه دومله وقتی کن هوا هَوس گون آرَبن، گِناخ بَزَندی و گِناخ نیی وَقتی کامیلا یال آبو، مَردِ دِنیا بوعردی.