رَسولون اَعمال 27:3 - کتاب مقدس به زبان تالشي - گویش مرکزی

³ اَ روجی سَوسَه شهر صِیدونیرا آرَستیمون و یولیوس پولوسی لُطف کَردِش، و ایجازَ آداشَه اِشتَن رَفِقون وَر بِشو تا چَی نیازون چَیرا ویگِرِن.

کتاب مقدس به زبان تالشی شمالی

³ صَبایی نَه روز آرَستیمونَه صِیدونی شهری را. یولیوس میهروونی نَه پولسی اِجازه دوشَه بِشو اِشتَن رَفِقون وَر تا چَیی اِحتیاجاتی بَرطرف بِکَرِن.

رَسولون اَعمال 27:3 Iomraidhean Croise

مَتّی 11:21

عیسی واتِش: «برامِه شِمَه حالیرا، اَی خورَزینی آدَمِن! برامِه شِمَه حالیرا، اَی بِیت‌صِیْدا آدَمِن! اِمی خاطِرکن اَگَم موعجیزَاِنی کن شِمَه دِلَکا اَنجوم بَه، شَهرِنِه صور و صیدونی دِلَکا اَنجوم آرَبی، اَجگا آدَمِن خَیلی چیمی بَه نَه پَلاس دَرَکَرین و خاکَ پَشیکا اَنِشین و توبَه اَکَرینَه.

رَسولون اَعمال 12:20

هیرودیس شهرِنِه صور و صِیدونی آدَمونرا آسرَنگِستَه بَه. اِمی خونِه، اَ دِ گلَه شهری آدَمِن یندِنَه چَی وَر شینَه وایجازَ اَپیشون بَه تا هیرودیسی بوینن. اَیِن پادیشا دَستَک، بِلاستوسیشون راضی دَروَردَ تا پادیشا نَه آشتی بِکَن، اِمی خونه کن چَوون هَردَ چیی و زندَگی اَساس هیرودیسی وِلَتیکا آی.

رَسولون اَعمال 24:23

چَی بَه دوملَه اَ اَفسَری کن مَسئول بَه فِرمون آداشَه تا پولوسی تحت نَظَر بیگِرن ولی هَتَه نی تلَکَه ایی آزادی بَی بِدَرِن و چَی رَفِقون کن چَی نیازون بَرطَرف کردِ را بومَنَه، ناری مَگِرن.

رَسولون اَعمال 27:1

وَقتی اَپیشون بَه کن اَمه دَیرا راه نَه ایتالیا را بِشَم، پولوس و بَعضی دیَرَ زیندانیون ایلَه افسَری یولیوس نوم تحویل داشون. یولیوس، رومی ایمپراطوری گوردانی کا بَه.

رَسولون اَعمال 27:43

ولی رومیَه افسر کن اَپیش بَه پولوسی جانی بَروازونِه، چَوون ناری گَتِشَه، و فِرمون آداشَه اَوَل اَیِنی کن بَشان سیناو کَردِ، اِشتَن دَیرا دِلَه بَرَفَنِن و خِشکیرا آرَسونِن.

رَسولون اَعمال 28:16

وَقتی رومیرا آرَستیمون، پولوسی ایجازَ آداشونَه ایلَه مُحافِیظَه سَربازینَه اِشتَن کَکا بومونِه.