رَسولون اَعمال 27:1 - کتاب مقدس به زبان تالشي - گویش مرکزی

¹ وَقتی اَپیشون بَه کن اَمه دَیرا راه نَه ایتالیا را بِشَم، پولوس و بَعضی دیَرَ زیندانیون ایلَه افسَری یولیوس نوم تحویل داشون. یولیوس، رومی ایمپراطوری گوردانی کا بَه.

کتاب مقدس به زبان تالشی شمالی

¹ وختی تصمیم گِتِشونَه که دَریا راه نَه بِشَم ایتالیا را، پولس و بعضی دییَر زِندانیون تحویل دوشونَه ایی نفری که چَیی نوم یولیوس بَه و اِمپراطوری گُردانی اَفسرون کا بَه.

رَسولون اَعمال 27:1 Iomraidhean Croise

مَتّی 27:54

وَقتی سربازون فَرماندَ و سربازنی کن مامور بینه تا عیساکا نیگَبانی بِدَن، بومه لَرزَ و گرد اِم ایتفاقن بَویندینه بَرک تَته وَسه دَگنِستینه و ترسستین و واتِشون: «واقییَن کن اِم مِرد خدا زوعَه بَه.»

انجیل لوقا 23:47

وَقتی سربازون فَرماندَ اِم ایتفاقون ویندِشَه، خداش ستایش کَردَ و واتِش: «واقییَن کن اِم مِرد بیگِناخ بَه.»

انجیل لوقا 7:2

اَ جگا کا ایلَه رومیَه اَفسَر بَه کن خاجَتییَه وَزییَری داری. اِم وَزییَر آزاری آبَه بَه و کایبَه مَردِ.

رَسولون اَعمال 10:1

شهر قِصَریَه کا ایلَه رومیَه افسَری، کُرنِلیوس نوم اَمونیَه. کُرنِلیوس رومی گوردانی فَرماندَ بَه کن اَی گوردان ایتالیایی نی اَواجینَه.

رَسولون اَعمال 10:22

اَیِن واتِشون: «رومیَه افسَر کُرنِلیوس اَمَش عَندَیَه. اَ درستکار و خدا تَرسَه مِردیَه و یَهودیِن نی گِرد بَیکا چاکه تَریفی دَرِن. اَ ایلَه موقدسَه فرشتَکا فِرمون گَتِشه کن اِشتِه دوملَه بَینِه و بَتِه اِشتَن کَه را صَلا بِژَنِه و اِشتِه گَفون دَرَسِه.»

رَسولون اَعمال 16:10

وَقتی کن پولوس اِم رویاش ویندَ، جَخت مَقدونیَه را شیمون، اِمی خونه کن اطمینان پَیدا کَردَمون بَه خداوند اَمَش خِلِه کَردَ یَه تا انجیلی خَشَه خَبری اَوون بِدَرَم.

رَسولون اَعمال 18:2

اَ جِگا کا ایلَه یَهودیَه مِردی نَه، آکیلا نوم، کن پونتوسی منطقه آدَمونکابه آشنا آبَه، آکیلا اِشتَن ژِن پریسکیلا نَه، بَه تازَگی ایتالیا کا آمَه بَه، اِمی خونِه کن کْلودیوس رومی ایمپراطور فِرمون دوعَش بَه کن گردِ یَهودییِن رومیکا بَرشون. پولوس چَوون ویندِ را شَه،

رَسولون اَعمال 19:21

اِم ایتفاقون بَه دوملَه، خدا روح پولوسیش هیدایت کردَ کن مَقدونیَه و اَخائیَه منطقَه کا دَیورِ و اورشَلیمیرا بشو. پولوس واتِش: «چمن اَ جِگارا شِه بَه دوملَه، پی شهر رومی نی بِوینِم.»

رَسولون اَعمال 21:32

اَ فرماندَ جَخت اِشتَن سَربازِن و اَفسَرونَّه جَماعتی طَرَف ویریتین. وقتی جَماعَتی چَم، فَرماندَ و چَی سَربازون گِنَه، پولوسی ژِکا دَست پِگَتِشون.

رَسولون اَعمال 22:26

اَ، افسر وَقتی اِمِش درَستَه، فَرمانَدَ وَر شَه و بَی واتِش: «هیچ بَموستیش چِه بَکشَه؟ اِم مِرد رومی شَهروندَ!»

رَسولون اَعمال 23:11

هَه شَویکا، خداوند پولوسی وَریکا پا مَندَ و واتِش: «دِلی زِبق غَم بَه! هَتَه کن اورشَلیمیکا مِرا شاهیدی آدارَ، رومیکا نی پی مِرا شَاهیدی بِدَری.»

رَسولون اَعمال 23:17

پولوس ایلَه اَفسَرونکا خِلِه کَردِشَه و واتِش: «اِم جَوانی فَرماندَ وَر بِبَه، اِمی خونِه کن بَپیشَه چیی ایی بَی بواجَه»

رَسولون اَعمال 24:23

چَی بَه دوملَه اَ اَفسَری کن مَسئول بَه فِرمون آداشَه تا پولوسی تحت نَظَر بیگِرن ولی هَتَه نی تلَکَه ایی آزادی بَی بِدَرِن و چَی رَفِقون کن چَی نیازون بَرطَرف کردِ را بومَنَه، ناری مَگِرن.

رَسولون اَعمال 25:12

فِستوس، اِشتَن شورا نَه گَفَه ژَنِه کَردِ بَه دوملَه واتش: «بَپیشَه اِشتِه مسئَلَه ایمپراطوری مَحکَمَه کا رسیدَگی ببو؟ پس ایمپراطوری وَر بَشیشَه!»

رَسولون اَعمال 25:25

ولی اَز فَهمِستِمَه کن اَ کاریش کَردَ نیَه کن چَی جَزا مَردِ ببو. ولی اِمی خونِه کن اَ اَپیش بَه ایمپراطوری محکَمَرا بشو، تَصمیم گَتِمَه اَی رومیرا بَینِم.

رَسولون اَعمال 27:11

اَمّا رومیَه افسر، کَشتی ناخدا و صاحیبی ویشتَر گوش اَکَریَه تا پولوسی گَفون.

رَسولون اَعمال 27:43

ولی رومیَه افسر کن اَپیش بَه پولوسی جانی بَروازونِه، چَوون ناری گَتِشَه، و فِرمون آداشَه اَوَل اَیِنی کن بَشان سیناو کَردِ، اِشتَن دَیرا دِلَه بَرَفَنِن و خِشکیرا آرَسونِن.

رَسولون اَعمال 27:6

اَ جِگاکا رومیَه اَفسر، کَشتیی پَیدا کَردِش کن اِسکَندَریَکا ایتالیا را اَشیَه، و اَمَش چَی سَریکا دَنِشامونیشَه.

رَسولون اَعمال 28:1

وَقتی سَق و سَلامَت دَیرا کَناریرا آرَستیمون، فَهمِستِمون اَ جَزیرَ نوم مالتَه.

رَسولون اَعمال 28:16

وَقتی رومیرا آرَستیمون، پولوسی ایجازَ آداشونَه ایلَه مُحافِیظَه سَربازینَه اِشتَن کَکا بومونِه.

نامَه، عِبرانیه نَتاجَه مسیحیونرا 13:24

شمَه رهبَرِن و موقدسَه آدَمون گِردیرا سلام آدَرَ. اَیِنی کن ایتالیا کا مندین، شمَرا سلام دَرِن.