رَسولون اَعمال 2:4 - کتاب مقدس به زبان تالشي - گویش مرکزی

⁴ چَی بَه دومله گِرد خدا موقدسَه روح کا پتلَمَه آبین، اَتَه کن خداروح گف ژِ اینجاری اَیِنِش دوعَه، تا دییَرَ زَبانینَه گَف بژَنن.

کتاب مقدس به زبان تالشی شمالی

⁴ دومله گِرد روح القدسی کا پُور آبینَه و هَتَه که خِدا روح اَوون قدرت بَدای گف بِژَنِن، دَمندینَه دییَر زَوونون نَه گَف ژَندِشونَه.

رَسولون اَعمال 2:4 Iomraidhean Croise

مَتّی 10:19

وَقتی شمَه تسلیم بکَن، تَفشیش دَنِگِنَه کن چِنتَرَ گَف بژَنَه یا چِه بواجَه. اِمی خونه کن اَ موقه کا، اَچیی کن پی بواجه بَه شمَه عطا بَبیَه.

مَرقُس 16:17

اَیِنی کن بَمن ایمان بَوعَرن، اِم نِشونَه اون و موعجیزَاون اَنجوم دَرِن: اَیِن چمن نومینَه پَریانون آدَمونکا بِرِن بَنَّکَرد و جَدیدَ زَبانونَّه گَف بَژَنَه.

انجیل لوقا 1:15

اِمی خونِه کن اَ خداوندی چَمیکا یالَه شَخصی بَبییَه. یحیی نِباید هرگز شَراو و عَرَق لِوِ بژَنِه، حتی اَموقه کن نَنَه لوَکارَ نی، خدا مُوقَدسَه روح کا پَتلَمَه بَبیَه،

انجیل لوقا 1:41

وقتی کن اِلیزابِت مَریَمی سلامی دَرَستِشَه، چَی خِردَن چَی لَوَ دِلَکا وَشتو و واز آرمَه و اِلیزابِت خدا موقَدَّسَه روحکا پَتلَمَه آبَه،

انجیل لوقا 1:67

اَموقه خِردَنی دَدَ زکریا، خدا موقَدَسَه روح کا پَتلمَه آبَه و اِنتَرَ پیشگویی کَردِشَه:

انجیل لوقا 12:12

اِمی خاطر کن هَه موقِکا خِداموقَدَسَه روح بَه شمَه یاد بَدای کن پی چِه بِواجَه.»

انجیل لوقا 21:15

اِمی خاطرکن اَز بَه شمَه اِنتَرَ گَف ژِ خِنَری و حیکمتی آمَدا کن هیچ‌ کِرَم شمهَ غَنیمونکا مَشان شِمَه رودَکَر بومونن یا شمَنه موخالیفت بکن.

انجیل لوقا 4:1

عیسی کن خدا موقدسَه روح کا پَتلمَه بَه، اُوردنی رباریکا ویَگَردِستَه و خدا روح، بَی وَیاوونیرا بَردِشَه.

یوحنا 14:26

ولی اَ دیفا اَکَر، یعنی خدا موقَدَسه روح، هَه کن دَدَ چمن نومینَه رَونَه آرَکَرد، اَ گردِ چییون بَه شمَه آموج آرَدا و گِردِ اَ چییونی کن اَز شمَرا واتِمَه، شمَه یاد آرَفند.

یوحنا 20:22

وَقتی اِمی واتِش، چَوون سَر فو دَکَردشه و واتشَه: « موقَدسَه روح بیگِرَ.

رَسولون اَعمال 1:5

تعمید اَدَرَ یحیی آوینَه تَعمید اَدَریَه، ولی چَند روجی بَه دوملَه شِمَه خدا موقَدَسه روح نَه تَعمید بَگَتیرونَه.»

رَسولون اَعمال 1:8

اَمّا وَقتی خدا موقَدسَه روح شِمَه سَر با، زبق بَگَتیرون و شهر اورشَلیمیکا و گِردِ یَهودیَه و سامِرَ و تا دِنیا دورَ جِگااونکا چمن شاهیدِن بَبیرونَه.»

رَسولون اَعمال 10:46

اِمی خونه کن دَرَستِشون کن اَیِن دییَرَ زبانینَه گَف بَژَن و خدا شکوه و جلال دَرِن. اَموقه پِطروس واتِش:

رَسولون اَعمال 10:47

«ایسَه کن اِمِن خدا موقدسَه روح دِرِست چَمَه شیوار ویگَتِشون، کی بَشایَه چَوون نَه بیگِرِ تا آوینَه غسل تعمید بیگِن؟»

رَسولون اَعمال 11:15

«وَقتی گَف ژِ دَمَندیم، خدا موقدسَه روح چَوون سَردِرِ ویرمَه، دِرِست هَتَه کن اَوَلیکا چَمه سَر ویرمَه.

رَسولون اَعمال 11:24

اِمی خونه کن بَرنابا چاکَه مِردی بَه و خدا موقَدَسه روح و ایمانیکا پَتلَمَه بَه. اِمی خاطِر وِرَ کاولَه ایی بَه خداوند ایمان وَردِشون.

رَسولون اَعمال 13:52

شاگِردِن خَشی و خدا موقدسَه روحکا پَتلَمَه بینَه.

رَسولون اَعمال 13:9

ولی شائول کن بَی پولوس نی خِلِه اَکَرینَه، خدا موقدسَه روح کا پَتلَمَه آبَه، و اَ مِردی چمون دلَکا دیشتِشه و واتِش:

رَسولون اَعمال 15:8

و خدایی کن دلیکا باخبرَ چَوونرا شاهیدی آداشَه، اِنتَرَ کن خدا موقدسَه روح اَیِنِش دوعَه، هَتَه کن اَمَش نی آدوعَه.

رَسولون اَعمال 19:6

و هَنگومی کن پولوس چَوون سَریکا بال پِناشَه، خدا موقدسَه روح چَوون سَردِرِ ویرمَه، و اَیِن دییَرَ زَبانینَه گَف ژِشون و پیشگویی کَردِشون.

رَسولون اَعمال 2:11

چه یهودی و چه اَیِنی کن یهودی دینِشون قِبول کردیَه؛ و هِنتَرَکِه کْرِت و عربستانی آدَمِن - گِرد کامون دَرَستِه کن اِمِن چَمَه زَبانینَه خدا پور قدرتَه کارونکا گَف بَژَن.»

رَسولون اَعمال 2:3

اَموقه، آرا رَندی شیوارَ چیی ایی ویندشون کن قسمت بَه و هَر کِرَمی سَردِرِ نِشتَه.

رَسولون اَعمال 4:31

چَوون دِوا کَردِ بَه دوملَه، جِگایی کن چَی دِلَکا گِرد آبَه بین لَرزِستَه و گِرد، خدا موقدسَه روح کا پَتلَمَه آبین وخِدا کَلامی شَهامَتینَه اَواجینَه.

رَسولون اَعمال 4:8

چَی بَه دوملَه پِطروس خدا موقدسَه روح کا پَتلَمَه آبَه، چَوون جوابیکا واتِش: «اَی قامی یالَه آدَمِن و ایسبیَه ریشِن،

رَسولون اَعمال 6:3

پس بِرااِن، اِشتَن دِلَکا هَف نَفرَی کن خوش نامین و خدا روح و حیکمَتیکا پَتلَمَه بِبون اینتخاب بکَرَ تا اَوون اِم کاریرا بِنَرَم.

رَسولون اَعمال 6:5

رسولون گَف گِردیرا چاک آمَه. اَیِن استیفانِشون کن مِردی پورایمان و خدا موقدسَه روح کا پَتلَمَه بَه اینتخاب کردِشون و هنتَرَکه فیلیپُس، پروخُرُس، نیکانُور، تیمون، پارمِناس و نیکولائوسینَه کن اَنطاکیَه کا یَهودی آبَه بَه، اینتخابِشون کَردَ.

رَسولون اَعمال 6:8

استیفان فیض و زِبقیکا پَتلَمه بَه و یالَه مُعجیزَ اون و نِشونَه اِنی مردومی دِلَکا اَیر آرَکَریَه.

رَسولون اَعمال 7:55

ولی استیفان خدا موقَدَسه روح کا پَتلمَه آستامونی دَیَشتِش، خدا شکوه وجَلالی و عیسی کن خدا راستَه بالی وَریکا پا مَند بَه ویندِش.

رَسولون اَعمال 8:17

چَی به دوملَه پِطروس و یوحنا اِشتَن بالون چَوون سَریکا آناشون و اَیِن خدا موقدسَه روحِشون ویگَتَه.

رَسولون اَعمال 9:17

پس حَنانیا را دگِنِستَه و اَ کَه دِلَه دَرمَه و اِشتَن بالون چَی سَریکا پِناشَه واتِش: «شائول برا، خداوند، یَعنی هَه عیسی کن، وَقتی کن اِم جِگا را کایبیش آمِه راه دلَکا تِرا اَیر آبَه، بَمنِش عَندَیَه تا اِشتَن بینایی هَنی بَه دست بوعَری و خدا موقدسَه روح کا پَتلَمَه آبی.»

رومی کلیسارا نامه 15:13

ببو، خِدایی کن اومید دَرِ، بَشِمَه خَشیکا و صلح و سلامتی ایی کن ایمانی دِلَکا اَ، پتلَمه بکَرِ، اَنَه کن خدا موقدسَه روح خِنَرینَه، اُمیدیکا کوکورو پَتلَمَه بِبَه.

اوّلین نامَه قورَنتیانیرا 12:10

ایی نفری موعجیزَ اون اَنجوم دوعِه خِنَر آدوعَه ببیه، و دییَرَ کَسی نی پیشگویی کَردِ، و بَه دییَرَ شخصی روحون تَشخیص دوعه خِنَر. دییَر شخصی موختلیفه زبانونَّ گف ژِ و بَه دییَری موختلیفه زبانون ترجومه کردِ آنَّدا.

اوّلین نامَه قورَنتیانیرا 13:1

اَگَم اینسانون و فرشتَه اون زبانینَه گَف بژَنم، ولی موحبت مدارم، هنتَه صَدا دارَ سنجی و تَیَه تبلی شیواریمون.

اوّلین نامَه قورَنتیانیرا 13:8

موحبت هیچ موقه تَمون آنیَبن. ولی پیشگو اییِن نیفیت بَبینه، و زَبانِن تَمون آنَّب ودانایی هیچ آرَبن.

اوّلین نامَه قورَنتیانیرا 14:18

خدا شکر بَکمَه کن شمَه گِردیکا ویشتَر دییَرَ زبانونَّه گف بَژَم؛

اوّلین نامَه قورَنتیانیرا 14:5

ایسَه اَز بَپیمَه کن شمَه گِرد، دییَرَ زبانونَّه گَف بژَنه، ولی ویشتَر بَپیمَه کن پیشگویی بکَرَ. اَ کن پیشگویی بَکَی، اَ کَسیکا کن دییَرَ زبانونَّه گَف بَژَی یال تَرَ، مَگم اِمکن ترجومَه بکَرِ تا کلیسا بَنا بِه باعیث ببو.

نامَه اَفسوسی کلیسارا 3:19

و مسیح موحبتی کن اینسانیَه مَریفَتیکا کفاتَرَ، آزنَه- تا کامیلا خدا کامیل بِه کا پَتلمَه آبه.

نامَه اَفسوسی کلیسارا 5:18

شراوی مَست آنِبَه، کن بَشِمَه بدَ کارونرا دَرَراکنِست؛ بَسکم خداروح کا پتلمَه ببَه.

نامَه اَفسوسی کلیسارا 6:18

و اوزون، همه مودیل دِوا و خاشتو خازینَه، خدا روح دلَکا دِوا بکرَ و هِمیرا بیدار و هوش ببَه و یژَن پایدارینَه گردِ موقدسَه آدَمونرا دِوا بکرَ.

پطروسی اوّلین نامَه 1:12

چَوونرا دیار آبَه کن نِه کم بَشتَن بَسکم بَشِمَه خیدمت اَکَرینَه، اَموقه کن اَ چییونی خونه گَف اَژَنینَه کن ایسَه چَوون خونه اِنجیلی پَیغوم اَوَرونکا دَنّرست، اَیِنیکا کن خدا موقدسَه روح خونه کن آستامونیکا عَندَشونَه، خَشه خَبری بَشِمَه آنَّدا. حتی فرشتَه اِن نی اِم چییون ویندِ طَمارزو بَداشتین.

پطروسی دومین نامه 1:21

اِمی خونه کن هیچ پیشگویی اینسانی ایرادَنَه آمَه نیه، بَسکم آدَمِن خدا موقدسَه روح واسیطنَه خدا طَرَفیکا گَف ژَشونه.