رَسولون اَعمال 2:10 - کتاب مقدس به زبان تالشي - گویش مرکزی

¹⁰ و فْریجیه و پامفیلیه و مصر و لیبی نواحی اِن کن قیرَوانی شِن بَه و رومی موسافیرِن

کتاب مقدس به زبان تالشی شمالی

¹⁰ فْریجیه و پامفیلیَه، مِصر و لیبی اَطراف که قیرَوانی شِن اِستینه و کسونی که رومی کا اومَه بینَه

رَسولون اَعمال 2:10 Iomraidhean Croise

مَتّی 2:15

و تا هیرودیسِی مَردِ موقِه اَجگا کا مَندَ. اِنتَرَآبَه تا اَچیی ایی کن خداوند هوشَعه پَیغَمبَری زونینَه واتَش بَه اَنجوم ببو کن: «اِشتَن زوعَه مصریکا خِلِه کَردِمَه.»

مَتّی 23:15

«برامه شمه حالیرا شمَه اَی توراتی موعلیمِن و فَریسیِن دِ سَرَ کَرچَنگ! شمه دَیرا و خشکیکا اَگَردیرون تا ایی نفری اِشتَن دینی طَرَف بوعَرَ و وقتی اِم کاری کَردِرون، اَی دِ بَرابَر اِشتنکَا بَدتَر جَندمی خِردن سِی آکَرَ.

مَتّی 27:32

هَنگومی کن کایبین بِرنیرا شِه، شَمعون نومَه مِردی گِنینَه کن قیرَوانی آدَمونکا بَه و اَی دیم پناشونه تا عیسی صلیبی پِگِرِ و چَی پِشتیکا بوعَرِ.

مَرقُس 15:21

اَسربازن راه دِلکا ایی نفرِشون ویندَ کن چَی نوم شمعون بَه. شَمعون قیرَوانی آدَمونکا و اِسکندَر و روفوسی دَدَ بَه و زَمینی سَردِرِ کَشتو کاریکا کایبَه آمِه. سربازن اَشون دیم پِنوعَه تا عیسی صَلیبی بوعَرِ.

رَسولون اَعمال 11:20

ولی چَوون دِلَکا چَن نَفری قِپرس و قیرَوانی آدَمونکا بینَه. اَیِن وَقتی اَنطاکیَه را آرَستین، یونانیونَّه گَف ژِشون و عیسای خداوندی خَشَه خَبَری اَیِنِشون دوعَه.

رَسولون اَعمال 13:1

اَنطاکیَه کلیسا دلَکا، چَن گِله پَیغَمبَرن و مُعلیمونکا مَند بین: بَرنابا و شَمعونی کن بَی نیجِر خِلِه اَکَرین، قیرَوانیَه لوکیوس، مَنائِن کن، هیرودیسِ حاکیمی اَگیَه برا بَه و شائول.

رَسولون اَعمال 13:13

پولوس و اَیِنی کن بَینَه دَرِ بین، دَیرا راه نَه شهر پافوسیکا بِرِن بَرشین و پِرجه را شین کن منطقَه اِ پامفیلیَه کا بَه. اَمّا اَ جِگاکا یوحنا اَوونکا تاک آبَه وشهر اورشَلیمیرا ویگَردِستَه.

رَسولون اَعمال 13:43

جَماعَتی عیبادَتگا کا بِرِن شِه بَه دوملَه، خَیلی یَهودیونکا و خدا پَرستَه آدَمونکا کن یَهودی آبَه بینَه، پولوس و بَرنابا دوملَه را دَگِنِستین. پولوس و بَرنابا اِم کاولَنَه گَف ژِشون و اَیِنِشون تشویق کردَ تا خدا فِیضی دلَکا ایدامَه بِدرِن.

رَسولون اَعمال 14:24

چَی بَه دومله پیسیدیَه منطقَه کا دَیوَردین و پامیفیلیَه منطقَه را شینَه،

رَسولون اَعمال 15:38

ولی پولوس مصلحت نِویندِشَه کَسی کن اَوون پامیفیلیَه کا تاک آهَشتِش و هَمکاری نِکَردِشَه، اِشتَنَه بِبَرِ.

رَسولون اَعمال 16:6

چَی بَه دوملَه وِلَتِه فریجیَه و غَلاطیَه اِم سَر اَسریکا دَیوَردین، اِمی خونه کن خدا موقدسَه روح اَیِنِش خدا کَلامی آراستِنِستِه آسایا وِلَتیرا ایجازَش نِدوعه.

رَسولون اَعمال 17:21

گِردِ آتِنی آدَمِن و غَریبَه اِنی کن اَ جِگاکا زندَگی اَکَرین، دِ هیچ کاری غَیرَاز اِم نِدارین کن تازَ عَقایِدی خونه، گَفَه ژَنِه بِکَن و گوش آکرِن.

رَسولون اَعمال 18:2

اَ جِگا کا ایلَه یَهودیَه مِردی نَه، آکیلا نوم، کن پونتوسی منطقه آدَمونکابه آشنا آبَه، آکیلا اِشتَن ژِن پریسکیلا نَه، بَه تازَگی ایتالیا کا آمَه بَه، اِمی خونِه کن کْلودیوس رومی ایمپراطور فِرمون دوعَش بَه کن گردِ یَهودییِن رومیکا بَرشون. پولوس چَوون ویندِ را شَه،

رَسولون اَعمال 18:23

ایی مودت اَجِگاکا مَندَ و هَنی سَفَریرا شَه، اَ گردِ غَلاطیَه و فریجیَه، منطَقه اون اَگَردیَه و گِردِ شاگِردون ایمان داشتِه کا زبق اَدَری.

رَسولون اَعمال 2:11

چه یهودی و چه اَیِنی کن یهودی دینِشون قِبول کردیَه؛ و هِنتَرَکِه کْرِت و عربستانی آدَمِن - گِرد کامون دَرَستِه کن اِمِن چَمَه زَبانینَه خدا پور قدرتَه کارونکا گَف بَژَن.»

رَسولون اَعمال 23:11

هَه شَویکا، خداوند پولوسی وَریکا پا مَندَ و واتِش: «دِلی زِبق غَم بَه! هَتَه کن اورشَلیمیکا مِرا شاهیدی آدارَ، رومیکا نی پی مِرا شَاهیدی بِدَری.»

رَسولون اَعمال 27:5

کیلیکیَه و پامفیلیَه بَندَرونکا دَیوَردِ بَه دوملَه، میرا بَندَریکا، کن لیکیَه منطقَکا بَه، ویرمیمون.

رَسولون اَعمال 28:15

وقتی اَجِگا برا اِن دَرَستَشون بَه کن اَمه راکامونَه، تا آپیوسی بازاریرا و آوادی ایرا کن بَی ’سه میخونه‘ اَواجین، چَمَه ایستقبال آمین. پولوس چَوون ویندِ خونِه خدا شِکر کَردِش و چَی دل زبق گَتِش.

رَسولون اَعمال 6:5

رسولون گَف گِردیرا چاک آمَه. اَیِن استیفانِشون کن مِردی پورایمان و خدا موقدسَه روح کا پَتلَمَه بَه اینتخاب کردِشون و هنتَرَکه فیلیپُس، پروخُرُس، نیکانُور، تیمون، پارمِناس و نیکولائوسینَه کن اَنطاکیَه کا یَهودی آبَه بَه، اینتخابِشون کَردَ.

رَسولون اَعمال 6:9

چَی به دوملَه چَن نَفر کن ایلَه عیبادَتگاهی شِن بینَه و چَی نوم آزاد آبَه اون عیبادَتگا معروف بَه، استیفانینَه بحث اَکَرینَه. اَیِن قیرَوانی یهودیونکا و اسکندَریَه و کیلیکیَه و آسیا آدَمونکا بین.

رومی کلیسارا نامه 1:15

اِمی خاطِر، بَرک خَشیمَه کن اِنجیلی، بَشِمَرا نی کن رومیکا بَمَندیرون، اییلام بکَم.

رومی کلیسارا نامه 1:7

گِردِ اَیِنیرا کن شهر رومیکاینَه و خدا خاجَتی اینَه و اَیِنِشون صَلا ژَیَه تا موقدَسونکا آبون: فیض و صلح سلامتی، چَمَه دَدَ، خدا وَریکا، و خداوند عیسی مسیح طَرَفیکا شِمَرا ببو.

دِوُّمین نامَه تیموتائوسیرا 1:17

بَسکم وقتی شهر رومیرا آمَه، چمن دوملَه اَگَردیَه تا آخیر بَسَر بَمن ویندِش.

یوحنا موکاشیفَه 11:8

و چَوون مَییتِن اَ یالَه شهری دِلَه جَدَ اونکا، کن کَنایَه ژِ خونه سَدوم و مصر باتین، زَمینی سَریکا بَمندییَه؛ هه شَهری کن چَوون خداوند نی هَه جِگاکا مصلوب آبَه.