رَسولون اَعمال 16:1 - کتاب مقدس به زبان تالشي - گویش مرکزی

¹ پولوس شهرِنِه دِربه و لِسترِه را شَه. اَ جِگاکا شاگِردی تیموتائوس نوم اَمونیَه کن چَی نَنَه یهودی و ایمان دار بَه، اَمّا چَی دَدَ یونانی بَه.

کتاب مقدس به زبان تالشی شمالی

¹ پولس شَه دِربِه و لِستْرِه شهرون را. اوآ کا ایلَه شاگِردی زِندگی بَکَردی که چَیی نوم تیموتائوس بَه که چَیی نَنه یَهودی و ایماندار بَه، امّا چَیی دَده یونانی بَه.

رَسولون اَعمال 16:1 Iomraidhean Croise

رَسولون اَعمال 14:1

شهر قونیَه کا نی پولوس و برنابا یَهودیون عیبادَتگارا شینَه و هِنتَه، گَفِشون ژَ کن، خَیلی یهودیِن و یونانیونکا ایمانشون وردَ.

رَسولون اَعمال 14:21

اَیِن اَ شَهریکا نی خَشَه خَبری اییلام کردشون و خَیلییون، عیسی شاگِرد آکَردِشون. چَی بَه دوملَه لِسترِه و قونیَه و اَنطاکیَه را ویگَردِستین.

رَسولون اَعمال 14:6

پولوس و بَرنابا اِمیکا سَر آگِنین، و لِسترِه و دِربِه را، کن لیکائونیَه شَهرونکا بَه ویریتین،

رَسولون اَعمال 17:14

برا اِن جَخت پولوسی دَیرا کناریرا رَونَه آکَردِشون، ولی سیلاس و تیموتائوس بیریَه کا مَندین.

رَسولون اَعمال 18:5

وقتی سیلاس و تیموتائوس مَقدونیَه منطقه کا آمینَه، پولوس گِردِ اِشتَن وَقتی، خدا کلامیرا آناشَه، و یَهودیون را شاهیدی اَدَریَه کن عیسی، هَه وعدَ آدوعَه مَسیحَه.

رَسولون اَعمال 19:22

چَی بَه دومله دِ گِلِه اِشتَن همکارِن، تیموتائوس و اِراستوسی مَقدونیَه را عَنِدِش و اِشتَن ایی مودت آسیا ولَتیکا مَندَ.

رومی کلیسارا نامه 16:21

چمن همکار تیموتائوس بَشِمَه سلام دَرِ. چمن خیشِن، لوکیوس، یاسون و سوسیپاتِر نی شِمَرا سَلام دَرِن.

اوّلین نامَه قورَنتیانیرا 16:10

وقتی تیموتائوس آمَه، اَینَه جوری رفتار بَکَرَ کن شمَه وَریکا چیی ایکا تَتَه وَسَّه دَنِگنِه. چون اَ نی چمن شیوار خداوندی کاری کا اَنجوم دوعه؛

اوّلین نامَه قورَنتیانیرا 4:17

اِمی خاطر، چمن خاجَتیَه بَله تیموتائوسی کن خداوندی دلَکا وفادارَشِمَه وَر رَونَه بَکم. اَ چمن زندَگی کَردِ راههون مسیح عیسی دِلَکا، هَتَه کن اَز گِردِ کلیسا اونکا اَ راهون آموج اَدَریمه، شِمَه گِردیرا یاد آرَفند.

اوّلین نامَه قورَنتیانیرا 7:14

اِمی خونه کن بی ایمانَه شو اِشتَن ژِنی واسیطَنه موقدَّس آرَب و بی ایمانه ژِن اِشتَن شو واسیطنَه موقدَّس آرَبن. غَیراَز اِم، شِمَه خِردَنن نا پاک اَرَبینَه؛ ولی اِنتَرَ نیَه، بسکَم اَیِن موقدَسینه.

دوومین نامه قرنتیانیرا 1:1

پولوسی طرفی کا، کن خدا خواستنَه مسیح عیسی رسولَه، و چَمَه برا تیموتائوسی طَرَفیکا، خدا کلیسا را کن شهر قُرِنتُسی کارَ، و گِردِ موقدسِن کن وِلَته اَخائیه اِم سَر اَسَریکاینَه:

دوومین نامه قرنتیانیرا 1:19

اِمی خونه کن خدا زوعَه عیسایِ مسیح، کن اَز و سیلاس و تیموتائوس بَی شِمَه دلَکا اِییلام کَردِمونه، «ها» و «نِه» نِبَه، بَسکَم چَی دِلَکا اوزون ’ها‘ یَه.

نامَه فیلیپی کلیسا را 1:1

پولوس و تیموتائوس، کن مسیح عیسی وَزییَرین، طَرَفیکا، بَه گِردِ شهر فیلیپیَه موقدَسِن کن مَسیح عیسی کاینَه، ناظیرِن و شَمّاسِن:

نامَه فیلیپی کلیسا را 2:19

خداوند عیسی دِلَکا اُمید بداشتیمه کن تیموتائوسی خَیلی زو شِمَه وَر رَونَه بِکَم تا شِمَه حالیکا باخبَر بِبوم و چمن دِل خَش آبو.

نامَه کُولُسی کلیسا را 1:1

پولوسی طَرفیکا کن خدا خواستَه نه، مسیح عیسی رسولَه، و چَمه برا تیموتائوسی طَرَفیکا،

اوّلین نامَه تَسالونیکی کلیسا را 1:1

پولوس و سیلاس و تیموتائوسی طرَفیکا، شهر تِسالونیکی کلیسارا، کن خدای دَدَ وچمه خداوند عیسی مسیح دلَکا اینه: فیض و صلح و سلامتی شِمرا ببو.

اوّلین نامَه تَسالونیکی کلیسا را 3:2

اَمه تیموتائوسی کن مسیح اِنجیلی کاریکا، خدا همکارَ و چَمَه برا اَ، شمَه وَریرا عندِمه تا بشِمه شمه ایمانیکا تشویق و قودور آکَرِ،

اوّلین نامَه تَسالونیکی کلیسا را 3:6

ولی ایسَه کن تیموتائوس شمَه وَریکا ویگَردِسته یَه و شمه ایمان و موحبتی چاکه خَبری وردشَه. اَ اَمَش خبر دوعَیه کن شمه اوزون چَمَه تَریفی چاک بَکَرون و هته کن اَمه شمَه ویندِرا ایشتیاق دارَم، شمه نی چَمَه ویندِرا خَوَصِرون.

دوّمین نامَه تَسالونیکی کلیسا را 1:1

پولوس و سیلاس و تیموتائوسی طَرفیکا، شهرِ تسالونیکیانی کلیسارا کن چَمه دَدَ خدا و خداوند عیسی مسیح دلَکانَه:

اوّلین نامَه تیموتائوسیرا 1:18

تیموتائوس، بلَمه، اِم حِکمی اَ پیشگویی اِنی واتنَه کن چیمی بَه نه تِرا اَیر آبَه، اِشتِه دَست آمَدا تا چَوون واسیطنَه، اَ چاکَه جنگی اَنجوم بدَری،

اوّلین نامَه تیموتائوسیرا 1:2

چمن حَییقیَه خِردن ایمانی دِلَکا، تیموتائوسیرا: چَمَه دَدَ خدا و چَمَه خداوند مسیح عیسی طَرفیکا فیض و رحمت و صلح و سلامتی شِمرا ببو.

دِوُّمین نامَه تیموتائوسیرا 1:2

چمن خاجَتیَه بَلَه، تیموتائوسیرا: خدای دَدَ و چَمه خداوند مسیح عیسی طَرفیکا فیض و رحمت و صلح و سَلامتی تِرا ببو.

دِوُّمین نامَه تیموتائوسیرا 1:5

اَز اِشتِه خالیصَه ایمانی یاد آمَفَند، اَ ایمانی کن اَولین کَرَ اِشتِه دَدَ لوئیسیکا و چَی بَه دوملَه اِشتِه نَه نَه یونیکی کا بَه، و یَقین بَموستیم کن ایسَه نی بَتِکا بَبیَه.

دِوُّمین نامَه تیموتائوسیرا 3:11

و اَیذَت آزارون و عَذابِنی کن شَهرِنِه اَنطاکیَه، قونیَه و لِسترَه کا چمن سَردِرِ آمَه و اَیذَت و آزارِن و عَذابِنی کن تحمل کردِم، ولی خداوند بَمِنش گِردِ اوونکا اَراخِمونیَشه.

نامَه فیلیمونیرا 1:1

پولوسی طَرفیکا، مسیح عیسی زیندانی، و چَمه برا تیموتائوسی طرَفیکا، بَه چَمه خاجَتیَه همکار فیلیمون،

نامَه، عِبرانیه نَتاجَه مسیحیونرا 13:23

بزنَه کن چَمَه برا تیموتائوس آزاد آبَیه. اَگَم اَ زو با بَینَه بوممَه و بَشمَه بَویندیمَه.