رَسولون اَعمال 13:8 - کتاب مقدس به زبان تالشي - گویش مرکزی

⁸ ولی اَ جاودوگَر کن چَی نومی معنی عالیم بَه، چَوون زِرَبَرا راست آبَه و تقلاش کردَ تا فرمانداری ایمان وَردِ ناری بیگِرِ.

کتاب مقدس به زبان تالشی شمالی

⁸ امّا اَ جادوگر که چَیی نومی معنی عالِم بَه، اَوون نَه مخالفت کَردِشه و تَقَّلا کَردِشه که مَرزِه فرماندار ایمان بواَرِه.

رَسولون اَعمال 13:8 Iomraidhean Croise

یوحنا 1:41

اَ اَولیکا، اِشتَن برا شَمعونی ویندِشَه و بَی واتِش: «اَمه وَعدَ آدوعَه ماشیَح پَیدا کَردِمون.» یعنی هَه وَعدَ آدوعَه مَسیح.

رَسولون اَعمال 13:12

چَی به دوملَه وقتی کن فرماندار اِم ایتفاقی ویندِشَه، ایمانِش وردَ، چون اَ آموجیکا کن خداوندی خونِه اَدَرینَه، حَیرون آبَه بَه.

رَسولون اَعمال 18:12

ولی هَنگومی کن گالیو، ولَته اَخائیَه حاکیم بَه، یَهودیِن یَندِنَه هَمدَست آبین، پولوسی سَر ویبین و بَی محکمه را دَراکِنیشونَه،

رَسولون اَعمال 19:38

پس اَگَم دیمیتریوس و چَی چِلینگَرَ هَمکارِن کَسیکا شَکایَتی بَداشتینَه، محکمه اون بَرَنگا آجَه و حاکیمِن نی حِاضِرینَه. بَشانَه اِشتَن شَکایَتون اَجِگارا بِبَرِن.

رَسولون اَعمال 6:7

پس خدا کَلام هَمه جِگاکا پخش آرَبیَه و شاگِردون تعداد اورشَلیمیکا خَیلی ویشتَر آبَه و یالَه کاولَه ایی یهودی کاهینونکا نی ایمان وردشون.

رَسولون اَعمال 8:9

اَمّا اَ شَهریکا مِردی شَمعون نوم زندَگی اَکَریَه کن مُدَتی بَه اِشتَن جاودوگَرینَه سامِرَ آدَمون حَیرون آکَردَش بَه و اِیدعا اَکَری یالَه کَسی یَه.

رَسولون اَعمال 9:36

شهر یافا کا شاگِردی طابیتا نوم اَمونیَه. یونانیون زبانینَه بَه طابیتا دُروکاس باتین کن چَی معنی گَنزَ. اِم ژِن بَشتَن چاکَه کارون اَنجوم دوعَه و دَس دَریسون آرَستِه را وقف کَردَش بَه.

دِوُّمین نامَه تیموتائوسیرا 3:8

هَته کن یَنَّیس و یَمبریس کن موسی زِرَبَرا راست آبینَه، اِم مِردِن حَییقتینه ضِدین، کن چَوون فکرِن خراوین و چَوون ایمان مردودَ.