رَسولون اَعمال 13:6 - کتاب مقدس به زبان تالشي - گویش مرکزی

⁶ اَیِن جَزیرَ اِم سَر اَ سَریکا دَیَوردین تا شهر پافوسیرا آرَستین. اَ جِگاکا یَهودیَه مِردی باریشوعَ نوم گِنینَه کن جاودوگَر و دِروعَه پَیغَمبَر بَه.

کتاب مقدس به زبان تالشی شمالی

⁶ اَوِن اَ جَزیره گِردی، گَردی نَه تا آرَستینَه پافوسی شهری را. اوآ کا ایلَه یهودیه مِردی ویندِشونَه که چَیی نوم بارْ‌یشوعَ بَه و جادوگر و دروعَه پیغمبر بَه.

رَسولون اَعمال 13:6 Iomraidhean Croise

مَتّی 16:17

عیسی واتِش: «خَشی اِشتِه حالیرا اَی شَمعون، یونا زوعَه! اِمی خونه کن اینسان اِم حقیقتی تِرا دیار آنِکردَشَه، بَلکَم چمن آستامونیَه دَدَ تِرا دیار آکَردِش.

مَتّی 24:24

اِمی خونه کن دروعَه مَسیحِن و دروعَه پَیغمبَرِن بومَن، و اِنتَرَ نِشونَه اِن اَیر بَکَن و موعجیزَاِن اَنجوم دَرِن تا اَگَم بشان، بَرگُزیدَاون گُمرا بِکَن.

مَتّی 7:15

«دِروعَه پَیغَمبرونکا رَت آبَه. اَیِن پَسون شیوار شندر دَنَّکَرد و شمَه وَربومَن، ولی باطنیکا بزارنَه وَرگینَه.

مَرقُس 10:46

اَیِن شهراَریحا را آمین. هَتَه کن عیسی اِشتَن شاگِرونَ و یالَه جَمعییَتی نَه کایبَه شهر اَریحاکا بِرِن بَرشِه، ایلَه ناوینا اَ گَدایی کن چَی نوم بارتیمائوس بَه و تیمائوسی زوعَه بَه، راه قِرَقیکا نِشت بَه.

رَسولون اَعمال 13:13

پولوس و اَیِنی کن بَینَه دَرِ بین، دَیرا راه نَه شهر پافوسیکا بِرِن بَرشین و پِرجه را شین کن منطقَه اِ پامفیلیَه کا بَه. اَمّا اَ جِگاکا یوحنا اَوونکا تاک آبَه وشهر اورشَلیمیرا ویگَردِستَه.

رَسولون اَعمال 13:8

ولی اَ جاودوگَر کن چَی نومی معنی عالیم بَه، چَوون زِرَبَرا راست آبَه و تقلاش کردَ تا فرمانداری ایمان وَردِ ناری بیگِرِ.

دوومین نامه قرنتیانیرا 11:13

اِمی خونه کن اِنتَرَ کَسِن، دِروعه رسولِن و حیلَه بازَ کاریگَرِنی هِستین کن بَشتن هِنتَه مَسیح رسولون شیوار نمود دَرِن.

دِوُّمین نامَه تیموتائوسیرا 3:8

هَته کن یَنَّیس و یَمبریس کن موسی زِرَبَرا راست آبینَه، اِم مِردِن حَییقتینه ضِدین، کن چَوون فکرِن خراوین و چَوون ایمان مردودَ.

یوحنا اوّلین نامَه 4:1

اَی خاجَتیِن، هر روحی باوَر نِکَرَ، بَسکَم اَوون وَرداوَرد بکَرَ کن خدا شِنینَه یا نِه. اِمی خونه کن وِرَ دِروعَه پَیغمبَرِن دِنیاکا هِستین.

یوحنا موکاشیفَه 19:20

ولی اَ اَشیا ویلاخیسته و بَینَه اَ دِروَعه پیغمبَر کن اَشیا ناریکا نشونه اِن و موعجیزَ اون اَیر آرَکری تا اَیِنی گول بژنه کن اَ اَشیا نشونِشون قِبول کردَ و چَی موجسمَه اَپَرستینَه. اَیِن، هردِگِلَه زِند زندَ، دَیراچَه ایکا کن آرا کا کن گوگردینه کولوستار بَه ویرفندِشون.