رَسولون اَعمال 13:5 - کتاب مقدس به زبان تالشي - گویش مرکزی

⁵ وَقتی کن شهر سَلامیسی دِلَه دَرمین، یَهودیون عیبادَت گا اونکا خداوندی کَلامیشون اییلام کردَ. اَیِن یوحنا نی، کن بَی مرقُس خِلِه اَکَرینَه اِشتَنَه بردِشونَه تا چوونرا آرَسِه.

کتاب مقدس به زبان تالشی شمالی

⁵ وختی دَشینَه سَلامیسی شهری دیلَه، یَهودییون عبادتگاه اون کا، خِدا کلامی اِعلام کَردِشونَه. اَوِن یوحنایی که مَعروف بِه مَرقُس بَه نی اِشتَن نَه بَردِشونَه تا اَوون کمک بِکَرِه.

رَسولون اَعمال 13:5 Iomraidhean Croise

مَتّی 20:26

ولی شِمَه دِلَکا اِنتَرَ مَبو. هَر کَم اَپیشَه شِمَه دِلَکا یال ببو پی شِمَه پاسَری ببو.

رَسولون اَعمال 12:12

وقتی پِطروس اِمیکا سَر آگِنَه، مَریَمی کَرا شَه، کن، اَ یوحنی کن بَی مَرقُس نی خِلِه اَکَرینَه، نَنَه بَه. اَ جِگاکا خَیلیِن جَم آبَه بین و دِوا اَکَرین.

رَسولون اَعمال 12:25

بَرنابا و شائول اِشتَن مَاموریَتِشون تَمون آکردَ، و اورشَلیمیکا ویگَردِستین و یوحنا کن بَی مَرقُس خِلِه اَکَرینَه نی، اِشتَنَه وَردِشون.

رَسولون اَعمال 13:14

ولی اَیِن پرجَه کا دَیوَردین و شهر اَنطاکیَه را کن منطقه اِ پیسیدیِهَ کا بَه، آرَستین. موقدسَه شَنبَه روجیکا، یَهودیون عیبادَتگا دِلَه دَرمینَه و نِشتین.

رَسولون اَعمال 13:46

پولوس و بَرنابا جورئَتینه واتِشون: «لازِم بَه خدا کَلام گِردیکا بَه نَه شِمَرا واتِه ببو. ولی اِمی خونِه کن اَی رَد کَردِرون و بَشتَن زَیرونَه زندَگی لایق نِویندِرون، پس ایسَه اَمه غَیرِ یَهودیون طرَف بَشیمون.

رَسولون اَعمال 14:1

شهر قونیَه کا نی پولوس و برنابا یَهودیون عیبادَتگارا شینَه و هِنتَه، گَفِشون ژَ کن، خَیلی یهودیِن و یونانیونکا ایمانشون وردَ.

رَسولون اَعمال 15:37

بَرنابا اَپیش بَه یوحنا کن بَی مَرقُس نی خِلَه اَکَرینَه، اَوونَّه بِشو،

رَسولون اَعمال 17:17

اِمی خاطِر، عیبادَتگاکا یَهودییِن و خدا پَرَستَه یونانیونَّه و هِنتَه هر روج شَهری مَیدونیکا راه دَیوَرونَّه گَفَه ژِنَه اَکَریَه.

رَسولون اَعمال 18:4

پولوس هَر موقدسَه شَنبکا، عیبادَتگا دِلَکا یَهودیون و یونانیونَّه گَف ژِنَه اَکَریَه و تَقلا اَکَری اَوون قانع بکَرِ.

رَسولون اَعمال 19:22

چَی بَه دومله دِ گِلِه اِشتَن همکارِن، تیموتائوس و اِراستوسی مَقدونیَه را عَنِدِش و اِشتَن ایی مودت آسیا ولَتیکا مَندَ.

رَسولون اَعمال 19:29

شَهری گِردِ جِگا اونکا خَرا خِلِه راست آبَه! اَیِن یندِنَه همدَست آبین و موسابقاتی مَیدونیرا هِژما بَردِشون. اَیِن گایوس و آریستارخوسی کن مَقدونیَه آدَمونکا بین و پولوسینَه دَرِ بینَه، دَراکِن دَراکِن اِشتَنَه اَبَرینه.

رَسولون اَعمال 19:8

چَی بَه دومله پولوس یَهودیون عیبادَتگارا شَه، اَ جِگاکا سِه ماه جورئَتینه گَف اَژَنیَه و خدا پادیشاهی خونِه گَفَه ژَنِه اَکَری و دَلیل اَوَری و اَوون قانع اَکَریَه.

رَسولون اَعمال 9:20

اَ، جَخت یهودیون عیبادَتگا کا اِم پَیغومی اییلام کَردِ شِروو کَردِشَه کن، عیسی خدا زوعَه یَه.

نامَه کُولُسی کلیسا را 4:10

آریستاخوس کن بَمِنه زیندانیکارَ، شمَرا سلام دَرِ؛ هِنتَرَکه برنابا عَمو زوعَه، مرقوس شمَرا سلام دَرِ. چیمی بَه نَه بَشمَه چَی خونه سیفارش کردَمه کن هر موقه شمَه وَر با، صدق دلینه بَی قبول بکَرَ.

دِوُّمین نامَه تیموتائوسیرا 4:11

تاکَه لوقا بَمنَه دَرِ. مرقُسی پِگِه و بَشتَنه بوعَه، اِمی خونه کن اَ چمن خیدمَتیرا خَیلی بَکار آ.