رَسولون اَعمال 13:2 - کتاب مقدس به زبان تالشي - گویش مرکزی

² هَنگومی کن اَیِن روجَه بین و خداوندی پرستش اَکَرینَه، خدا موقدسَه روح واتِشَه: «بَرنابا و شائولی، اَ کاری خونه کن، اَز اَیِنِم خِلِه کردیَه مِرا تاکَه آکَرَ.»

کتاب مقدس به زبان تالشی شمالی

² وختی که اَوِن روزَه بینَه و خِداوندی پرستش بَکَردین، روح القدس واتِشه: «بَرنابا و شائولی بَه مِرا جِدا آکَرَه، اَ کاری واسی که از اَوون دَخوندَمَه.»

رَسولون اَعمال 13:2 Iomraidhean Croise

مَتّی 17:21

[ولی اِم جِنس پَریان غَیراز روجَه و دوا هیچ چینَه بِرِن بَنیَش.]

مَتّی 6:16

«هَنگومی کن روجَه بَگَتیرون، دِ سَرَ کَرچَنگون شیوار بَرضَخ آمَبه. اِمی خونه کن اَیِن اِشتَن صَفَتی نمودی عوَض آنَّکرد تا مردومی آمونن کن روجَه گَتشونه. حییقتا بَه شمَه باتیمَه کن اَیِن، گردِ اِشتَن پاداشی گَتَشونَه.

مَتّی 9:38

پس، اَکینی صاحیبیکا خاشتو خازینَه دَرخواست بکَرَ کن اِشتَن اَکینی دورنوستِه خونه کاریگر بَینِه.»

انجیل لوقا 10:1

چَی بَه دوملَه، خِداوَندعیسی شاگِردونکا هَفتاد نَفَردییَراِینتخاب کَردشَ و اَیِنِش دِ نَفر دِ نَفَراِشتَنکا بَ نَ هر شهرو و جگایی کن اِشتَن اَپیش بَه بِشو عَندِشَه.

انجیل لوقا 2:37

و چَی بَه دوملَه تا هشتاد و چار سالَگی ویوَ مَندَ بَه. اَ هیچ‌ موقِه معبدی آنیَرزی، بَلکَم شَوانَه‌ روج، روجَه و دِوا نَه خدا پَرَستش اَکَریَه.

رَسولون اَعمال 10:19

پِطروس هَنوزَنی اَ رویا فِکریکا بَه کن خدا روح بَی واتِش: «دَیَس، سِه نَفَر اِشتِه دوملَه بَگَردِستین.

رَسولون اَعمال 10:30

کُرنِلیوس جواب آداشَه: «چار روج چیمی بَه نَ هِم موقه، ناهاری بَه دوملَه ساعت سه نِزِکیکا، اِشتَن کَکا کایبیم دِوا کَردِ کن ایکَرَ ایی، ایلَه مِردی کن نورانیَه شِندِر دَرِش بَه چمن نَ کا اَیر آبَه

رَسولون اَعمال 13:3

اَموقه، روجَه و دِوا کردِ بَه دوملَه، اَ دِ نَفَری سَردِرِ بال آناشون و اَیِنِشون سَفَریرا عَندَ.

رَسولون اَعمال 13:4

اِنترَکه، اَ دِ کن خدا موقدسَه روح طَرفیکا رَونَه آبَه بینَه، سِلوکیَه بَندَریرا شین و اَجِگاکا دَیرا راه نَه قِپرِسیرا آرَستین.

رَسولون اَعمال 14:26

آتّالیَه کا کَشتینَه شهر اَنطاکیَه را آگَردِستین، هَه جِگا ایکا کن ایماندارِن پولوس و بَرناباشون خدا فِیضی دَست آدوعَشون بَه تا هَه کاری بکَن کن اَیِن اَنجوم دوعَشون بَه.

رَسولون اَعمال 20:28

شِمَه حواس بَشتَنکا ببو. و رَمَه اِنی کن خدا موقدسَه روح، بَشِمَه اینتخابِش کردیَه تا چَوون سَریکا بِبَه، حواسِرون اَوونکا ببو. خدا کلیسارا کن اَش اِشتَن خونینَه خِرییَه شَه، شونَه گیری بکرَ.

رَسولون اَعمال 22:21

خداوند بَمِنِش واتَه: ”بش؛ چون اَز بَتِه دورَ جِگا اونرا، غَیر یَهودیون وَر رَونَه آمَکَرد.»

رَسولون اَعمال 4:36

یوسوف نی کن لاوی قامیکا و قِپرِسی آدَمونکا بَه، و رَسولِن نی بَی بَرنابا کن چَی معنی ’تشویقی زوعَه‘ یَه، اَواجینَه،

رَسولون اَعمال 6:4

ولی اَمه گردِ اِشتَن وقتی دِوا کردِرا و خدا کلامی خیدمَتیرا بَنامون.»

رَسولون اَعمال 8:29

اَموقه خدا روح فیلیپوسیش واتَه: «نِزِک بش و اَ اَرَبَه نَه هَمراه بِب.»

رَسولون اَعمال 9:15

ولی خداوند حَنانیاش واتَه: «بش، اِمی خونِه کن اِم مِرد چمن اینتخاب آبَه وسیلَه اَ، تا چمن نومی غَیر یَهودیونرا و چَوون پادیشاهِن و یَهودی مردومیرا اییلام بکَرِ.

رومی کلیسارا نامه 1:1

مَسیح عیسی وَزییَر، پولوسی طَرَفیکا، کن رِسالَتیرا خِلِه آبَه یه و خدا اِنجیلیرا وَقف آبَه یَه؛

رومی کلیسارا نامه 10:15

و چِنتَه موعیظَه بِکَن، اَگَم اَوون مَینِن؟ هَتَه کن اِشعَیای پیغمبری کیتاویکا نِوِشتَه آبَه یَه: «چَدَ اَیِنی کن انجیلی خَشَه خَبری موعیظَه بَکنَه لِنگِن خاصین.»

رومی کلیسارا نامه 15:16

کن غَیرِ یَهودیونرا، مَسیح عیسی وزییَر بِبوم و خدا اِنجیلی خیدمت کَردِ خونه کَاهن ببوم، تا غَیرَ یَهودیِن چَاکَه خَلایی خدا دَرگارا بِبون کن خدا موقدسَه روح نَه تقدیس بَیَه.

اوّلین نامَه قورَنتیانیرا 12:11

اِمون گِرد هَه ایلَه روح واسیطنَه کن خدا روحَه زبق بَگَتین، و هَتَه کن اِشتَن اَپیشَه اوون رَسَت بَکَی، و هَر کَمی ببَخشِستی.

اوّلین نامَه قورَنتیانیرا 7:5

پس یَندِ محروم نِکَرَ، مَگَم ایی مودَتیرا اَ نی یَندِ ریضایَتینَه، تا اِشتَن وَقتی دِوا کَردِرا بنَرَ. ولی چَی به دوملَه هَنی یَندِنه ببَه، نِکَرِ شَیطون بَشِمَه اِمی خونه کن، نینَّشا اِشتَن ناری گَتِه، بَشمَه وسوَسه بکَرِ.

دوومین نامه قرنتیانیرا 11:27

خَیلی کارِم کَردیَه و سختی کَشتمَه، خَیلی شَو بی خاوی کَشتَمه؛ وِشی و تِشی بیمه ولی تاوِم وَردَ، چندین کرَ بی غَذا مندَ ایمه، غَزری دِلَکا لوت بیمَه.

دوومین نامه قرنتیانیرا 6:5

لِس هَردِ موقه کا، زیندانون دِلَکا، خَرا خِلِه دلَکا، سخته کاریکا، شَوونکا بی‌خواوی دلَکا، اَنشتا بِه کا آمونَم کن خدا وَزییَریمون؛

نامه غلاطیَه کلیسارا 1:15

ولی وقتی اَ کَسی کن بَمن چمن نَنَه رَمیکا اِشتَن کاریرا وَقف کَردِش، و اِشتَن فِیضی واسیطَنَه بَمن خِلِه کَردِش، چَی خَشی اِمیکا بَه کن

نامَه اَفسوسی کلیسارا 3:7

اَز، خدا فیضی خَلا واتنَه، کن چَی خِنَری اَعمالی واسیطنَه بَمنِشون دوعَه، اِم انجیلی پاسَری آبیمَه.

نامَه کُولُسی کلیسا را 4:17

آرخیپوسی بواجَه: «اِشتِه هواس ببو خیدمتی کن خداوند اِشتِه دَست دوعَشه، کامیل اَنجوم بدَ.»

اوّلین نامَه تیموتائوسیرا 2:7

اِمی خونه کن اَز اِمی خاطِر اینتیخاب بیمَه تا غَیر یَهودیونرا ایلَه آموج اَدَر و ایلَه رسول و ایلَه موعَلیم ایمانی دلَکا ببوم، حَییقَتی باتیم و دِرو نِمَدا.

دِوُّمین نامَه تیموتائوسیرا 1:11

کن اَز، چَیرا تَیین آبَه ایمه تا اِنجیلی رسول و موعَلیم ببوم و موعیظَه بکَم.

دِوُّمین نامَه تیموتائوسیرا 2:2

و اَ چیی ایی کن وِرَ شاهیدون وَریکا بَمنکا درَستِر، اَمینه آدَمونی دَست آدَ کن دییَرَکسون آموج دوعه بشان.

دِوُّمین نامَه تیموتائوسیرا 4:11

تاکَه لوقا بَمنَه دَرِ. مرقُسی پِگِه و بَشتَنه بوعَه، اِمی خونه کن اَ چمن خیدمَتیرا خَیلی بَکار آ.

دِوُّمین نامَه تیموتائوسیرا 4:5

ولی ته همه حالیکا هوش بب؛ عذابون تحمل اَکَن، اِنجیلی اییلام کَردِ کاری اَنجوم آدَ و اِشتَن خیدمتی کامیل آکَه.

نامَه، عِبرانیه نَتاجَه مسیحیونرا 5:4

و هیچ کِرَمی اِشتَن نییَشا اَ کاهینی ایفتخاری اِشتَن شِن آکَرِ، بَسکم اِم ایفتخار تاکه وقتی کن خدا بَی خِله بَکَی بَی آرَرَست. هَته کن هارونی آرستَه.