رَسولون اَعمال 1:2 - کتاب مقدس به زبان تالشي - گویش مرکزی

² تا روجی کن خدا موقدسَه روح واسیطَنَه فِرمونِنی اِشتَن اینتخاب کَردَ رَسولون آداشَه و چَی بَه دوملَه بَی آستامونیرا کفا بردِشون.

کتاب مقدس به زبان تالشی شمالی

² تا اَ روزی که روح القدسی واسطه نَه، اِشتَن اِنتخاب کَردَه رسولون، دستورونی دوشَه و دومله آسِمونی را کَفا بَردَه بَه.

رَسولون اَعمال 1:2 Iomraidhean Croise

مَتّی 12:28

اَمّا اَگَم اَز خدا روح کاریَرینَه پَریانی بِرِن بَمَکَرد، یقین اَزونه کن خدا پادیشاهی شمَه وَر آمَیَه.

مَتّی 3:16

عیسی تعمید گَته بَه دوملَه جخت آویکا بِرِن بَرمَه و آستامونِن چَی سَریکا آج آبینَه و اَ خدا روحِش ویندَ کن هِنتَه کَفتِری شیوارآستامونیکا ویرمَه و عیسی سَریکا نِشتَه.

مَرقُس 6:30

رَسولِن عیسی وَر ویگَردِستینَه و گردِ کارونی کن کَردَشون بَه و آموج دوعَشون بَه چَیرا جیگیر کَردِشونَه.

انجیل لوقا 24:51

و هَته کن چَوونرا دِوا اَکَریَه، اَوونکا تاکَه آبه و بَی آستامونیراشون بَردَ.

انجیل لوقا 9:51

وَقتی اَ روجِن کن قرار بَه عیسی آستامونیرا بشو نِزِک آبَه، عیسی شهر اورشَلیمی طَرَف را دَگِنِستَه.

یوحنا 1:16

چَی پَتلَمه گیکا اَمه گرد بَرَ بَردِمون، فیض، فیضی سَر.

یوحنا 13:1

پِسَخَه عیدی بَه نَ، وقتی عیسی سَر آگِنَه کن چَی وَقت آرَستَیَه تا اِم دِنیا کا دَدَ ور بشو، اَیِنی کن اِم دنیاکا رَی داری، برکَه موحبَت کَردشَه.

یوحنا 13:18

«شمَه گِردی خونه گَف نِمَژ، اَز اَیِنی کن اِینتخاب کَردمَه آمَموست. اَمّا موقدّسَه نوشتَه اون اِم واتَه چیی اَنجوم ببیَه کن باتی، ”اَکَن چمن نونی هَردِش، چمن غَنیم گیریرا راست آبَه یَه.“

یوحنا 13:3

عیسی کن اَزنیَه دَدَ گرد چیون چَی دست آدوعَشه و اِمی نی اَزنیَه کن خدا طَرفیکا آمَیه و خدا وَر آرَگَردست،

یوحنا 16:28

اَز دَدَ طَرَفیکا آمیمهَ و اِم دِنیا دِلَه دَرمَه ایمَه؛ و ایسَه اِم دِنیا بَنامه و دَدَ وَربَشیمَه.»

یوحنا 17:13

ولی ایسَه اَز اِشتِه وَر کام آمِه، و اِم گَفون زمانی باتیم کن هَنوزَنی دنیاکامَه، تا چَوون دل چمن خَشیکا پَتلَمه ببو.

یوحنا 20:17

عیسی بَی واتِش: «بَمن کَشا آمَگِه، اِمی خونه کن هَنوزَنی دَدَ وَر کَفارا شَه نیمَه. بَلکَم تِه چمن برااون وَر بش و اَوون بواج کن اِشتَن دَدَ و شمَه دَدَ و اِشتَن خدا و شمَه خدا وَر کَفا بَشیمه.»

یوحنا 20:21

عیسی هَنی اَیِنِش واتَه: «سلام بر شمَه! هَته کن دَدَ بَمن رونه آکردشَه، اَز نی شمَه رَونَه بَکَم.»

یوحنا 3:34

چون اَکَن خدا بَی عَندَشَه، خدا کلامی باتی، اِمی خونه کن خدا، بی اَندازَ اِشتَن روح بَی آرَدا.

یوحنا 6:62

پس اَگَم شمَه بِوینَه کن اینسانی زوعَه اَ جگا ایرا کن چیمی بَه نَه مند بَه، کَفا بَشیَه چه بَکَرون؟

یوحنا 6:70

عیسی اَوون جواب داشه: «مَگَم شمَه دانزَ نفری من اینتخابم کَردَ نی؟ با اِم حال، ایلَه شمَکا اِبلیسَه.»

رَسولون اَعمال 1:11

و واتِشون: «اَی جَلیلیَه مِردِن، چیرا پامَندیرون و آستامونیکا چَم دَشتَه رونَه؟ هِم عیسی کن، بَی شِمَه دِلَکا آستامونیرا بَردِشونَه، هَتَه کن ویندِرون آستامونیرا شَه، هَنی بومَیَه.»

رَسولون اَعمال 1:13

وَقتی شَهراورشَلیمیرا آرَستین، بالا خونَه ایرا شین کن چَوون مَندَ جِگا بَه. اَیِنی کن اَ جِگاکا مند بین اِمِن بینَه: پِطروس و یوحنا، یعقوب و آندریاس، فیلیپُس و توما، بَرتولما و مَتّی، حَلفی زوعَه یَعقوب و وطن پرَستَه شَمعون و یعقوبی خِردَن، یَهودا.

رَسولون اَعمال 1:22

یعنی یَحیی غسل تَعمید دوعه موقه کا تا روجی کن عیسی چَمه وَریکا آستامونیرا کَفا بَردِشون. ایلَه اَ آدَمونکا پی اَمَنَه عیسی زندَ آبِه شاهید ببو.»

رَسولون اَعمال 1:9

عیسی، اِم گَفون ژِ بَه دوملَه، هَتَه کن رَسولِن دَرَدِسینَه، بَی کَفا را بَردِشوَنه و خِری عیساش چَوون چَمی نَکا پِگَتِشَه.

رَسولون اَعمال 10:38

و چِنتَه خدا عیسای ناصِریش خدا موقدسَه روح و زِبقینَه مسح کَردِش، ایی جوری کن گِردِ جِگا اونکا اَگَردیَه و چاکَه کار اَکَری و گِردِ اَیِنی کن اِبلیسی ظِلمی بنیکا بین، شفا اَدَری، اِمی خاطِر کن خدا بَینَه دَرِ بَه.

نامه غلاطیَه کلیسارا 1:1

پولوسی طَرَفیکا، رسولی کن چَی رَسالَت اینسانون طَرَفیکا و اینسانی واسیطَنَه نِبَه، بَلکَم عیسای مَسیح و خِدای دَدَ واسیطَنَه اَ کن بَی مَردَاونکا زندَ آکَردِش،

نامَه اَفسوسی کلیسارا 2:20

شمَه اَ عیمارَتی سَر کن رسولِن و پَیغمبرِن چَی هیم بینَه، بَنا آبَه ایرون، کن مسیح عیسی اِشتَن اَ بَنا، اصلییَه سِه اَ.

اوّلین نامَه تیموتائوسیرا 3:16

واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

نامَه، عِبرانیه نَتاجَه مسیحیونرا 9:24

اِمی خونه کن مسیح اَ قودس الاقداسی دِلَه کن آدَمون بالی سی آکردَ چی بَه و تاکَه نمونَه ایی اییَه حَییقیَه چیونکا کا اَ، دِلَه دَنِشه، بَسکم آستامونیرا شَه تا چَمَه طرَفیکا خدا وَریکا اَیر آبو.

پطروسی اوّلین نامَه 3:22

هه عیسای مسیح کن آستامونیرا شَه و ایسَه خدا راستَه بالی طرَفیکا پامندَ و فرشتَه اِن و زاکیندارِن و زِبقِن چَی فِرمون آبَه اینَه.

پطروسی دومین نامه 3:2

تا اَ کلامی کن موقدَسه پَیغمبَرن چیمی بَه نَه واتَشون بَه، و چَمه خداوند و چَمه نیجات اَدری حِکم کن رسولون واسیطنه شِمَشون دوعَیَه، یاد آرَفنَه.

یوحنا موکاشیفَه 1:1

عیسی مسیح موکاشیفَه، کن خدا بَی آداشَه تا اَ چییِ اِنی کن پی زو ایتفاق دگِنِه، اِشتَن وَزییَرون آمونِه. و اَش، اِشتَن فرشتَه، اِشتَن پاسَری یوحَنا وَر عَندِنَه، دیار آکردِش.

یوحنا موکاشیفَه 2:11

«اَ کن گوش دارِ درَسه کن خدا روح کلیسا اون چه باتیَه. هر کم پیروز آبو، دِوومین مرگی دلَکا، غَرّی چَی سَر نیام.

یوحنا موکاشیفَه 2:17

اَ کن گوش دارِ درَسه کن خدا روح کلیسا اون چِه باتیَه. هر کَم پیروز آبو، اَ نون آکردَ ”مَنّا“ بَی آمَدا، و بَی ایسبیَه سِه ایی آمَدا کن چَی سَریکا تازَ نومی نوشتَشونه، کن غَیراَز چَی ویرَگِر، دِ دییرَ کَسی بَی آنییَموست.

یوحنا موکاشیفَه 2:29

اَ کن گوش دارِ درَسه کن خدا روح کلیسا اون چِه باتیَه.

یوحنا موکاشیفَه 2:7

«اَ کن گوش دارِ درَسِه کن خدا روح، کلیسا اون چه باتیَه. هر کَم پیروز آبو، اِمی بَی بَبَخشِستیمه تا زندَگی، داری میوَکا کن خدا بهشتی دلَکارَ بَرِ.

یوحنا موکاشیفَه 21:14

و شهری دیوار دانزَ گلَه هیم داری کن چَوون سَریکا وَرَ دانزَ گلَه رسولی نومشون نوشتَه به.

یوحنا موکاشیفَه 3:13

اَ کن گوش دارِ درَسه کن خدا روح کلیسا اون چِه باتیَه.

یوحنا موکاشیفَه 3:16

ولی اِمی خونه کن نِه سَرینیشَه و نِه تَت، بَلکَم ولَرمیش، ایله توو شیوار بَتِه اِشتَن گَویکا فِر آمَدا.

یوحنا موکاشیفَه 3:22

اَ کن گوش دارِ درَسه کن خدا روح کلیسا اون چِه باتیَه.»