رَسولون اَعمال 1:13 - کتاب مقدس به زبان تالشي - گویش مرکزی

¹³ وَقتی شَهراورشَلیمیرا آرَستین، بالا خونَه ایرا شین کن چَوون مَندَ جِگا بَه. اَیِنی کن اَ جِگاکا مند بین اِمِن بینَه: پِطروس و یوحنا، یعقوب و آندریاس، فیلیپُس و توما، بَرتولما و مَتّی، حَلفی زوعَه یَعقوب و وطن پرَستَه شَمعون و یعقوبی خِردَن، یَهودا.

کتاب مقدس به زبان تالشی شمالی

¹³ وختی آرَستینَه اورشلیم، شینَه ایلَه بالاخونه ای را که چَوون اِقامتگاه بَه. کسونی که اوآکا بینَه اِمِن بینَه: پطرس و یوحنا، یعقوب و آندریاس، فیلیپُس و توما، بَرتولْما و مَتّی، یعقوب حَلْفای زوعَه و شمعون وطن پَرست و یهودا، یعقوبی زوعَه.

رَسولون اَعمال 1:13 Iomraidhean Croise

مَتّی 9:9

وَقتی عیسی اَجگا کا کایبَه شِه، مردی کن چَی نوم مَتّی بَه و خراج ویگَتِه جگا دَکَکا نِشت بَه ویندِشَه. عیسی مَتَّاش واتَه: «چمن دوملَه بِه!» متّی راست آبَه وچَی دوملَه رَونَه بَه.

مَرقُس 14:15

اَ یالَه بالاخونه ایی کن جیکَردَشونه و آمادَ یَه بَشِمَه آمونِه. اَجِگاکا پِسَخَه عیدی سوری اَمَرا آمادَ بکَرَ.»

مَرقُس 14:33

عیسی پِطروس و یَعقوب و یوحَناش اِشتَنَه بَردِشَه. عیسی بَرک بیقراربَه و تَتَه وَسَّه کا دَگِنِستَه بَه

مَرقُس 2:14

هَنگومی کن عیسی کایبَه اَ جِگاکا دَیوَردِ، حَلْفای زوعَه لاویش ویندَ کن خراج ویگَتِه جِگا دَکَّه کا نشت بَه. بَی واتِش: «چمن دوملَه بِه.» اَ راست آبَه وعیسی دوملَه رَونَه بَه.

مَرقُس 5:37

و ایجازَ آنِداشَه جُز پِطروس و یعقوب و یعقوبی برا یوحنی، دییَرَ کَسی چَی دوملَه بِشو.

مَرقُس 9:2

شَش روجی به دوملَه، عیسی پِطروس و یعقوب و یوحنا پِگَتِشَه و اَیِنِش اِشتَنَّ بَرزَ کو ایی سَر بَردِش تا اَ جِگاکا تنخا ببون. اَجِگاکا، چَوون چَمی نَکا، عیسی نمود عَوَض آبَه.

انجیل لوقا 22:12

اَ یالَه بالاخونه ایی کن جیکَردَشونه بَشِمَه آمونِه. اَجِگاکا پِسَخَه عیدی سوری آمادَ آکَرَ.»

یوحنا 11:16

پس توما، کن اَی دوقولو خِلِه اَکَرین، دییَرَشاگردِنِش واتَه: «بِرَاَمه نی بِشَم تا اَینه بِمرَم.»

یوحنا 14:22

یَهودا اسخریوطی نِه اَیلَه یهودا عیساش واتَه: «آقا، چِنتَرَ یَه کن تِه بَشتن چمَرا اَیر آشَکَرد، ولی بَشتن اِم دِنیا آدَمونرا اَیر آنیشَکَرد؟»

یوحنا 18:17

اَموقه اَ جوانَه کَنیز کن دربان بَه، پطروسیکا دَپرسستَه: «ته کن عیسی شاگردونکا نیشَه، هِستیش؟» پِطروس جواب داشه: «نِه نیمَه.»

یوحنا 21:2

ایی روج شَمعون پِطروس، و تومای کن بَی دوقلو نی خِلِه اَکَرین و نَتَنائیل کن قانای جلیلی آدَمونکا اَ، و زبدی زوعَه اِن و عیسی دِ گله دیَیرَ شاگردونکا، یِندِنه دَرِ بینَه.

رَسولون اَعمال 12:17

پِطروس اِشتَن بالی ایشا نَه، اَوون ساکیت آکَردِش و چَوونرا جیگیر کَردِشَه کن چَنتَه خداوند بَی زیندانیکا اَراخِمونیَشَه و واتِش: «اِم ماجیرا یعقوب و دییَرَ برا اونرا خبر بدَرَ.» چَی به دوملَه اَوونَّه دییَرَجِگایی را شَه.

رَسولون اَعمال 15:13

وَقتی چَوون گَفِن تَمون آبَه، یَعقوب واتِشَه: «اَی برا اِن، بَمن گوش آدَرَ!

رَسولون اَعمال 2:14

اَموقه پِطروس اَ یانزَ نَفَرینَه پِبَه و اِشتَن سَسی چَوون طرف راست آکَردِشَه، واتِشَ:«اَی یَهودیِن و اَی کَسِنی کن اورشَلیمیکا بَمَندیرون، اِمی بِفَهمَه و اَ چیی ایی کن اَز باتیم دیقَتینَه گوش آکَرَ!

رَسولون اَعمال 2:38

پِطروس اَیِنِش واته: «توبَه بکَرَ و هَر کِرَم شِمَکا، عیسی مَسیح نومینَه شِمَه گِناخون بخشِستِه خونِه غسل تَعمید بیگِرَ وخِدا موقَدَسَه روح عطا بَگَتیرونَه.

رَسولون اَعمال 20:8

بالاخونَه ایکا کن جَم آبَه بیمون، وِرَ چِرا رِشون بَه.

رَسولون اَعمال 4:13

وَقتی اَیِن پِطروس و یوحنا شَهامتی ویندِشونَه و سَر آگِنینَه کن بیسواد و عادیَه آدَمین، حَیرون آبین و فَهمِستِشون کن عیسی نَه دَرِ بینَه.

رَسولون اَعمال 4:19

اَمّا پِطروس و یوحنا جوابِشون دوعَه: «شِمَه اِشتَن دیوون بکَرَ، کِرَم گِلَه خدا نَظَریکا دِرِستَه، شِمَکا ایطاعَت کَردِ یا خدا کا ایطاعَت کَردِ؟

اوّلین نامَه قورَنتیانیرا 15:7

دومله یعقوبیرا اَیر آبه و چَی به دومله رسولون گیردیرا،

نامه غلاطیَه کلیسارا 1:19

ولی دیَرَرسولونکا جُز خداوند عیسی برا، یَعقوب، دِ دیَرَ کَسی نِویندِم.

نامه غلاطیَه کلیسارا 2:9

پس یعقوب و کِیفا و یوحنا کلیسا سِتون بَه نَظَر آین، و اَ فیضی کن چمن نَصیب آبَه بَه ویندِشون، و بَمن و بَرنابا نَه دَست رَفاقَت آداشون تا اَمه غَیرِ یهودیون وَر بِشَم و اَیِن یَهودیون وَر.

یعقوبی نامَه 1:1

خدا و خداوند عیسی مسیحی وَزیَر، یعقوبی طَرَفیکا، دانزَ قامیرا کن دِنیا کا وِلاخ آبه اینَه. سلام!

یوحنا دوّمین نامَه 1:1

ایسبیَه ریشی طَرَفیکا، اینتخاب آبَه خَنِمی را و چَی خِردَنون را کن ’حقیقتی کا‘ اَوون رَی بَداشتیم- و نِه تاکَه اَز، بَسکَم گِردِ اَیِنی کن حَییقتی آزنِستَشونَه-

یهودا نامه 1:1

یهودا طَرفیکا کن عیسی مسیح وَزییَر و یعقوبی برا اَ، اَیِنیرا کن صَلاشون ژَیَه و خدای دَدَ دلَکا خاجَتی اینَه، و عیسی مسیح خونِه اَیِنِشون غَم هَردَیه: