دِوُّمین نامَه تیموتائوسیرا 3:12 - کتاب مقدس به زبان تالشي - گویش مرکزی

¹² واقییَن گِردِ اَیِنی کن بِپیان مسیح عیساکا دیندارینَه زندَگی بِکَن، عذاب بَکَشتین؛

کتاب مقدس به زبان تالشی شمالی

¹² راس راسی، کَسونی که پیستِشونَه مسیحْ عیسی کا دینداری نَه زِندگی بِکَرِن، عذاب کَشِن؛

دِوُّمین نامَه تیموتائوسیرا 3:12 Iomraidhean Croise

مَتّی 16:24

چَی بَه دوملَه عیسی اِشتَن شاگردون طَرَف آگاردِستَه و واتش: «اَگَم کَسی بخا بَمنکا پیروی بکَرِ، پی بَشتنکا بِگذِرِ و اِشتَن عَذاب و مرگی صلیبی پِگِرِ وچمن دوملَه با.

مَتّی 23:34

چیرا کن اَز پَیغَمبرون و حکیمِن و اَفَندیِن شمَه وَر رَونَه آمَکرد و شمَه بعضیون بَکشتینَه و صلیبی سَر بَبردیرون و بَعضیون موقدسَه عیبادَتگا اونکا شَلاغ بَژَرونَه و شهر به شهر تعقیب بَکَرون.

مَرقُس 10:30

و اِم دنیاکا صَد بَرابر ویشتَر کَه اِن و برا اِن و خالا اِن و نَنَه اِن و خِردَنِن و اَملاک و اَینَّه، اَیذَت و آزارِن بِدَست مَوَرِ و اَ دنیاکا نی زَیرونَه زندَگی چَی نَصیب مَبو.

یوحنا 16:2

عیبادَتگا اونکا شِمَه ایخراج بکَنَه و حتی زمانی آرَرَست کن هر کم شمَه بکشِه، فکر بکَیَه کن خدا خیدمت کردشَه.

یوحنا 16:33

اِمون شمرا واتمَه تا چمن دلَکا صلح و سلامتی بدارَ. دِنیا دِلَکا شِمَرا ایذَت و آزاربَبیَه؛ ولی دلْی زبق غَم بَرَ، اِمی خونه کن اَز دنیاسَردِرِ پیروز آبَه ایمَه.»

یوحنا 17:14

اَزاِشتِه کلامی اَوون آدامَه. دِنیا اَوونکا نیفرت داریَه، اِمی خونه کن اَیِن دِنیا شن نِبینَه، هَتَه کن اَز دِنیا شن نیمَه.

رَسولون اَعمال 14:22

اَ شَهرونکا شاگِردون جانی زبق آداشون و اَوون آمبَست مَندِ ایمانیکا تَشویق کَردِشونَه و نَصیحتِشون کردَ کن: «پی خدا پادیشاهی دِلَه دَشِه را برکَه سختیون تاو بوعَرَم.»

اوّلین نامَه قورَنتیانیرا 15:19

اَگَم تاکَه اَمه اِم زندَگیکا بَه مسیح امیدِمون هِستَه، اَمه دییرَ آدَمون گِردیکا بدبختَریمون.

دوومین نامه قرنتیانیرا 1:12

اِمی خونه کن چَمَه ایفتخار کردِ، چَمَه ووژدانی خونه اَ کن شاهیدی دَرِ، اِم دِنیا دلَکا صیداقَت و راستینَه، کن خدا کارَ رفتار کردِمون، نِه اینسانی حیکمتینَه، بَسکم خدا فِیضینَه رفتار کردِمون، بَخِصوص شِمنَه.

دوومین نامه قرنتیانیرا 4:9

اَیذت آزار بَبیمون، اَمّا اَمشون آهشتَه نیَه؛ اَمشون زَمینی سَردِرِ ویرَفندَشونه، ولی کم نِوَردمون.

اوّلین نامَه تیموتائوسیرا 2:2

حاکیمونرا و صاحیب منصَبونرا، تا اَمه بشوعَم آرام و آسودَ زندَگیی ایی بدارَم کن کامیلَه دیندارینَه و وَقارینَه ببو.

اوّلین نامَه تیموتائوسیرا 3:16

واقییَن کن دینداری راز بَرک یالَه: اَ جندَکی دَلکا اَیر آبَه، خدا روح واسیطَنه تصدیق به، فرشتَه اِن اَشون ویندَ، قامونرا اییلام بَه، دِنیا دلَکا بَشون ایمان وردَ، و شکوه و جلاینَه، کَفاراشون بردَ.

اوّلین نامَه تیموتائوسیرا 6:3

اَگَم کَسی دییَرَ مودیل آموج بدَرِ و چَمَه خداوند عیسی مسیح دِرِستَه کَلامینه واَ آموجینَه کن دینداری راه نَه ضِد ببو،

نامَه تیتوسیرا 1:1

پولوسی طَرَفیکا، کن خدا وَزییَر و عیسی مسیح رسولَه، کن تَیین آبَه ایمَه تا خدا اینتخاب کردَ آدَمون ایمانی زبق بدَرِم و اَ حَییقتی کن دیندارینَه مطابقَه، بواجم،

نامَه تیتوسیرا 2:12

و اَمه آموج دَرِ کن بی دینی و دِنیا هوا هَوَسون آهَرزَم، اِشتَن نفسی نَاری بیگِرَم و صالِح بِه و دیندارینَه اِم زَمونَکا زندَگی بکَرم،

پطروسی اوّلین نامَه 3:14

ولی حتی اَگَم صالح بِه را عذاب بوینه، بَرَکت بگَتیرون. «اَ چیی ایکا کن اَیِن بَتَرسِستین، شمه مترسَه و تَفشیش دَنِگنَه.»

پطروسی دومین نامه 3:11

اَ جگا ایکا کن گردِ اِم چیی اِن هنترکه کاینه نیفیت آبِه، شمَه پی چنتر آدَمِنی ببَه؟ شمه پی ایله دیندار و موقدسه زندَگی بدارَ،

یوحنا موکاشیفَه 12:4

چَی دووم آستامونی یَک سوومی اِسترَ اون گِزِ ژِشه و زَمینی سَردِرِ ویکَردِش. اَژدِخا اَ ژِنی کن کایبَه زَندِ ناریکا مندَ، تا چَی خرِدَنی دِنیا آمِه بَه دوملَه، اَی ویبَرِ.

یوحنا موکاشیفَه 7:14

جَوابِم دوعَه: «چمن سرور، اِمی تِه بَموستیشَه.» و اَ واتش: «اِمِن ههَ کَسِنی هِستینَه کن یالَه عَذابیکا بَروشتین و اِشتَن رَدا اون وَرَ خونی دلَکا شوشتَشونه و ایسبی آکَردَشون.