دِوُّمین نامَه تیموتائوسیرا 1:9 - کتاب مقدس به زبان تالشي - گویش مرکزی

⁹ خدای کن اَمَش نیجات دوعَیه و موقدسَه زِندَگیرا خِله کردَشه. اِم چَمَه کارون خونه نییَه، بَسکم چَی اِشتَن فیضی و هَدَفی خونه اَ، کن مسیح عیسی دلَکا، دِنیا اَوَّلنَکا، اَمَش آدوعَیَه،

کتاب مقدس به زبان تالشی شمالی

⁹ خِدایی که اَمَه نجات دوشَه و ایلَه مقدّسَ زندگی را دَخوندِشه. اِمی نِه چَمَه کارون واسی، بَلکم اِشتَنِش فیض و هدفی واسی، که مسیح عیسی کا دنیا صِفته نَه، آدوشَه اَمَه،

دِوُّمین نامَه تیموتائوسیرا 1:9 Iomraidhean Croise

مَتّی 1:21

اَ ایلَه زوعَه بَزَندیَه و ته چَی نومی عیسی آشَنا، اِمی خاطیرکن اَ اِشتَن قامی، چَوون گناخونکا نیجات داشَه.»

انجیل لوقا 10:21

هَه موقه، خِداموقدَسَه روح عیساش خَش آکَردَ و عیسی واتِشَ: «دَدَ، آستامون و زَمینی صاحیب، بَته شِکر بکَم کن اِم چییون اَلمندون و اَفَهمونکا نون آکَردَرَ و اَیِنیرا کن خِردَنون شیوارین دیار آکَردِر. ها، دَدَ اِمی خونه کن اِشتِه پور لُطفَه ایرادَ اِنتَرَ بَه.

یوحنا 17:24

اَی دَدَ، بَپیمه اَیِنی کن تِه بَمن بَخشستَرَ بَمنَه ببون، هَه جگاایکا کن اَز هِستیم، تا چمن جلالی دَیَسن جلالی کن تِه بَمن دوعَرَ، اِمی خونِه کن تِه دِنیا شروو بِه بَه نَ، بَمن رَی داریشَه.

یوحنا 17:9

اَز اَوونرا دوا بَکَم، اَز دِنیارا دوا نِمَکرد، بَسکَم اَیِنی را کن ته بَمن دوعَرَ دوا بَکَم، اِمی خونه کن اَیِن اِشتِه شنینَه.

یوحنا 6:37

گِردِ اَیِنی کن ددَ بَمن دَرِ، چمن وَر بومَنَه؛ و اَکَن چمن وَربا، اَز هرگز اَی رَد نِمَکرد.

رَسولون اَعمال 15:18

اِم چیی اِنِش گِذَشَتَکا دیار آکَردَشه.“

رَسولون اَعمال 2:47

و خدا ستایش اَکَرین. گِردِ آدَمِن اَوون ایحترام اَنَرینه؛ و خداوند هَمَه روج اَیِنی کن نجات پَیدا اَکَرینَه چَوون جَمعیکا ایضاف آکَریَه.

رومی کلیسارا نامه 11:14

اِم اُمیدینَه کن، اِشتَن هَم نیژادون غَیرَتی سَر بوعَم و بَعضی اَوونکا نیجات بدَرِم.

رومی کلیسارا نامه 11:29

اِمی خونه کن خدا هرگز اِشتَن خَلا اِن و صَلا ژِ، پس وینیَه گَت.

رومی کلیسارا نامه 16:25

ایسَه اَ کن بَشایَه چمن اِنجیل و عیسای مسیح موعِیظَه واتَنَه، بَشِمَه آمبَست آکَرِ، یعنی هنتَه ایلَه نونَکه رازی کن دیار آبَه، کن خَیلی وقت بَه نون بَه.

رومی کلیسارا نامه 3:20

اِمی خونه کن هیچ اینسانی نیَه کن شَریعَتی اَعمالی اَنجوم دوعِه خونه، خدا چَمیکا صالح بَحیساب با، اِمی خونه کن شَریعَت، گَناخی اَوون آمونِه.

رومی کلیسارا نامه 9:11

هر چَنَه، چَوون دِنیا آمِه بَه نَ و یا اِمکن چاک یا بَدَ کاری بِکَرِن، اِمی خاطِر کن خدا هدف اِشتَن اینتخابیکا آمبَست بومونِه، نِه کار اَنجوم دوعِه نَه، بَسکم چَی واسیطنَه کن صَلا بَژَیَه-

رومی کلیسارا نامه 9:24

حتی اَمه نی کن چَی طَرَفیکا خِلِه بَه ایمونَه، شامل بَبی، نِه تاکَه یَهودیونکا، بَلکَم غَیرِ یَهودیونکا نی هتَیَه.

اوّلین نامَه قورَنتیانیرا 1:18

اِمی خاطر کن صلیبی پَیغوم اَیِنیرا کن نیفله بَبین نادونیَه، ولی اَمرا کن خدا نیجاتی راه دلَکامون، خدا خِنَرَ.

نامَه اَفسوسی کلیسارا 1:11

اَمه نی چَی دلَکا واریثِن آمونَب، اِمی خونه کن چَی خواستنَه کن هَمه چییون اِشتَن ایرادَ واتنَه اَنجوم دَرِ، ناردَکَر تَیین آبَه بیمون.

نامَه اَفسوسی کلیسارا 1:9

اَ اِشتَن ایرادَ رازی اَمَش آمونِسته. اِشتَن خواستَه واتَنه کن مسیح کا دیار آکَردِش.

نامَه اَفسوسی کلیسارا 2:5

حتی وقتی کن اِشتَن خطا اونکا مردَ بیمون، اَمَش مسیح نَه زندَ آکردِش، شمَه فیضی راه نَه نیجات گَتَرون؛

نامَه اَفسوسی کلیسارا 3:11

اِم هدفی بَه کن ههَ شِروو کا خدا داری، کن خدا اَی چَمَه خداوند مسیح عیسا کا اَنجوم داشَه.

نامَه فیلیپی کلیسا را 3:14

هدفی آرَستِه را تَقلا بَکَم، تا جاییزَ ایی بَدَست بوعَم کن، خدا چَی خونِه بَمن مَسیح عیسی دِلَکا کَفا را خِلِه کَردَشَه.

اوّلین نامَه تَسالونیکی کلیسا را 4:7

اِمی خونه کن خدا اَمَش نِه تاکَه پاجا بِه را، بَسکم موقدَّس بِه را خِله کردشَه.

اوّلین نامَه تیموتائوسیرا 1:1

پولوسی طَرَفیکا کن چَمَه نیجات اَدَر و خدا حِکمینَه و چَمَه اومید مسیح عیسی، مسیح عیسی رَسولَه؛

دِوُّمین نامَه تیموتائوسیرا 1:1

پولوسی طَرَفیکا، کن خدا خواستَنه و اَ زندَگی وَعَدَ واتَنه کن مسیح عیسی کارَ، مسیح عیسی رسولَه،

نامَه تیتوسیرا 1:2

اِم حَییقت زَیرونه زندَگی اومیدینه یَه کن خدایی کن هرگز دِرو نیَدا، اَولیکا اَش اَمه وَعدَ دوعَیه

نامَه، عِبرانیه نَتاجَه مسیحیونرا 3:1

پس اَی موقدسَه برا اِن، اَی شمَه کن آستامونییَه صَلا کا شریکیرون، شمه چَم عیسی کا ببو کن رسول و یالَه کاهینَه، کن چَی سَردِرِ ایمان بداشتیمون و اییتراف بکَمون.

پطروسی اوّلین نامَه 1:20

اَ کن دِنیا خَلق بِه، بَه نَه تَیین آبَه بَه، ولی اِم آخیرَ زمانونکا شِمَرا اَیر آبه.

پطروسی اوّلین نامَه 2:9

ولی شمَه اینتخاب بَه اودوم و کاهینِنی هِستیرون کن شاهانَه کَهانَت بَکرون. شمه موقدَسه میلَّت و مردومی هِستیرون کن خدا مِلکیرون، تا چَی چاکه صِفتون اییلام بکَرَ، کن بَشِمَه ظِلَماتیکا اِشتَن عجیبَه نوری طَرَف خِلِه کردشَه.

یوحنا موکاشیفَه 13:8

زَمینی سَر اَمونِن گِرد، اَ اَشیا پرستش اَکَرینَه، یعنی گِردِ اَیِنی کن چَوون نوم زندَگی دفتَریکا، کن اَ وَرَ کن دِنیا خلق بِه اَوَلیکا قربونیی آبَه بَه شِنَه، آمَه نییَه.

یوحنا موکاشیفَه 17:8

اَ اَشیا ویندِر کن مَند بَه، ایسَه دِ نییَه، خَیلی زوو هاویه چالیکا بِرِن آ و نیفلَه آبِرا بَشی. زَمینی سَردِرِ اَمونونکا، اَیِنی کن دِنیا خلق بِه بَه دوملَه چَوون نومی زندَگی دفتَریکاشون نوشتَه نییَه، اَ اَشیا ویندِکا حَیرون آنَّب، اِمی خونه کن اَ مَند بَه، ایسَه دِ نییَه، و بومَیَه.