دِوُّمین نامَه تیموتائوسیرا 1:10 - کتاب مقدس به زبان تالشي - گویش مرکزی

¹⁰ ولی ایسَه چَمَه نیجات اَدَر مسیح عیسی اَیر آبِه نَه، اِم فیض دیار آبَیه. هَهَ مسیح عیسی کن مَردِ نیفیت آکَردِش و اِنجیلی واسیطَنه زَیرونَه زندَگی دیار آکَردِشَه،

کتاب مقدس به زبان تالشی شمالی

¹⁰ ولی حِسَه اِم فیض چَمَه نجات‌ دهندۀ، مسیحْ عیسی اومِه نَه آشکار آبَه. هَ مسیحْ عیسی که مرگی از بِین بَردِشه و اَبَدی یَه زندگی اِنجیلی واسطه نَه گِردی را آشکار آکَردِشه،

دِوُّمین نامَه تیموتائوسیرا 1:10 Iomraidhean Croise

انجیل لوقا 11:36

پس اَگَم گردِ اِشتِه جَندَک نورینَه پَتلَمَه ببو و هیچ جِگایی اَیکا تاریک مَبو، اَموقه هِنتَه زمانی کن چِرا نور بَتِه دتاوِیستیَه، کامیلا رِشونیکا بَبیشَه.»

انجیل لوقا 13:7

اِشتَن باغَه وونی واتِش: ”دَیَس ایسَه سه سالَه کن اَز اِم جِگارا بومَمَه و اِم اِنجیلَه داری سَردِرِ میوَ دوملَه بَگَردِستیم، ولی چیی پَیدا نِمَکَرد. اِمی دبیر، چیرا دَدار خاکی هیچ آکَرِ.“

انجیل لوقا 2:11

اِمی خونه کن اومروج داوودِ پادیشا شهریکا، نیجات اَدَری شِمَرا دِنیا آمَه یَه. اَ، وَعَدَ آدوعَه مسیح و خِداوَندَ.»

یوحنا 1:9

اَ حقیقیَه نور، کن هر آدَمی نور دَرِ، کایبَه دِنیا دِلَرا آمَه.

یوحنا 14:6

عیسی بَی واتِشَه: «اَز راه و حَییقت و زندَگی هِستیمَه. هیچ‌کَسی غَیراَز چمن واسیطۀ نَه دَدَ وَر نیام.

یوحنا 20:31

اَمّا اِمن نِوشتَه آبَه اینَه تا ایمان بوعَر کن عیسی هَه وَعدَ آدوعَه مسیح، خدا زوعَه یَه، و تا اِم ایمانی واسیطَنَه، چَی نومی دلَکا زندَگی بدارَ.

یوحنا 4:42

اَیِن اَ ژِنی واتِشون: «دِ تاکَه اِشتِه گَفون خونِه ایمان نِوَرَم، اِمی خونه کن اَمه اِشتَن چَی گَفون دَرستَمونهَ و بَموستیمون کن اِم مِرد واقییَن دِنیا نیجات دَرِ.»

یوحنا 5:40

ولی هَنوزنی نَپیستِرونَه چمن وَر بِرَ تا زَیرونَه زندَگی بِدارَ.

رَسولون اَعمال 13:23

«هِم مِردی اودومیکا، خدا اِشتَن وَعدَ واتَنَه، ایلَه نیجات اَدَر، یَعنی عیساش، یهودی قامیراعَندِشَه.

رَسولون اَعمال 5:31

و خدا اَش اِشتَن راستَه بالی وَریرا کَفا بَردِش، و بَی رهبر و نیجات اَدَر آکَردِشَه و یهودی آدَمون توبَه کردِرا و چَوون گِناخون بَخشِستِرا فِرصَت داشَه.

رومی کلیسارا نامه 16:26

اَمّا ایسَه پَیغَمبَرون نِوِشتَه اون واتَنَه، و زَیرونَه خدا حِکمینَه، گِردِ قامونرا دیار آبَه تا اَیِن ایمان بوَعن و ایطاعَت بِکَن،

رومی کلیسارا نامه 2:7

خدا، زَیرونَه زندَگی اَیِنی آرَدا کن، چاکَه کارون اَنجوم دوعه کا صَبرینَه، شکوه و جلال و حورمت و زَیرونَه زندَگی دوملَه این؛

رومی کلیسارا نامه 3:31

پس مَگَم اَمه اِم ایمان داشتِه نَه، شریعتی نیفیت بَکَمون؟ اَلبَت کن نِه! بَلکَم اَمه شریعَتی آمبَست بَکَمون.

رومی کلیسارا نامه 6:6

اِمی خونه کن بَموستیمونَه اَ قَدیمَه اینسان کن اَمه بیمون، بَینَه مصلوب آبیمون تا جَندکی گناخ نیفیت آبو و دِ گناخی وَزییَر مَبَم.

اوّلین نامَه قورَنتیانیرا 15:26

آخِرین غَنیم کن پی نیفیت آبو، مرگَه.

اوّلین نامَه قورَنتیانیرا 4:5

پس هیچ چیی خونه، چَی وقتی بَه نَه قیضاوت مَکَرَ، تا اِمکن خداوند با. اَ خداوندی کن اَچیی ایی کن ایسَه ظلَماتیکا جیخِتَه یَه، رِشونیکا اَیر آرَکَرد و دِلی نیَّتون دیار آرَکَرد. اَموقه هر کَمی اِشتَن تَرییفی، خِداکا ویرَگَت.

دوومین نامه قرنتیانیرا 5:4

اِمی خونه کن تا زمانی کن اِم اَوالَکا هِستیمون چَتینَه بارینَه آه بکَشتیمون، اِمی خاطر نییَه کن لوت آمونَب، بَسکَم ویشتَر دَپوشامونیَه آمونَب، تا زندَگی اَ چیی ایی کن فانیَه ویبَرِ.

نامه غلاطیَه کلیسارا 5:4

شِمَه مسیح کا تاک آبَه ایرون، شمَه کن بَپیرون شریعَتی واسیطنَه صالح بَحیساب بِرَ، شمَه فِیضیکا رَت آبَه ایرون.

نامَه اَفسوسی کلیسارا 1:18

تا شمه دلون چَم رِشون آبون، تا اومیدیرا کن خدا بَشِمَه چَی خونه خِلَه کردشَه، آزنَه و خدا اَ بی حد و حیساب و پور جلالَه میراثی موقدسون دلَکا سَر آگنَه،

نامَه اَفسوسی کلیسارا 1:9

اَ اِشتَن ایرادَ رازی اَمَش آمونِسته. اِشتَن خواستَه واتَنه کن مسیح کا دیار آکَردِش.

دوّمین نامَه تَسالونیکی کلیسا را 2:8

اَموقه اَ بی دینَه مِرد اَیر آرَب، کن خداوند عیسی اِشتَن نَفَسی دَمینَه بَی نیفله آرَکَرد و اِشتَن پور شوکوهه آمِه نَه بَی نیفیت آرَکَرد.

دِوُّمین نامَه تیموتائوسیرا 1:1

پولوسی طَرَفیکا، کن خدا خواستَنه و اَ زندَگی وَعَدَ واتَنه کن مسیح عیسی کارَ، مسیح عیسی رسولَه،

دِوُّمین نامَه تیموتائوسیرا 1:8

پس، چَمَه خداوندیرا شاهیدی دوعه خونه یا اَز کن چَی خونه زیندانیکام، عار مَزون، بَسکَم تِه نی اِنجیلی خونه خدا زِبقینَه عَذاب کَشتِه کا شریک بب.

دِوُّمین نامَه تیموتائوسیرا 4:1

اَز، خدا و مسیح عیسی نَه کا کن زندَاون و مردَاون سَردِرِ دیوون بکیَه، و چَی آمِه و چَی پادیشاهی خونه، بَتِه سیفارش بَکم کن،

دِوُّمین نامَه تیموتائوسیرا 4:8

ایسَه بَه دوملَه اَ صالِح بِه تاج مِرا آمادَیَه، تاجی کن خداوند، اَ عادیلَه داور، اَ روجیکا بَمن عطا بکَیه، نِه تاکَه بَمن، بَسکم بَه گِردِ اَیِنی کن چَی اَیر اَبِرا ایشتیاق دارینَه.

نامَه تیتوسیرا 2:11

اِمی خونه کن خدا فیض اَیر آبیَه، اَ فیضی کن آدَمون گِردی نیجات آرَدا،

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

نامَه تیتوسیرا 3:4

ولی وقتی چَمَه نیجات اَدَرَ خدا مِربانی، و چَی موحبت اینسانونرا دیار آبَه،

نامَه، عِبرانیه نَتاجَه مسیحیونرا 10:32

ولی اَ گذَشته روجون یاد آرَفنَه، اَ موقه کن تازَ نورانی آبَه بیرون؛ شمه ایلَه یالَه موبارزَکا عذابینَه تاوِرون وَردَ.

پطروسی دومین نامه 1:1

شمعون پطروسی طَرفیکا کن عیسی مسیح وَزییَر و رسوله، اَیِنیرا کن خدا عیدالَتی واسیطنَه و چَمه نیجات اَدَر عیسی مسیح خونِه، ایمانی، چَمَه ایمانی شیوار چَوون نصیب بَیَه:

پطروسی دومین نامه 1:11

و اِنترَکه بَشِمَه کامیلا ایجازَ دَرِن، خداوند و چَمه نیجات اَدَر عیسی مسیح زَیرونه پادیشا ایکا دِلَه دَشَه.

پطروسی دومین نامه 1:3

هر چیی ایی کن چَمه زندَگیرا و دینداری را لازِمَه چَی ایلاهییَه خِنَر اَمَش بَخشستَه. چَی آزنِسته خونِه اَ کن اَمَش اِشتَن شکوه و جلال و چاکیرا صَلا ژَشه.

پطروسی دومین نامه 2:20

چون اَگَم اَینی کن، خداوند و چَمَه نیجات اَدَر عیسی مسیح آزنِستِه بَه دوملَه، دِنیا فیسادیکا رَخینَه، اَگَم هَنی اَیکا ویلاخِن و شکست برِن، چَوون آخیر چَوون اَوَّلنَکا بدتَر بَبی.

پطروسی دومین نامه 3:18

بَلکَم خداوندی و چَمه نیجات اَدَر عیسی مسیح فیض و آموستِه کا رشد بکرَ، کن چَیرا ایسَه کا تا اَبد شکوه و جلال ببو! آمین.

پطروسی دومین نامه 3:2

تا اَ کلامی کن موقدَسه پَیغمبَرن چیمی بَه نَه واتَشون بَه، و چَمه خداوند و چَمه نیجات اَدری حِکم کن رسولون واسیطنه شِمَشون دوعَیَه، یاد آرَفنَه.

یوحنا اوّلین نامَه 1:2

زندَگی اَیر آبه؛ و اَمه اَی ویندَمونَه و چَیرا شاهیدی آمونَدا. اَمه زَیرونَه زندَگی شمَرا اییلام بَکَمون، هه زَیرونه زندَگیی ایی کن دَدَ نَه دَرِ بَه و چَمَرا اَیر آبَه.

یوحنا اوّلین نامَه 4:14

و اَمه ویندَمونَه و شاهیدی دَرَم کن دَدَ، اِشتَن زوعَه عَندَشَه تا دِنیا نیجات اَدَر ببو.

یوحنا موکاشیفَه 18:1

چَی بَه دوملَه، دییَرَ فرشتَه ایی ویندِمه کن کایبَه آستامونیکا ویرمِه. و اَ، برکَه یالَه زاکینی داری و زمین چَی شِکوه جَلالی خونه نورانی آبَه.

یوحنا موکاشیفَه 2:7

«اَ کن گوش دارِ درَسِه کن خدا روح، کلیسا اون چه باتیَه. هر کَم پیروز آبو، اِمی بَی بَبَخشِستیمه تا زندَگی، داری میوَکا کن خدا بهشتی دلَکارَ بَرِ.

یوحنا موکاشیفَه 20:14

و چَی به دوملَه مرگ و مردَاون دِنیاشون آرا گته دَیراچَه دلَکا ویرَفندِشون. آرا گته دَیراچَه، اِم دِوومین مرگَه.

یوحنا موکاشیفَه 22:14

خَشی اَیِنی حالیرا کن اِشتَن رَدا بَشوشتین تا اِم حقّی بدارن کن زندَگی داریکا بَرِن و بشان شهری دروازَاونکا شهری دِلَه دَشِه.

یوحنا موکاشیفَه 22:17

خدا روح و وَیو باتینَه: «بِه!» هَر کمی کن اَی دَرَرَست بواجِه: «بِه!» هَر کمی کن تشیشَه با؛ و هر کَمی کن بَپیشَه، زندَگی آویکا بی امکن چیی ایی بدَرِ ویگِرِ.