دوّمین نامَه تَسالونیکی کلیسا را 3:14 - کتاب مقدس به زبان تالشي - گویش مرکزی

¹⁴ اَگَم کَسی اَ چیی اییکا کن اَمه اِم نامَکا باتیمون ایطاعَت نکَرِ، اَی نِشون بکرَ و بَینه شِه آمِه مکَرَ تا شرمندَ آبو.

کتاب مقدس به زبان تالشی شمالی

¹⁴ اَگم ایی نفر اَ چیی کا که اَمَه اِم نامه کا بَواتیمون اِطاعت مَکَرِه، اَئی نیشون بِکَرَه و اَیی نَه رفت و آمَد مَکَرَه تا خجالت بِکَشِه.

دوّمین نامَه تَسالونیکی کلیسا را 3:14 Iomraidhean Croise

مَتّی 18:17

اَگَم نَپیشبه چَوون گَفی نی گوش آدَرِ کلیسا بواج؛ و اَگَم کلیساش نی قبول نِکردَ، اَموقه بَی اَجنبی یا خَراج ویگر خِلِه بکَ.

رومی کلیسارا نامه 16:17

برا اِن، بَپیمَه شِمَکا خاشتو خاز بِکَرِم، اَیِنی کا کن جِدایی دَنَّفَند هواسِرون ببو، شِمَه راه دِلَکا مانِع بَنان و آموجینَه کن شِمَه گَتَرونَه مُخالیفَت بَکَنَه، اَوونکا رَت آبَه،

اوّلین نامَه قورَنتیانیرا 4:14

اِمی شِمَه شَرمندَ کَردِ خونه نِمَنوشت، بَسکم اِمی خونه کن بَشِمَه هنته، چمن خاجَتییَه خِردَنون شیوار نصیحَت بکَم، بَنوشتیم.

اوّلین نامَه قورَنتیانیرا 5:11

اَمّا ایسَه شِمَرا بَنوشتیم کَسینَه کن بَشتَن، برا باتی، ولی بی عیفَت، یا طمع کار یا بوت پَرَست یا زَبون اَدَر و یا عَرَخه هَرَ، یا آوشَرَ، شِه آمِه نِکَرَ و اِنتَرَ آدَمینَه حتی هَم سِفرَ آمَبَه.

اوّلین نامَه قورَنتیانیرا 5:9

اِشتَن قَبَلنَه نامَکا، شَمرا نوشتم کن بی عیفَتونَّه شِه آمِه نِکَرَ.

دوومین نامه قرنتیانیرا 10:6

اَموقه کن کامیل مسیح کا فِرمون بَبرون، اَمه آمادَ ایمون تا هر نافِرمونی ایی تِنبِه بکَرَم.

دوومین نامه قرنتیانیرا 2:9

اَز اِمی خاطِر شِمَرا نوِشتمه کن بَشمَه وَرداورد بکَم تا دَیَسم کن هر دستوریکا فرمون بَبَرون یا نِه؟

دوومین نامه قرنتیانیرا 7:15

هر کرَ کن تیتوس شمَه ایطاعَتی یاد اَوَریَه و اِمکن چنتَه شمَه ترسو لرزینه اَی قبول کَردِرون، چَی دل دَبَستِه بَه شمه ویشتَر بَبی.

نامَه فیلیپی کلیسا را 2:12

پس اَی خاجَتیِن، هَتَه کن اوزون فِرمون بیرون، ایسَه نِه تاکَه چمن مَندَ جِگاکا کا بَلکَم پی خَیلی ویشتَر چمن مَند نِبِه کا، اِشتَن نیجات گَتِرا تَرسو لَرزینَه اَنجوم بدَرَ؛

نامَه کُولُسی کلیسا را 4:16

شمَه اِم نامَه خندِ بَه دوملَه، کاری بکَرَ کن اِم نامَه لاائودیکیَه کلیسا کا نی خندِ ببو؛ شمَه نی چمن نامَه، کن لائودیکیَه را نوشتم بوخونَه.

اوّلین نامَه تَسالونیکی کلیسا را 4:8

پس، هر کَم اِمی رَد بکَرِ، نِه کن اینسان، بَسکم خدایی کن روح القودوسی بَشِمَه آرَدا، رَد آکردشَه.

دوّمین نامَه تَسالونیکی کلیسا را 3:6

اَی برا اِن، چَمَه خداوند عیسی مسیح نومینَه بشِمه حِکم بَکمون، کن هر برا ایی کن تنبلی بَکَی و اَ چیی ایی کن اَمَکا ویگَتَرون بَه واتَنه رفتار نینَّکرد رَت آبَه.

نامَه تیتوسیرا 2:8

و اِشتِه گفِن اَنه دِرست ببو کن کَسی مشا عَیبی چَی سَر پِنَرِ، تا وقتی کن زِرَبَرا اِن مَشان اَمکا بدی ویندِ، شرمندَ آبون.

نامَه تیتوسیرا 3:10

اَ کن جدایی دَرَفند ایی کَرَ، و چَی به دوملَه دِوومین کرَ را هوشدار بدَ، و چَی بَه دوملَه بَینه دِ شِه آمِه مکه.

نامَه فیلیمونیرا 1:21

اِمی خونه اِمی بنوِشتیمه کن اِشتِه فرمون بَردِکا ایطمینان بَداشتیم و بَموستیمَه کن حتی چمن واتَه گَفیکا نی ویشتَر، اَنجوم آشَدا.

نامَه، عِبرانیه نَتاجَه مسیحیونرا 13:17

اِشتَن رهبرونکا ایطاعت بکرَ و چَوون فرمون ببَه؛ اِمی خونه کن اَیِن شمَه جانیکا موحافیظَت بَکَن و پی حیساب پس آدَرِن. پس برزَ خَشینَه اِشتَن کاری اَنجوم بدَرِن نِه آه و نالِستِنه، اِمی خونه کن اِم شمَه نفع نییَبن.

یوحنا دوّمین نامَه 1:10

اَگَم کَسی شِمَه وَر با و اِم آموجی نِوَرِ، بَی اِشتَن کَکا را نِدَرَ و بَی خَش آمَش نِواجَه؛