دوّمین نامَه تَسالونیکی کلیسا را 3:1 - کتاب مقدس به زبان تالشي - گویش مرکزی

¹ اَی برا اِن آخِریکا، چَمَرا دِوا بکَرَ تا خداوندی کلام تِند نار بشو و چَی ایحترام غَم هردِ ببو، هته کن شمَه دلَکا انترَ بَه،

کتاب مقدس به زبان تالشی شمالی

¹ آخِرسَر، اِی بِرااِن، اَمَه را دعا بِکَرَه تا خِداوندی کلام تُند پیش بِشو و چَیی اِحترامی غَم بَرَه، هَتَه که شِمَه دیلَه کا هِنتَه بَه،

دوّمین نامَه تَسالونیکی کلیسا را 3:1 Iomraidhean Croise

مَتّی 9:38

پس، اَکینی صاحیبیکا خاشتو خازینَه دَرخواست بکَرَ کن اِشتَن اَکینی دورنوستِه خونه کاریگر بَینِه.»

انجیل لوقا 10:2

اَیِنِش واتَه: «اَکین وِرَ، ولی کاریگر کمه. پس، اَکینی صاحیبیکا خاشتو خازینَه دَرخواست بکَرَ کن اِشتَن اَکینی دورنوستِه خونه کاریگر بَینِه.

رَسولون اَعمال 12:24

ولی خدا کَلام ویشتَر نَ را اَشیَه و پَخش آرَبیَه.

رَسولون اَعمال 19:20

اِنتَرَکِه، خداوندی کَلام هَمَه جِگاکا وِلاخ آرَبی و زِبق اَگِری.

رَسولون اَعمال 6:7

پس خدا کَلام هَمه جِگاکا پخش آرَبیَه و شاگِردون تعداد اورشَلیمیکا خَیلی ویشتَر آبَه و یالَه کاولَه ایی یهودی کاهینونکا نی ایمان وردشون.

رومی کلیسارا نامه 15:30

اَی برا اِن، چَمَه خداوند عیسای مَسیح و موحبتی کن خدا موقدسَه روح دلَکارَ، خونه، بَشِمَکا خاشتو خازِمَه کن خدا دَرگاکا مِرا دِوا بکَرَ، و اِم کارینَه چمن خیدمتیکا شَریک بِبَه.

اوّلین نامَه قورَنتیانیرا 16:9

اِمی خونه کن یالَه بَرَنگایی خیدمت کردِ را مِرا آج آبَه یَه کن چاکَه بَرَ ایی بَداشتیَه، و غَنیمِن وِرین.

دوومین نامه قرنتیانیرا 1:11

شمَه نی پی اِشتَن دِوا اونکا اَمه کاریَری بدَرَ، و اَ برَکَتی خونه کن خَیلیون دِوا جَوابیکا، اَمَشون آدوعَیَه، خَیلیی اِن چَمَه خاطِر شکر بِکَن،

دوومین نامه قرنتیانیرا 13:11

اَی برا اِن آخِریکا خَش بِبَه؛ شمَه فکر اِم ببو کن هَنی زبق بیگِرَ؛ یَندِ آلاوِنَه، یَندِ نَه هم رَای ببَه، صلح و سلامتیکا زندَگی بکَرَ، و صلح و سلامتی خدا شمَنه بَمندیَه.

نامَه کُولُسی کلیسا را 4:3

و چَمَرا نی دِوا بکرَ، تا خدا کَلامیرا بَرَنگایی آکَرِ تا بشاعَم مَسیح رازی اییلام بکرَم، اَ رازی کن چَی خونه زیندانیکام.

اوّلین نامَه تَسالونیکی کلیسا را 1:5

اِمی خونه کن چَمَه اِنجیل تاکَه گَفینَه نِه، بَسکم زبقینَه و خدا موقدسَه روح نَه و کامیله ایطمینانینَه بَشِمَه آرَستَه، هته کن چاک بموستیرون شمه خونه چنترَ شمه دلَکا رفتار کردِمون.

اوّلین نامَه تَسالونیکی کلیسا را 1:8

اِمی خونه کن شمه واسیطَنه خداوندی کلام تاکَه مقدونیَه و اَخائیَه کا نَژَنینَه، بَسکم گِرد جگااونکا شمه ایمانیکا کن خدارا دارَ، گَه بَه گَه بَبی، اَنه کن دِ لازم نییَه اَمه چیی ایی بواجم.

اوّلین نامَه تَسالونیکی کلیسا را 2:1

اَی برا اِن، شمه اِشتَن بَموستیرون کن چَمه آمِه، شمَه وَر دَدار نِبَه،

اوّلین نامَه تَسالونیکی کلیسا را 2:13

اَمه یَژَن خدا شکر بَکمون اَموقه کن شمه خدا کلامی قِبولِرون کردَ، اَی اَمَکا درَستِرون، اَرون نِه هنته اینسانی گَفی شیوار، بَسکم هنته خدا کلامی شیوار قبول کردرون، هته کن حَییقتا هِستَه؛ کن شمَه ایماندارون دلَکا، کار بَکَی.

اوّلین نامَه تَسالونیکی کلیسا را 4:1

اَی برا اِن آخیر بَسَر، اَمه خداوند عیسی دلَکا، شِمکا خاشتو خازِمونَه، هَتَه کن چنتَه زندَگی کردِ و خدا راضی آکَردِ، امَکا بَشمَه آرَستَه، هته کن کاینَه اَنجوم دوعِه، اِم کاری ویشتَر و وِرتَر اَنجوم بدَرَ.

اوّلین نامَه تَسالونیکی کلیسا را 5:17

یَژَن دِوا بکَرَ؛

اوّلین نامَه تَسالونیکی کلیسا را 5:25

اَی برا اِن، چَمَرا دِوا بکَرَ.

دِوُّمین نامَه تیموتائوسیرا 2:9

چَی خاطِرَ کن موجریمون شیوار بَمن زِنجیلینه دَبستَشون و کام عذاب کَشتِه، ولی خدا کلام زِنجیلیکا نییَه.