پطروسی دومین نامه 3:7 - کتاب مقدس به زبان تالشي - گویش مرکزی

⁷ و هَه کلامینَه، آستامونن و زَمینی کن ایسَه کاینه ویندِ، آرا را ذخیرَ آبَه یه و تا دیوون کَردِ روجیرا و بی دینون نیفلَه آبِه را غَمِشون هردیَه.

کتاب مقدس به زبان تالشی شمالی

⁷ ولی هَ کلامی نَه، آسِمونون و زمینی که حِسَه بَویندیرون، آتشی را ذخیره بینَه و تا روز داوری، بی دینون هلاکت بییِه را غَم هَرده بَبی.

پطروسی دومین نامه 3:7 Iomraidhean Croise

مَتّی 10:15

حَییقتا بَشِمَه باتیمَه، دیوون کَردِ روجیکا، مجازاتی تَحمل کَردِ شَهرِسُدوم وغَمورَّه آدَمونرا راحت تر بَبی، تا اَ شَهری آدَمونرا.

مَتّی 11:22

ولی بَشِمَه باتیمَه کن دیوون کَردِ روجیکا، مجازاتی تَحَمل کَردِ صور و صیدونی آدَمونرا راحَت تَر ببَیَه، تا شِمَرا.

مَتّی 11:24

ولی بَشِمَه باتیمَه کن دیوون کَردِ روجیکا، مجازاتی تَحَمل کَردِ سُدومی آدَمونرا راحت تَر ببَیَه، تا شِمَرا.»

مَتّی 12:36

بَه شمَه باتیمَه کن مردم هرهیچه گَفی کن زونی سَر بوعَرن، دیوون کَردِ روجیکا حیساب پس آنَّدا.

مَتّی 24:35

آستامون و زمین نیفیت آنَّب، ولی چمن گَفِن هرگز نیفیت آنینَّب.

مَتّی 25:41

اَموقه اَیِنی کن چَی چَپَه طَرَفیکا هستبِین باتیَه: اَی ملعونِن، بَمنکا رَت آبه و اَ زَیرونَه آرا را بشَه کن ابلیس وچَی فرشتَه اونرا آمادَ آبَیَه،

مَرقُس 6:11

و اَگَم جِگاایکا بَشِمَه قِبول نِکَردِشون، وشِمَه گَفی گوش آنِداشون، اَ جِگا شِه موقه خاکی کن شمَه لِنگون سَریکا نِشتَه ویراشونَه، تا ایلَه شَهادَتی چَوون زِرَبَرا ببو، کن خدا غَضَّب چَون سَردِر بومَیه.»

یوحنا 12:48

کسیرا کن بَمن رد بکَر و چمن گَفون قِبول نکَرِ، دییَرَ داوَری دارِ؛ چمن گَفِن دیوون کَردِ روجیکا اَ آدَمی سَر دیوون بَکَیَه.

رومی کلیسارا نامه 2:5

ولی تِه اِشتِه سرختی و اِشتِه دلی خونه، کن نَپیشَه توبَه بکَرِ، خدا غَضَّبی اِشتَنرا، غَضَّبَه روجیرا جَم آشَکَرد، اَ روجیرا کن چَی دِلَکا خدا عادیلانَه دیوون کردِ دیار آرَبن.

اوّلین نامَه قورَنتیانیرا 3:13

هر کَسی کار دیار آرَبن، چیرا کن اَ «روج» گِردِ چییون اَیر آرَکَرد. اِمی خونه کن آرا، کاری نتیجه دیار بَکَی، و اینسان هر کاری بکَرِ، آرا بَی وَرداورد بَکَیَه.

نامَه فیلیپی کلیسا را 1:28

و هیچ چیی دِلَکا اَیِنی کا کن شمَه زِرَبَرا این متَرسَه، کن هِم چَوونرا نیفلَه آبِه دیارَنِشونَه یَه، ولی شمَرا نیجات گَتِه نشونَه یَه و اِم خدا کا اَ.

دوّمین نامَه تَسالونیکی کلیسا را 2:3

مرزَ هیچ کس هیچ جورَ بشِمه گول بژَنه. اِمی خونه کن تا اَوَلیکا خدا زِرَبَرا مردوم راست آنِبون، و اَ بی دینَه مِرد کن نیفله آبِه خِردنَه اَیر آنِبو، اَ روج نیام.

اوّلین نامَه تیموتائوسیرا 6:9

ولی اَیِنی کن پولدار بِه طَمارزو بَداشتین، وسوسَه کا و دومیکا دَنَّگِنِست و دَدارَ خواستَه اون دلَکا کن ضرَرر بَژَی و آدَمون نیفیت آبِه و نیفلَه بِه طرَف دَرَراکنِست، وینَّه گِنِست.

نامَه، عِبرانیه نَتاجَه مسیحیونرا 12:29

اِمی خونه کن چَمَه خدا «هنته اَسوجونَه آرایَه.»

پطروسی دومین نامه 2:9

پس خداوند بَموستی کن صالحَه آدَمون چنتَرَ وَرداوردونکا نیجات بدرِ وآدَمی کن صالح نیه دیوون کردِ روجی مکافاتیرا غَم برِ،

پطروسی دومین نامه 3:10

ولی خداوَندعیسی ویگَردِستِه روج، هنتَه پِتارچیی شیوار بومَیَه، کن اَ روجیکا آستامونِن برکَه یالَه سَسینه نیفیت آنَّب و اِسترَ اِن آرا بَگتین و نیفیت آنَّب، و زمین و گِردِ چَی کارِن دیار بَبینه.

پطروسی دومین نامه 3:12

خدا روجی مونتَظیر ببَه و اِمی خونه کن خدا روج زوو با، پی تقلا بکرَ. اَ روجی کا کن آستامونِن آرا بَگتین و نیفیت آنَّب و آستامونیَه اِسترَ اِن آرا رَندیکا آو آبون.

یوحنا اوّلین نامَه 4:17

موحبت اِنتَرَکِه چَمَه دِلَکا کامیل آبَه یَه تا دیوون کَردِ روجیکا اطمینان بِدارَم، چون اَمه اِم دِنیا کا هَتَه ایمونَه کن اَ هِستَه.

یهودا نامه 1:7

هنترَکه، سُدوم و عَمورَه و چَوون اَطرافی شهرِن، کن هنتَه چَوون شیوار بی عیفتیشون کردَ و هرزَگی ایی کن تنیرا غَیر طبیعی بَه دومله شین، زیرونه آرا کا موجازات بَبین، تا گِردیرا درس عیبرَت ببون.

یوحنا موکاشیفَه 17:11

اَ اَشیا کن مند بَه و ایسَه دِ نییَه، هَشتومین پادیشا اَ. اَ، هَه هَف گله شِنَه و نیفلَه آبِه را بَشیَه.

یوحنا موکاشیفَه 17:8

اَ اَشیا ویندِر کن مَند بَه، ایسَه دِ نییَه، خَیلی زوو هاویه چالیکا بِرِن آ و نیفلَه آبِرا بَشی. زَمینی سَردِرِ اَمونونکا، اَیِنی کن دِنیا خلق بِه بَه دوملَه چَوون نومی زندَگی دفتَریکاشون نوشتَه نییَه، اَ اَشیا ویندِکا حَیرون آنَّب، اِمی خونه کن اَ مَند بَه، ایسَه دِ نییَه، و بومَیَه.

یوحنا موکاشیفَه 20:11

چَی به دوملَه ایلَه یالَه ایسبیَه تختی کن ایی نفر چَی سَریکا نِشت بَه ویندِمه. آستامون و زمین چَی حِضوری خونه اَوریجینَه و جِگایی چَوونرا نِبَه.

یوحنا موکاشیفَه 21:1

چَی به دوملَه تازَ آستامون و تازَ زمینِم ویندَ، اِمی خونه کن اَوّلنَه آستامون و اَوّلَنَه زمین نیفیت آبَه بین و دِ دَیرایی وِجود نِداری.