پطروسی دومین نامه 3:18 - کتاب مقدس به زبان تالشي - گویش مرکزی

¹⁸ بَلکَم خداوندی و چَمه نیجات اَدَر عیسی مسیح فیض و آموستِه کا رشد بکرَ، کن چَیرا ایسَه کا تا اَبد شکوه و جلال ببو! آمین.

کتاب مقدس به زبان تالشی شمالی

¹⁸ بَلکَم چَمَه خِداوند و چَمَه نجات دهنده عیسایِ مسیح آزونِستِه و فیضی کا رُشد بِکَرَه، که حِسَه نَه تا اَبَد اَیی را جلال بِبو! آمین.

پطروسی دومین نامه 3:18 Iomraidhean Croise

مَتّی 28:20

و اَوون آموج بِدَر کن، گِردِ چییونی کن بَشمَه فرمون آدوعَمَه اَنجوم بِدَرِن. دَیسه اَز، اوزون تا اِم دِنیا آخیر شمَنه دَرِایمَه!»

مَتّی 6:13

و اَمه وَرداوَردیکا مَوَ، بَلکَم اَ آوشَریکا اَمه اَراخمون. [اِمی خونه کن، پادیشاهی، قودرَت و شکوه وجلال، تا ابد اِشتِنَه. آمین.]

یوحنا 17:3

و اِمهَ زَیرونَه زندَگی، کن اَیِن، بَتِه کن تاکَه حقیقیَه خدا هِستیشَه، و عیسی مسیح کن تِه رَونَه آکَردَرَ، آزنِن.

یوحنا 5:23

تا گردِ آدَمِن زوعَه ایحترام بکَن، هَته کن دَدَ ایحترام بَکَن. هَر کَم کن زوعَه ایحترامی غَم نیَرد، دَدَ اِیحترامی نی کن بَی رَونهَ کَردَشه غَم هَردَش نیَه.

رومی کلیسارا نامه 11:36

اِمی خونه کن گِردِ چییِن اَیکا اَ، و چَی واسیطنَه یَه ، و چَی شِنین. زَیرونَه شکوه جلال چَیرا ببو. آمین.

دوومین نامه قرنتیانیرا 4:6

چون هَه خِدای کن واتِشَه: «نور ظلَماتی دِلَکا شپَق بژَنِه،» اِشتَن نوری چَمَه دِلونکا دَتاوِنیشَه تا خدا شکوه و جلالی آزنِستِه مَسیح صَفتیکا، اَمه نورانی بکرِ.

نامَه اَفسوسی کلیسارا 1:17

تا چَمَه خداوند عیسی مسیح خدا، اَ پور جلالَه دَدَ، حیکمت و موکاشفَه روح بشمَه بدَرِ، تا بَی آزنَه،

نامَه اَفسوسی کلیسارا 4:15

بسکم حَییقتی واتِه نَه، موحبَتیکا، هر لحاظیکا، اَ کَسی کن سَرَ اَندازَ، یعنی مسیح، پِ روعَم.

نامَه فیلیپی کلیسا را 3:8

حَییقَت کن اَز گِردِ چییون چمن خداوند مَسیح عیسی آزنِستِه کا کن هَمه چیکا کفاترَ، ضَرَر بَموستیم. چَی خونِه گِردِ چییون از دَست آدوعَمَه و اِمون گِردی هیچ بَحیساب بوعَردیم، تا چمن منفعت مسیح ببو.

نامَه کُولُسی کلیسا را 1:10

تا شمَه رفتار خداوندی شائَن ببو، و بشاعَه بَی کامیلا خَش آکَرَ:هر چاکَه کاریکا بَرَ بدَرَ و خدا آزنِستِکا یال آبَه

نامَه کُولُسی کلیسا را 3:10

و تازَ اینسانی شِندِری دَکَردَرون، کن حَقیقیَه مَریفَتیکا هر لحظَه تازَ بَبی تا هنته اِشتَن خالقی شیوار آبو.

دوّمین نامَه تَسالونیکی کلیسا را 1:3

اَی برا اِن، اَمه پی اوزون شمَه وِجودی خونه خدا شکر بکَرم، دِرِست نی هِمَه، اِمی خونه کن شمه ایمان هِنترَکِه کا پِرَرا و شمَه هر کِرَمی موحبَت یَندِ سَر وِر آبو.

دِوُّمین نامَه تیموتائوسیرا 4:18

خداوند بَمن گردِ بد کارونکا بَرَخامونِستیَه و بَمن سقَه جان اِشتَن آستامونیَه پادشاهیرا بوعَردیَه. تا ابد و تا ابد شکوه و جلال چَیرا ببو. آمین!

پطروسی اوّلین نامَه 2:2

و هِنتَه چِلَینه خِردَنون شیوار، پاجا و روحانیَه شِتیرا موشتاق ببَه، تا چَی واسیطنه اِشتَن نیجاتیکا پِروعَه،

پطروسی دومین نامه 1:11

و اِنترَکه بَشِمَه کامیلا ایجازَ دَرِن، خداوند و چَمه نیجات اَدَر عیسی مسیح زَیرونه پادیشا ایکا دِلَه دَشَه.

پطروسی دومین نامه 1:2

خدا و چَمه خداوند عیسی مسیح آزنستِه واسیطنَه، فیض و صلح و سلامتی فرَوون شمَرا ببو.

پطروسی دومین نامه 1:3

هر چیی ایی کن چَمه زندَگیرا و دینداری را لازِمَه چَی ایلاهییَه خِنَر اَمَش بَخشستَه. چَی آزنِسته خونِه اَ کن اَمَش اِشتَن شکوه و جلال و چاکیرا صَلا ژَشه.

پطروسی دومین نامه 1:8

اِمی خونه کن اَگَم اِم صیفَتِن شمَه دَلکا ببون و ایضاف آبون، نییَشتِن چَمه خداوند عیسی مسیح آموستِه کا، دَدار و بی بَرَ ببَه.

پطروسی دومین نامه 2:20

چون اَگَم اَینی کن، خداوند و چَمَه نیجات اَدَر عیسی مسیح آزنِستِه بَه دوملَه، دِنیا فیسادیکا رَخینَه، اَگَم هَنی اَیکا ویلاخِن و شکست برِن، چَوون آخیر چَوون اَوَّلنَکا بدتَر بَبی.

یهودا نامه 1:25

چَیرا کن چَمَه نیجات اَدَر و چَمه تاکَه خدا اَ، چَمَه خداوند، عیسی مسیح واسیطنَه، جلال و شکوه و سلطنت و زاکین ببو. اَ کن شِروو کا هِست بَه، و ایسَه هِستَه و زَیرون بَمندییَه. آمین.

یوحنا موکاشیفَه 1:6

و اَ، اَمش ایله مَملَکت و کاهینِنی اِشتَن دَدَ خدارا، آکردش، تا ابد شکوه جلال وسلطنت چَیرا ببو، آمین.