پطروسی دومین نامه 3:14 - کتاب مقدس به زبان تالشي - گویش مرکزی

¹⁴ پس اَی خاجَتییِن، ایسَه کن اِنتَرَ چییون مونتَظیریرون، بَرک تقلا بکَرَ تا چَی نظریکا بی لکَّه و بی عَیب و صلح و سلامتیکا ببَه.

کتاب مقدس به زبان تالشی شمالی

¹⁴ بَس اِی عَزیزِن، حِسَه که اِم چییون مُنتظریرونه، تَقَّلا بِکَرَه تا چَیی نظری کا بی لَکه و بی عیب بِبییَه و صُلح و سلامتی کا بومونَه.

پطروسی دومین نامه 3:14 Iomraidhean Croise

مَتّی 24:26

پس اَگَم بَه شمَه بواجِن اَ وَیاوونیکارَ،“ اَجگارا مَشَه؛ و اَگَم بواجِن کَه چَمَه دِلَکارَ،“ باور مَکَرَ.

مَتّی 25:7

اَموقه گردِ باکرَ کِله اِن خاویکا پبین واِشتن چرا اون آمادَ آکَردِشون.

انجیل لوقا 12:43

خَشی اَ پاسَری ایی حالیرا اَموقعیکا کن چَی اَرباب بومَی، هَتَه کن چَی اَرباب واتَش بَه اَی کاریکا بِوینه.

انجیل لوقا 2:29

«اَی خداوند، ایسَه اِشتِه وَعدَ واتَنَه، دِ اِشتِه پا سَری سَلامَتینَه اِم دِنیاکا ببَه.

اوّلین نامَه قورَنتیانیرا 1:8

اَ بَشِمَه تا بَه آخیر آمبَست غَم بَردیَه، تا چَمه خداوند عیسی مسیح روجیکا بی تقصیر ببَه.

اوّلین نامَه قورَنتیانیرا 15:58

پس، چمن خاجتیَه برااِن، آمبَست و پابِند ببَه، اوزون خداوندی کاری ویشتَر و ویشتَر اَنجوم بدَرَ، اِمی خونه کن بَموستیرون شمَه زَمَت خداوندی دِلَکا دَدار نییَه.

نامَه فیلیپی کلیسا را 1:10

تا بِشاعَه اَ چیی ایی کن چاکترَ قبول بکرَ و مَسیح روجیکا پاجا و بی عَیب ببَه،

نامَه فیلیپی کلیسا را 2:15

تا بی‌ عَیب و سادَ دل، و خدا بی عَیبَه خِردَنِن بِبَه، خَطاکار و گومراهَه اودومی دِلَه، کن شمَه نور چَوون دِلَکا هِنتَه اِستَرَ اِن اِم دِنیا کا شَپَق بَژِرون،

نامَه فیلیپی کلیسا را 3:20

ایسَه اِمکن اَمه آستامونی شِنیمون و خداوند عیسای مسیح اینتظاریکامون کن ایلَه نیجات اَدَرَ.

اوّلین نامَه تَسالونیکی کلیسا را 3:13

و شمه دلون آمبَست آکَرِ تا اَموقه کن چَمَه خداوند عیسی گردِ اِشتَن موقدَسونَّه آ، چَمَه آستامونیَه دَدَ، خدا حَضوریکا، بی عَیب و موقدَّس ببَه.

اوّلین نامَه تَسالونیکی کلیسا را 5:23

ایسَه خدا صلح سلامتی، اِشتَن بَشِمَه کامیلا تقدیس بکرِ و تا چَمه خداوند عیسی مسیح آمِه، شمه روح و جان و تن بی عَیب بومونِه.

اوّلین نامَه تیموتائوسیرا 6:14

کن اِم حِکمی تا چَمه خداوند عیسی مسیح آمِه موقه، بی عَیب و چَمای کا غَم بَری،

نامَه، عِبرانیه نَتاجَه مسیحیونرا 9:28

پس مسیح نی کن ایکرَ قربونی بَه تا خَیلیون گناخی نیفیت بکرِ، دوومین کرَرا آ، ولی نِه اِمی خونه کن گناخون نیفیت آکرِ، بَلکَم تا اَیِنی کن ایشتیاقینَه چَی چَم بَرا این، نیجات دوعِه را.

یعقوبی نامَه 1:27

پاجا و خالیصه دینداری چَمَه دَدَ، خدا چَمیکا اِمه، کن صَقِرون و ویوَ ژِنون غَرّی موقِه آرَستِه و بَشتَن اِم مَچمَه دِنیاکا رَت آکَردِ.

پطروسی اوّلین نامَه 1:7

تا شمَه ایمانی ایصالَت وَرداوَردیکا ثابیت ببو و عیسی مَسیح ظهور کَردِ روجیرا، ستایش و شکوه جلال و ایحترامی باعیث ببو، هَه ایمان کن طِلِه کا برک با ارزشتَرَ، هر چَنه کن نیفیت آرَبن، ولی آرا نَه وَرداوَرد بَبی.

پطروسی دومین نامه 3:1

اَی خاجَتی اِن، اِم دِوومین نامه ایی اَ کن شِمَرا بَنوِشتیم. هر دِ گِلَه نامَه، شمه یاد آفَندِ و شمه فکرون غَیرتی سَر وردِ نیَّتینه نوشتم،

پطروسی دومین نامه 3:16

اَ، هر موقه کن اِم چییون خونه گَف اَژَنیَه، گِردِ اِشتَن نامَه اونکا اَنِوِسیَه. چَی نامه اون دِلَکا چیی اِنی نوشته آبَه یه کن اوونکا سَر آگنِسته چَتینه، و سست و نادانه آدَمِن چی دِلَکا دست بَبَن، هَتَه کن دییَر موقدسه نوشته اونَّه، اِم کاری بَکنَه و اِم چَوون نیفله آبِه باعیث بَبی.

یوحنا اوّلین نامَه 3:3

هَر کَم بیکا اِنتَرَ اُمیدی بَداشتی، بَشتَن پاجا آرَکَرد، هَتَه کن اَ پاجا اَ.