پطروسی دومین نامه 3:12 - کتاب مقدس به زبان تالشي - گویش مرکزی

¹² خدا روجی مونتَظیر ببَه و اِمی خونه کن خدا روج زوو با، پی تقلا بکرَ. اَ روجی کا کن آستامونِن آرا بَگتین و نیفیت آنَّب و آستامونیَه اِسترَ اِن آرا رَندیکا آو آبون.

کتاب مقدس به زبان تالشی شمالی

¹² خِدا روزی را چِم بِه راه بِبییَه و اِمی واسی که خِدا روز زودتَر با تَقَّلا بِکَرَه. اَ روزی کا که آسِمونِن آتش بَگَتین و نابود بَبین و آسِمونِن، ستاره اون آتَشی گرمی کا ذوب آبون.

پطروسی دومین نامه 3:12 Iomraidhean Croise

مَتّی 16:27

«اِمی خونه کن اِینسانی زوعَه اِشتَن آستامونیَه دَدَ جَلالیکا واِشتن فرشتَه اونَّه بومَیَه و اَ زَمانیکا هَر کَسی چَی کَردَ کارون شیوار عَوض دَرِ.

مَتّی 16:28

حَییقتا بَه شمَه باتیم کن بَعضیِن اِم جگا کا پامَندینه کن تا اِینسانی زوعَه نِوینن کن اِشتَن پادشاهیِ دِلَکا کا آمِه، نینّمرد.»

نامَه فیلیپی کلیسا را 1:6

یَقین بموستیم اَ کن چاکَه کاری شِمَه دِلَکا شِروو کَردِشَه، تا مَسیح عیسی ویگَرستِه روجیرا، اَی تَمون آرَکَرد.

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

پطروسی دومین نامه 3:10

ولی خداوَندعیسی ویگَردِستِه روج، هنتَه پِتارچیی شیوار بومَیَه، کن اَ روجیکا آستامونِن برکَه یالَه سَسینه نیفیت آنَّب و اِسترَ اِن آرا بَگتین و نیفیت آنَّب، و زمین و گِردِ چَی کارِن دیار بَبینه.

پطروسی دومین نامه 3:11

اَ جگا ایکا کن گردِ اِم چیی اِن هنترکه کاینه نیفیت آبِه، شمَه پی چنتر آدَمِنی ببَه؟ شمه پی ایله دیندار و موقدسه زندَگی بدارَ،

پطروسی دومین نامه 3:4

باتینَه: «پس چَی آمِه وَعدَ چِه بَه؟ چون اَموقه اییکا کن چَمَه دَدَ اِن مردینَه، گِردِ چییِن هَتَه یَه کن دِنیا شِرووکا بَه!»

پطروسی دومین نامه 3:7

و هَه کلامینَه، آستامونن و زَمینی کن ایسَه کاینه ویندِ، آرا را ذخیرَ آبَه یه و تا دیوون کَردِ روجیرا و بی دینون نیفلَه آبِه را غَمِشون هردیَه.

یهودا نامه 1:21

و هَه حالیکا کن چَمه خداوند عیسی مسیح رحمتی مونتَظیریرون تا بشِمه زَیرونه زندگیرا هیدایت بکرَ، بَشتن خدا موحبتیکا غَم برَ.