پطروسی دومین نامه 2:6 - کتاب مقدس به زبان تالشي - گویش مرکزی

⁶ اَگَم شهرِنِه سَدوم و عمورَش خاکَه پَش آکردِش و اَیِنِش نیفیت آبِه را محکوم کردِش تا درس عیبرتی بی دینون عاقیبَتیرا ببو،

کتاب مقدس به زبان تالشی شمالی

⁶ اَگم سُدوم و عَمورَه شهرون خاکستر کَردِشه و نابودی را مَحکوم کَردِشه تا درس عبرتی بِبو بی‌دینی عاقبتی را،

پطروسی دومین نامه 2:6 Iomraidhean Croise

مَتّی 10:15

حَییقتا بَشِمَه باتیمَه، دیوون کَردِ روجیکا، مجازاتی تَحمل کَردِ شَهرِسُدوم وغَمورَّه آدَمونرا راحت تر بَبی، تا اَ شَهری آدَمونرا.

مَتّی 11:23

و شمَه اَی کَفَرناحومی آدَمِن، شمَه اَپیرون بَه تا آستامون اِشتَن کلَّه دَرَورازَ؟ هرگز، بَسکم شِمَه تا جَندَمی جیر نیفیت بَبیرون، اِمی خاطر کن اَگَم موعجیزَاِنی کن شِمَه شَهرونکا اَنجوم بَه شَهر سُدومیکا اَنجوم بِبیستِه، اَ شَهر تا اومروج باغی اَمونیَه.

رومی کلیسارا نامه 9:29

و هَتَه کن اِشعَیای پَیغمبَر پیشگویی کَردَشَه: «اَگَم لَشکَرون خداوند چَمَرا نَتاجی نَرزیَه، اَمه نی هنته شهرِن سَدوم و عَمورَ شیوار آبیمون.»

اوّلین نامَه قورَنتیانیرا 10:11

ایسَه اِم چییِن اَوونرا ایتفاق دگِنستَه تا سرمشق ببو و نوشتَه آبَه تا چَمَرا درس عیبرَت آبو، کن اِم دوورَکا کن آخیرَ زَمانَه زندَگی بَکمون.

نامَه، عِبرانیه نَتاجَه مسیحیونرا 4:11

پس بِرَ اَ آلاویستِه دِلَه دَرمِه را تقلا بکرَم، تا هیچ کرَم انترَ نافرمونیکا دنِگنِه.

یهودا نامه 1:15

تا گِردی سَردِرِ دیوون بکرِ و بی دینون گِردی، چَوون گردِ آوشرَ کارون خونه کن اِشتَن بی دینی دلَکا کَردشونه، و گردِ بدَ گفونی کن بی دینَه گناخکارِن چَی زِرَبَرا واتَشون، محکوم بکَرِ.»

یهودا نامه 1:7

هنترَکه، سُدوم و عَمورَه و چَوون اَطرافی شهرِن، کن هنتَه چَوون شیوار بی عیفتیشون کردَ و هرزَگی ایی کن تنیرا غَیر طبیعی بَه دومله شین، زیرونه آرا کا موجازات بَبین، تا گِردیرا درس عیبرَت ببون.