پطروسی دومین نامه 1:8 - کتاب مقدس به زبان تالشي - گویش مرکزی

⁸ اِمی خونه کن اَگَم اِم صیفَتِن شمَه دَلکا ببون و ایضاف آبون، نییَشتِن چَمه خداوند عیسی مسیح آموستِه کا، دَدار و بی بَرَ ببَه.

کتاب مقدس به زبان تالشی شمالی

⁸ چوم اَگم اِم صِفَتِن شِمَه دیلَه کا بِبون و وِر آبون، نییَرزِن چَمَه خِداوند عیسایِ مَسیح آزونستِه کا، بی اَثر و بی‌ثمر بِبییَه.

پطروسی دومین نامه 1:8 Iomraidhean Croise

مَتّی 13:22

دونه ایی کن چغون دِلَه برگِنستَه، کسیَه کن خدا کلامی دَرَرَست ولی اِم دِنیا تَفشیش و دِنیا مالی وَسوسَه، خدا کلامی خفه آرَکَرد و بَی بَرَ بَکَی.

مَتّی 20:3

باغَه صاحیب، نِزِک نَه اِ صب هَنی بِرِن شَه و چَند نَفری کن شهری مَیدونیکا بیکار پا مَند بین ویندِش.

مَتّی 20:6

دییَرمازی نِزِک ساعت پِنجیرا نی بِرِن شَه و هَنی چند نفر دیَر کن بیکار پا مَند بین ویندشهَ. اَوونکا دَپرسِسته: ”چیرا روج دِراازَ اِم جِگاکا بیکار پا مَندیرون؟“

مَتّی 25:26

ولی چَی سَرور جواب داشه: اَی بدکار و تنبلَه پاسَری! تِه کن بَموستیشَه جگایی کا کن کَشتم نی بَدورنوستیم و جگایی کا کن دونَه پِشَندم نی گرد آمَکرد،

یوحنا 15:2

هر خالَه ایی چمن دلَکا میوه نِدَرِ، چمن دَدَ اَ خالَه دَرَبیرد، و هر خالَه ای کن میوَ بوعَرِ، اَی هَرَس بَکی تا ویشتَر میوَ بوعَرِ.

یوحنا 17:3

و اِمهَ زَیرونَه زندَگی، کن اَیِن، بَتِه کن تاکَه حقیقیَه خدا هِستیشَه، و عیسی مسیح کن تِه رَونَه آکَردَرَ، آزنِن.

یوحنا 5:42

ولی بَموستیمَه کن شِمَه خدا موحبتی اِشتَن دلیکا نِدارَ.

رومی کلیسارا نامه 12:11

هیچ موقِه شِمَه غَیرَتی خدا خونه ویمَکِشَه؛ روح دِلَکا کولوستار بِبَه و خداوندی خیدمَت بکَرَ.

اوّلین نامَه قورَنتیانیرا 15:58

پس، چمن خاجتیَه برااِن، آمبَست و پابِند ببَه، اوزون خداوندی کاری ویشتَر و ویشتَر اَنجوم بدَرَ، اِمی خونه کن بَموستیرون شمَه زَمَت خداوندی دِلَکا دَدار نییَه.

دوومین نامه قرنتیانیرا 13:5

بَشتن وَرداوَرد بکَرَ تا دیَسَه کن ایمانِرون هِسته یا نِه. بَشتن محک بِژنه. یا مَگَم اِمیکا سَرآنینَگِنِست کن عیسی مسیح شمه دَلَکارَ؟ مگَم اِمکن اِم وَرداوَردیکا رَد آبَه.

دوومین نامه قرنتیانیرا 8:2

اِمی خونه کن اَیِن موصیبَتی خونه، بَرک وَرداورد آبین، ولی بَرک خَشین و با اِمکن خَیلی دَس دَریسین، ولی دستو دلبازینَه.

دوومین نامه قرنتیانیرا 8:7

ولی هَتَه کن هَمه چیکا سَریرون، ایمانیکا، گَفیکا، دانا ایکا، دِسَرَ کرچَنگ نِبِه کا، و شمَه موحبَت کَردِ چَمَه سَردِرِ، پس اِم خَیرَ کاریکا نی گِردیگا سرتر بِبَه.

دوومین نامه قرنتیانیرا 9:14

هنته نیی خدا اَ یالَه فیضی کن شمَه سَریکارَ اَیِن شمَرا خَشینَه دوا بَکَن.

نامَه فیلیپی کلیسا را 1:9

چمن دِوا اِمَه کن شِمَه موحبَت ویشتَر و وِرتَر آبو و کامیلَه اَلمند گیری و فَهمینَه دَرِ ببو،

نامَه فیلیپی کلیسا را 2:5

هَه فِکرون بِدارَ کن مَسیح عیسی داریَه:

نامَه فیلیپی کلیسا را 3:8

حَییقَت کن اَز گِردِ چییون چمن خداوند مَسیح عیسی آزنِستِه کا کن هَمه چیکا کفاترَ، ضَرَر بَموستیم. چَی خونِه گِردِ چییون از دَست آدوعَمَه و اِمون گِردی هیچ بَحیساب بوعَردیم، تا چمن منفعت مسیح ببو.

نامَه کُولُسی کلیسا را 1:10

تا شمَه رفتار خداوندی شائَن ببو، و بشاعَه بَی کامیلا خَش آکَرَ:هر چاکَه کاریکا بَرَ بدَرَ و خدا آزنِستِکا یال آبَه

نامَه کُولُسی کلیسا را 2:7

چَی دِلکا ریشَه بدَرَ پِروعَه، و هَتَه کن آموج گَتَرون، ایمانیکا آمبست آبَه، و شکر کردِکا کوکورو ببَه.

نامَه کُولُسی کلیسا را 3:16

مسیح کلام فرَوون شمَه دلَکا بومونِه؛ و مزامیرینَه، سِرودونَّه و آوازِنِی کن خدا روح کا اَ، کامیله حیکمَتینه یَندِ پند و آموج بدَرَ؛ و شکرگوزارینَه و اِشتَن دِلیکا خدارا بوخونه.

اوّلین نامَه تَسالونیکی کلیسا را 3:12

و هته کن چَمَه موحبت شِمَرا ایضاف آرَب، خداوند شمه موحبتی یَندِ را و گردِ آدَمونرا وِر و کوکورو آکرِ.

اوّلین نامَه تَسالونیکی کلیسا را 4:1

اَی برا اِن آخیر بَسَر، اَمه خداوند عیسی دلَکا، شِمکا خاشتو خازِمونَه، هَتَه کن چنتَه زندَگی کردِ و خدا راضی آکَردِ، امَکا بَشمَه آرَستَه، هته کن کاینَه اَنجوم دوعِه، اِم کاری ویشتَر و وِرتَر اَنجوم بدَرَ.

دوّمین نامَه تَسالونیکی کلیسا را 1:3

اَی برا اِن، اَمه پی اوزون شمَه وِجودی خونه خدا شکر بکَرم، دِرِست نی هِمَه، اِمی خونه کن شمه ایمان هِنترَکِه کا پِرَرا و شمَه هر کِرَمی موحبَت یَندِ سَر وِر آبو.

اوّلین نامَه تیموتائوسیرا 5:13

و غَیرَاز اِم، اَیِن تنبل بِه آموج بَگَتینَه، اِم کَه اَ کَه بَشینَه، و نِه تاکَه تنبلی، بَسکَم خَبر اَبَر و فِضول بَبیبن و اَ چیی اِنی کن نِباید بِواجن باتینَه.

نامَه تیتوسیرا 3:14

بَرزِن چَمَه مردوم آموج بیگِن کن احتیاجون رَفع کردِرا بَشتن چاکَه کارون اَنجوم دوعِه وقف بکَن و بی بَرَ مبون.

نامَه فیلیمونیرا 1:6

و دِوا بَکم کن اِشتِه ایمانی شریک بِه، کمک بکَرِ کن هر چاکَه چیی ایی کن چَمَه دلَکا دَرِ، مسیح خونِه، ایلَه کامیلَه شیناخت، بَرَ بدَرِ.

نامَه، عِبرانیه نَتاجَه مسیحیونرا 6:12

تا تنبل آنِبَه، بَسکم شمه سرمشق اَیِنی ببون کن ایمانو صَبرینه وعدَ اون وارِث آنَّب.

پطروسی دومین نامه 1:2

خدا و چَمه خداوند عیسی مسیح آزنستِه واسیطنَه، فیض و صلح و سلامتی فرَوون شمَرا ببو.

پطروسی دومین نامه 1:3

هر چیی ایی کن چَمه زندَگیرا و دینداری را لازِمَه چَی ایلاهییَه خِنَر اَمَش بَخشستَه. چَی آزنِسته خونِه اَ کن اَمَش اِشتَن شکوه و جلال و چاکیرا صَلا ژَشه.

پطروسی دومین نامه 2:20

چون اَگَم اَینی کن، خداوند و چَمَه نیجات اَدَر عیسی مسیح آزنِستِه بَه دوملَه، دِنیا فیسادیکا رَخینَه، اَگَم هَنی اَیکا ویلاخِن و شکست برِن، چَوون آخیر چَوون اَوَّلنَکا بدتَر بَبی.

پطروسی دومین نامه 3:18

بَلکَم خداوندی و چَمه نیجات اَدَر عیسی مسیح فیض و آموستِه کا رشد بکرَ، کن چَیرا ایسَه کا تا اَبد شکوه و جلال ببو! آمین.