پطروسی دومین نامه 1:10 - کتاب مقدس به زبان تالشي - گویش مرکزی

¹⁰ پس اَی برااِن، ویشتر تقلا بکَرَ تا بشمَه خِلِه کردِ و شمه اینتخاب بِه ثابیت بکَرَ، چون اَگَم کن اِم صیفتون کار بیگِرَ، هرگز وینینَّه گنست.

کتاب مقدس به زبان تالشی شمالی

¹⁰ بَس اِی بِرااِن، وِرتَر تَقَّلا بِکَرَه تا شِمَه دعوت و اِنتخاب بییِه ثابت بِکَرَه، چوم اَگم اِم صِفَتون بِه کار بِگِرَه هرگز نِبَلَکَه.

پطروسی دومین نامه 1:10 Iomraidhean Croise

مَتّی 22:14

چون اَیِن کن صَلاشون ژَیَه وِرینه، ولی برگزیدَ اِن کمین.»

رومی کلیسارا نامه 11:29

اِمی خونه کن خدا هرگز اِشتَن خَلا اِن و صَلا ژِ، پس وینیَه گَت.

دِوُّمین نامَه تیموتائوسیرا 2:19

اِم حالیکا، سختَه هیمی کن خدا نوعَشه، آمبسته و اِم گفینه موهر بیَه کن: «خداوند اِشتَن آدَمون آرَزنِست،» و «هر کَم خداوندی نومی ایقرار بکرِ، پی نادِرستیکا رَت آبو.»

نامَه، عِبرانیه نَتاجَه مسیحیونرا 6:11

چَمَه طَمارزو اِمه کن، هر کِرَم شمَکا تا بَه آخیر هه غَیرَتی آمونَه تا شمه اومید کامیل دیار آبو.

نامَه، عِبرانیه نَتاجَه مسیحیونرا 6:19

ام اومید، چَمَه جانیرا هنته لنگَری شیوارَ کن محکم و مُطمئینَه، اومیدی کن اَوالَه پردَ اَوَریرا بَشی، اَ دَرونییَه جگاکارا، قودس الاقداسیرا.

یعقوبی نامَه 2:10

چون اَگَم کَسی گِردِ شَریعَتی اَنجوم بدَرِ ولی تاکَه ایلَکا کم کاری بکَر، اَ تمام شریعتی کا گناخکارَ.

پطروسی اوّلین نامَه 1:2

اَیِنیرا کن خِدای دَدَ پیشدانی واتنَه، و خدا روح کاری واسیطنه، کن تقدیس بَکَیه، و عیسای مسیح کا فرمون بَردِ خونه و چَی خون کن چَوون سَریکا پِشندِشون، اینتخاب آبَه اینَه: فیض و صلح و سلامتی فِرَوون شمَه سَردِرِ ببو.

پطروسی اوّلین نامَه 1:5

شِمَرا کن خدا خِنَرینَه و ایمان داشتِه واسیطَنه، اَ نیجاتی خونه کن آمادَ آبیَه تا آخیرَ زَمانیکا اَیر آبو، حفظ آبَه ایرون؛

پطروسی دومین نامه 1:3

هر چیی ایی کن چَمه زندَگیرا و دینداری را لازِمَه چَی ایلاهییَه خِنَر اَمَش بَخشستَه. چَی آزنِسته خونِه اَ کن اَمَش اِشتَن شکوه و جلال و چاکیرا صَلا ژَشه.

پطروسی دومین نامه 1:5

اِمی خاطِر، تا بَشارون تقلا بکَرَ تا اِشتَن ایمانیکا چاکی ایضاف آکرَ، و چاکینه آزنِستِه،

پطروسی دومین نامه 3:14

پس اَی خاجَتییِن، ایسَه کن اِنتَرَ چییون مونتَظیریرون، بَرک تقلا بکَرَ تا چَی نظریکا بی لکَّه و بی عَیب و صلح و سلامتیکا ببَه.

پطروسی دومین نامه 3:17

پس اَی خاجَتی اِن شمَه، ایسَه کن اِمی بَموستیرون، هواسرون ببو تا نِکَرِ بی دینون نادِرسته راه کا گومرا آبَه و اِشتَن آمبَست گیری هیچ بَرکَرَ،

یهودا نامه 1:24

ایسَه اَیرا کن قادِرَ بشمَه لِسکیستِه کا غَم برِ و بی عَیب و پتلمه یالَه خَشینه اِشتَن شکوه و جلالَه حِضوریکا حاضیر آکَرِ،

یوحنا موکاشیفَه 22:14

خَشی اَیِنی حالیرا کن اِشتَن رَدا بَشوشتین تا اِم حقّی بدارن کن زندَگی داریکا بَرِن و بشان شهری دروازَاونکا شهری دِلَه دَشِه.