دوومین نامه قرنتیانیرا 8:9 - کتاب مقدس به زبان تالشي - گویش مرکزی

⁹ اِمی خونه کن چَمه خداوند عیسی مسیح فِیضیکا باخَبَریرون کن هر چَنَه دولتمند بَه، شمِه خونه دَسدَریس آبَه تا شمَه چَی دَسدَریسیکا دولتمند آبَه.

کتاب مقدس به زبان تالشی شمالی

⁹ چوم چَمَه خِداوند عیسایِ مسیح فیضی کا خَوَر دارَه که هَر چَن دولتمند بَه، شِمَه واسی نَدار آبَه تا شِمَه چَیی نَداری کا دولتمند بِبییَه.

دوومین نامه قرنتیانیرا 8:9 Iomraidhean Croise

مَتّی 17:27

ولی اِمی خونه کن اَوون بَرضَخ آمَکَرم، دَیراچه وَر بش و میکالی ویرَفَن. اولین مای کن گَتِرَ چَی گَوی آج آکَه کن چار دِرْهَمیَه سِکَّه ای بَویندیشَه. اَینه چمن و اِشتِه مالیاتی رَسَتی اَوون بِدَ.»

مَتّی 20:28

اِمی خونه کن حتی اینسانی زوعَه نی آمَه نی تا بَی خیدمَت بِکَن، بَلکَم آمَه تا خیدمَت بکَرِ و اِشتَن جانی خَیلیون رَخِستِه خونه فِدا بکَرِ.»

مَتّی 8:20

عیسی بَی واتِشَه: «روآسونرا لونَه هِستَه و آستامونی پَرَندَ اِن نی خومَه دارن، اَمّا اینسانی زوعَه جگایی کَلَّه آنوعِرا نیشَه.»

مَرقُس 6:3

مَگَم اَ، هَه نجار نیَه؟ مَگَم مَریَمی زوعَه نیَه؟ مگَم یَعقوب، یوشا، یَهودا و شَمعونی برا نییَه؟ مَگَم چَی خالا اِن اِم جِگاکا، چَمَه دِلَکا زندَگی نینَّکَرد؟» پس اَیِن عیسی گفون کا بَرزخ آبین.

انجیل لوقا 16:11

پس اَگَم اِم مِچِمَه دِنیا مالیکا امانتدار مَبهَ، کیَه کن اَ حقیقیَه مالی شمَه دَست آدَرِ؟

انجیل لوقا 2:7

مریم اِشتَن اَولین خردَن کن زوعَه بَه دِنیا وَردِشَه. اَ، خِردَنی قونداقی دِلَکا پِپِشتِشَه و آخوریکا خِسام نیشَه، اِمی خونِه کن مِسافیر خونَکا چَوونرا جِگانِبَه.

انجیل لوقا 8:3

یوآنّا خوزا ژِن کن خوزا هیرودیسِه حاکیمی دَستَک بَه، سوسن و خَیلی دییَرَ ژِنِن. ام ژِنِن اِشتَن ثیروَتیکا عیسی و چَی شاگردِون احتیاجی آمادَ اَکَرینَه.

انجیل لوقا 9:58

عیسی بَی واتِشَه: «روآسونرا لونَه هِستَه و آستامونی پَرَندَ اِن نی خومَه دارن، اَمّا اینسانی زوعَه جگایی کَلَّه آنوعِرا نیشَه.»

یوحنا 1:10

اَ دِنیا کا بَه، و دِنیا چَی واسیطنه بِوِجود آمَه؛ اِم حالینَه دِنیا اَی نِه آزنِستِش.

یوحنا 1:14

کلمه اینسان آبَه و چَمَه دلَکا مَندَ. واَمه چَی شکوه و جلالی ویندَمونَه، شکوه و جلالی شایستَه اِ، اَ، تاکَه زوعَه کن دَدَ طَرَفیکا آمَه، اَ فیض و حَییقتینَه پَتلَمه بَه.

یوحنا 1:17

اِمی خاطر کن شریعت موسی اِ پَیغَمبری واسیطَنَه آدوعِه آبَه؛ فیض و حَییقت، عیسی مسیح واسیطَنَه آمَه.

یوحنا 12:30

عیسی واتِش: «اِم سَس شمَرا بَه نِه کن مرا.

یوحنا 16:15

هَر چیی ایی کن دَدَ شِنَه، چمن شِنَه. اِمی خونه کن واتِمَه اَ اَچیی کن بَمنکا هِستَه ویرَگَت، و بَه شمه اییلام بَکَیَه.

یوحنا 17:19

اَز چَوون خونه بَشتَن اِشتِه وَقف بَکَمه تا اَیِن نی حَییقتینَه اِشتِه وقف ببون.

رومی کلیسارا نامه 11:12

ولی اَگَم چَوون تغصیرِن دِنیاش ثیروتمند کردَ و اَیِن دَباختِشون و غَیر یهودِش ثیروتمند آکَردِش، پس اَموقه کن قام یهود کامیلا نیجات بیگِن، چَنَه ویشتر فرَوونی باعیث بَبییَه!

رومی کلیسارا نامه 15:3

اِمی خونه کن مسیح نی اِشتَن خَشی دوملَه نِبَه، هَتَه کن داوودی مزموریکا نِوِشتَه آبَه یَه: «اِشتِه چَمای اَکرون چمای، چمن سَر ویرمَه یَه.»

رومی کلیسارا نامه 5:8

ولی خدا اِشتَن مُحبَتی اِنتَرَ اَمَراش آمونِستَه، وَقتی اَمه هَنوزَنی گِناخکار بیمون، مَسیح چَمَه خونِه مَردَ.

رومی کلیسارا نامه 8:32

اَ کن اِشتَن زوعَه دَریغ نِداشتِش، بَلکَم بَش چَمَه گِردی راکا فدا کَردِش، بَبیَه گِردِ چییون دستو دیلبازینَه اَمه آنِدَرِ؟

اوّلین نامَه قورَنتیانیرا 1:4

اَز اوزون اِشتَن خدا، شِمَه خونه و خدا اَ فیضی خونه کن مسیح عیساکا بَشِمَه بخشِستَشه، شکر بَکَم.

اوّلین نامَه قورَنتیانیرا 15:47

اولین اینسان زمینیکا بَه و خاکیکا؛ دِوومین اینسان آستامونیکارَ.

دوومین نامه قرنتیانیرا 13:14

خداوند عیسی مسیح فیض، خدا موحبت و خدا موقدسَه روح رَفاقَت، شِمَه گِردینَه دَرِ ببو.

دوومین نامه قرنتیانیرا 6:10

اَمنَه برضخَه آدَمون شیوار رفتار بکَن، اِم حالیکا اوزون خَشیمون؛ امنَه هنته گیدَلیون شیوار رفتار بَبی، ولی خَیلیون پولدار بَکَمون؛ اَمنَه هنته اَیِنی کن هیچ چیشون نی رفتار بکنَه، ولی گِردِ چییون صاحیبیمون.

نامَه اَفسوسی کلیسارا 2:7

تا آیندَ زمونَکا، اَ اِشتَن پَتلمَه فیضی میسح عیسی دلَکا، اِشتَن مِربانی واسیطَنه کن چمَرا بَداشتی، اَمه آمونِه.

نامَه اَفسوسی کلیسارا 3:19

و مسیح موحبتی کن اینسانیَه مَریفَتیکا کفاتَرَ، آزنَه- تا کامیلا خدا کامیل بِه کا پَتلمَه آبه.

نامَه اَفسوسی کلیسارا 3:8

هر چَنَه کن موقدسَه آدَمون دلَکا گِچ تَرینیم، اِم فیضی بَمِنِشون دوعَه کن مسیح وِرَ گنجون خبَری غَیر یَهودیونرا اییلام بکَم،

نامَه کُولُسی کلیسا را 1:24

ایسَه عَذابِنی خونه کن شمَرا کشتِمَه کا خَشیم و چَی تنی خونه کن کلیسا اَ، اَ چیی ایی کن مسیح عَذابونکا کمَه، چمن جندَکیکا تلافی بَکَم.

اوّلین نامَه تیموتائوسیرا 6:18

اَوون فِرمون بدَ کن چاکی بِکَن و چاکَه کارون دلَکا دولتمند ببون، دست و دلباز و بخشندَ ببون.

نامَه، عِبرانیه نَتاجَه مسیحیونرا 1:2

ولی اِم آخِرَ روجونکا اِشتَن زوعَه واسیطنه اَمنه گف ژِشه، هَه زوعَه ایی کن بَی ایلَه وارِثی شیوارگِردِ چییون سَر تَیین کردِشَه و چَی واسیطنَه جَهانِش خَلق کردَ.

یعقوبی نامَه 2:5

خاجَتیَه برا اِن، گوش آکَرَ! مَگَم خدا اِم دِنیا گیدَلیون اینتخاب کَردَش نیَه تا ایمانیکا قودور بِبون و اَ پادیشاهیی میراث بِبَن کن خدا، اَیِن کن بَی رَی بَداشتین وَعدَ آدوعَشَه؟

یوحنا موکاشیفَه 2:9

اِشتِه عذابونکا و دَس دَریسیکا باخَبریمَه، ولی تِه دولتمندیشَه. و اَ آدَمون ایفترا گَتِکا باخبَریمه، کن باتین یهودی اینَه ولی نینَّه، بَسکم شیطونی عیبادتگا اینَه.

یوحنا موکاشیفَه 21:7

هر کَم پیروز ببو، اِمی اِرث بَبَیه، و اَز چَی خدا بَبیمه و اَ چمن زوعَه بَبیَه.

یوحنا موکاشیفَه 3:18

بته اَندرز بَکم کن بمِنکا خالیصه طِله کن آرا کا برشَیَه بخِری تا دولتمند آبی؛ و ایسبیَه شندِرون، تا دَکَری و اِشتِه شرم آورَ سلندَ گیری دَپوشامنی؛ و زَمات، تا اِشتِه چمون سَردِرِ پِسونی تا بوینی.