دوومین نامه قرنتیانیرا 8:2 - کتاب مقدس به زبان تالشي - گویش مرکزی

² اِمی خونه کن اَیِن موصیبَتی خونه، بَرک وَرداورد آبین، ولی بَرک خَشین و با اِمکن خَیلی دَس دَریسین، ولی دستو دلبازینَه.

کتاب مقدس به زبان تالشی شمالی

² چوم که اَوِن مصیبتی واسی، بَرک آزمایش بینَه، ولی بی حَد و اَندازه شادی نَه و با اِم که وِر فقیری نَه، ولی دَس دیل بازی نَه.

دوومین نامه قرنتیانیرا 8:2 Iomraidhean Croise

مَتّی 20:15

نِمَشا اِشتَن مالینَه اَچیی کن بَپیمَه بکرم؟ چَم نِداری چمن بخششی بِوینی؟“

رومی کلیسارا نامه 12:8

اَ کن تشویق بَکَیه، تشویق بکَرِ. اَ کن کمک بکَیه، دستو دیلبازینَه کمک بکرِ. اَ کن رَهبَرَ، اِم کاری غَیرَتینَه اَنجوم بدَرِ. و اَ کن دییَرون سَر رحم و مِرَبانی بَکیَه، خَشینَه اِم کاری بکَرِ.

رومی کلیسارا نامه 2:4

یا اِمکن خدا مِرَبانی، تَحَمُلی و چَی یاله صبری گِچ بَحیساب بوعَردیش و نیشَموست کن خدا مِرَبانی اِمی خاطِرَ کن بَتِه توبَه کَردِرا بِبَرِ؟

دوومین نامه قرنتیانیرا 1:12

اِمی خونه کن چَمَه ایفتخار کردِ، چَمَه ووژدانی خونه اَ کن شاهیدی دَرِ، اِم دِنیا دلَکا صیداقَت و راستینَه، کن خدا کارَ رفتار کردِمون، نِه اینسانی حیکمتینَه، بَسکم خدا فِیضینَه رفتار کردِمون، بَخِصوص شِمنَه.

دوومین نامه قرنتیانیرا 2:9

اَز اِمی خاطِر شِمَرا نوِشتمه کن بَشمَه وَرداورد بکَم تا دَیَسم کن هر دستوریکا فرمون بَبَرون یا نِه؟

دوومین نامه قرنتیانیرا 6:10

اَمنَه برضخَه آدَمون شیوار رفتار بکَن، اِم حالیکا اوزون خَشیمون؛ امنَه هنته گیدَلیون شیوار رفتار بَبی، ولی خَیلیون پولدار بَکَمون؛ اَمنَه هنته اَیِنی کن هیچ چیشون نی رفتار بکنَه، ولی گِردِ چییون صاحیبیمون.

دوومین نامه قرنتیانیرا 9:11

شمه هر چیی اییکا دولتمند بَبیرونَه تا هر طَرَفیکا دستو دلباز ببَه و شمَه اِم دستو دل بازی چَمَه واسیطنَه خدا شکر کردِرا تَمون آرَب.

دوومین نامه قرنتیانیرا 9:13

اِم خیدمتی خونه مردوم خدا شکوه جلال آنَّدا اِمی خونه کن نِه تاکَه ایتراف بکَرون مسیح انجیلی ایمان دارَ بَسکم اَوون و دییرَ کسون اَ چیی ایی دلَکا کن هِستِرونَه شریک بَکَرون.

اوّلین نامَه تَسالونیکی کلیسا را 1:6

شمه اَمکا و خداوندیکا سرمشق گَتِرون، اِمی خونه کن برکه وِرَ رنجون دِلَکا، اَ خَشی ایی نَه کن خدا موقدسه روح آرَدا، خدا کلامِرون قِبول کردَ.

اوّلین نامَه تَسالونیکی کلیسا را 2:14

اِمی خونه کن برا اِن، شمه خدا کلیساونکا یهودییَه دِلَه کن مسیح عیسی دلَکانَه، سرمشق گَتِرون: شمه نی اِشتَن هم وِلَتونکا، هه اَیذَتون آزار ویندِرون کن اَیِن یَهودیونکا ویندشون،

یعقوبی نامَه 2:5

خاجَتیَه برا اِن، گوش آکَرَ! مَگَم خدا اِم دِنیا گیدَلیون اینتخاب کَردَش نیَه تا ایمانیکا قودور بِبون و اَ پادیشاهیی میراث بِبَن کن خدا، اَیِن کن بَی رَی بَداشتین وَعدَ آدوعَشَه؟

یوحنا موکاشیفَه 2:9

اِشتِه عذابونکا و دَس دَریسیکا باخَبریمَه، ولی تِه دولتمندیشَه. و اَ آدَمون ایفترا گَتِکا باخبَریمه، کن باتین یهودی اینَه ولی نینَّه، بَسکم شیطونی عیبادتگا اینَه.