دوومین نامه قرنتیانیرا 4:4 - کتاب مقدس به زبان تالشي - گویش مرکزی

⁴ اِم زَمونه خدا بی ایمانون فکری کورآکَردَشه تا مسیح اِنجیلی شکوه و جلالی نوری کن خدا صَفَتَه، نِوینِن.

کتاب مقدس به زبان تالشی شمالی

⁴ اِم دورَه خِدا، بی ایمانون فیکری کور کَردَشه تا مسیح اِنجیلی جلالی نوری که خِدا دیمَه، مَوینِن.

دوومین نامه قرنتیانیرا 4:4 Iomraidhean Croise

مَتّی 13:22

دونه ایی کن چغون دِلَه برگِنستَه، کسیَه کن خدا کلامی دَرَرَست ولی اِم دِنیا تَفشیش و دِنیا مالی وَسوسَه، خدا کلامی خفه آرَکَرد و بَی بَرَ بَکَی.

یوحنا 1:14

کلمه اینسان آبَه و چَمَه دلَکا مَندَ. واَمه چَی شکوه و جلالی ویندَمونَه، شکوه و جلالی شایستَه اِ، اَ، تاکَه زوعَه کن دَدَ طَرَفیکا آمَه، اَ فیض و حَییقتینَه پَتلَمه بَه.

یوحنا 1:18

هیچ‌ کَس هرگز خدا ویندَش نیَ. ولی اَ تاکَه زوعَه کن دَدَ وَریکارَ، اَی آمونستِش.

یوحنا 12:31

ایسَه، اِم دِنیا سَر دیوون کَرد وَقتَه؛ ایسَه اِم دِنیا رَئیس کن شَیطونَه بِرِن بَنَّفند.

یوحنا 12:35

عیسی اَیِنِش واتَه: «دِ تَلَکَه زمانی، نور شِمَه دِلَکا هِستَه. پس تا زمانی کن هَنوزَنی نوری دارَ، گَل بژَنَه، نِکَر ظِلَمات شمَه بیگِرِ. اَ کن ظِلَماتیکا گَل بَژَی، نیَموست کِرَم جگارا بَشیَه.

یوحنا 12:40

«اَ چَوون چَمی کور آکَردَشَه، و چَوون دلی سَخت آکَردَشه، تا نِکَرِ اَیِن اِشتَن چَمونَّه بوینِن، واِشتن دلینه بِفَهمِن، و آگَردِن و اَز اَوون شفا بِدَرم.»

یوحنا 12:45

هر کم بَمن ویندِش، چمن رَونَه آکَری ویندَشَه.

یوحنا 14:30

دِ شِمَنه گَف ژِرا فرصَتی مَندَ نی، اِمی خونِه کن اِم دِنیا رَئیس کن شَیطونه کا آمِه. اَ هیچ زِبقی چمن سَردِرِ نِدارِ؛

یوحنا 15:24

اَگَم چَوون دلَکا کارونی کَردم نِبَه کن غَیراَزچمن هیچ کَسی اَنجوم دوعَش نییَه، گِناخی نِدارینَه؛ اَمّا ایسَه، با اِمکن اَ کارون ویندَشونهَ، هم بَمنکا و هم چمن دَدکا نیفرت دارِن.

یوحنا 16:11

و دیوون کَردِ خونه، اِمی خاطر کن اِم دِنیا رَئیس کن شَیطونه محکوم آبَه یَه.

یوحنا 8:12

عیسی هَنی مَردومینَه گَف ژِشَه و واتش: «اَز دِنیا نوریمَه. هر کم بَمنکا پیروی بکَرِ، ظِلَماتیکا گل نیَژِن، بَلکَم زندَگی نوری، بَداشتیَه.»

رَسولون اَعمال 26:18

تا چَوون چَمون آج آکَری، اَتَه کن ظِلَماتیکا نوریرا، و شَیطونی اینجاریکا خدا طَرَف آگَردِن، تا چَوون گِناخِن بخشیدَ آبو، و اَ ایمانی خونه کن بَمنکا بَداشتین، اَیِنی دلَکا کن موقدَّس آبَه اینَه، جِگا ایی بدارِن.”

رَسولون اَعمال 26:23

اِمکن مَسیح پی رَنج بِکَشِه و اَوَلین کَسی ببو کن مَردَاونکا زندَ آبو، تا نوری، اِم قام و دییَرَقامون دِلَکا اییلام بکَرِ.»

اوّلین نامَه قورَنتیانیرا 10:20

نِه، چمن منظور اِمه کن بوت پَرستون قِربونییِن خدا تقدیم نییَبن بَلکَم پَریانون تَقدیم بَبی، و اَز نِمَپی شمه پَریانونَّه شریک آبَه.

دوومین نامه قرنتیانیرا 2:11

تا شَیطون اَمه گول مَژنِه، اِمی خونه کن چَی نقشَه اون بَموستیمون.

دوومین نامه قرنتیانیرا 2:12

وقتی مَسیح اِنجیلی موعیظَه کردِ خونه شهر تروآسیرا شیم، اِم حالیکا کن خداوند یالَه بَرنگایی اَ جِگاکا چمن ناریکا آج آکَردَشه،

دوومین نامه قرنتیانیرا 3:11

و اَگَم اَ چی ایی کن نیفیت بَبی، شکوه و جلالینه دَرِ بَه، چَنَه ویشتَر اَ چیی ایی کن باقی بمندی، شکوه و جلالینه دَرِ.

دوومین نامه قرنتیانیرا 3:14

ولی چَوون فکرِن تاریک آبین اِمی خونه کن تا اومروجنَه هَه نیقاب قَدیمَه عَهدی خندِ موقه کا مندَیه و پِگَتشون نی، اِمی خونه کن تاکَه مَسیح دِلَکا پِنَّگَت.

دوومین نامه قرنتیانیرا 3:18

و اَمه گِرد بی نیقابَ صَفتینَه، خداوندی شکوه وجَلالی، هَتَه کن آوَینَه ایکا، دَیسَم، هَه شکلی شیوار، جلالیکا دییَرَ جلالیرا کن ویشتَر آرَب عوَض آمونَب؛ و اِم خِداوندیکا شِروو بَبی کن، روحه.

دوومین نامه قرنتیانیرا 4:6

چون هَه خِدای کن واتِشَه: «نور ظلَماتی دِلَکا شپَق بژَنِه،» اِشتَن نوری چَمَه دِلونکا دَتاوِنیشَه تا خدا شکوه و جلالی آزنِستِه مَسیح صَفتیکا، اَمه نورانی بکرِ.

نامه غلاطیَه کلیسارا 1:4

کن اِشتَن جانی چَمَه گِناخون راکا آداشَه تا خدا و چَمَه دَدَ ایرادنَه، اِم آوشَرَ زَمونَه کا بِراخنِه.

نامَه اَفسوسی کلیسارا 2:2

و زمانی چَوون دِلکا زندَگی اَکَریرون، اموقه کن اِم دِنیا راه اونکا و هوا زبقی رئیسیکا، یعنی اِبلیسییکا پیروی اَکَریرون، هه روحیکا کن هِم ایسَه نی نا فِرمونی خِردَنونکا عمل بَکَی.

نامَه اَفسوسی کلیسارا 6:12

اِمی خونه کن چَمه جَنگِستِه جندَک و خونینَه یعنی اینسانینَه نیَه، بَسکم اَمه ریاسَتون زرَبَرا، زبقون زرَبرا، و اَ ظلَماتی اینجاری زرَبرا کن اِم دِنیا سَردِرِ حاکیمینَه، و آوشَری روحانیَه لَشکری زربَرا، کن آستامونییَه جگا اونکا ینَه، بَجَنگِستیمون.

نامَه فیلیپی کلیسا را 2:6

اَ کن هر چَنَه خدا نَه ایی شکل بَه خدا نَه بَرابَر بِه کا دَنچِکِستِش،

نامَه کُولُسی کلیسا را 1:15

اَ، خدا اَ صَفَته کن نییَب بَی ویندِ و اولین خردَن، گردِ خیلقتیکا نارتَر و کفاتَر

نامَه کُولُسی کلیسا را 1:27

خدا اِنتَرَ اَپیش بَه اَیِن بَزنن کن غَیر یهودیون دلَکا، اِم راز چِه یالَه شکوه و جلالی بَداشتیَه، اَ راز اِمَه کن مسیح شمَه دلَکا شکوه و جلالی اومیدَ.

اوّلین نامَه تیموتائوسیرا 1:11

اَ آموجی کن موتبارِکه خدا پور شکوه و جلالَه اِنجیلی واتنَه، کن چمن دستِشون دوعیَه.

نامَه تیتوسیرا 2:13

و چَمَه اَ مِبارَکه اومیدی مونتظیر بومونَم، یعنی چَمَه عَظیمه خدا و چَمَه نیجات اَدَر عیسای مسیح شکوه و جلالی اَیر آبِه،

نامَه، عِبرانیه نَتاجَه مسیحیونرا 1:3

اَ، خدا شکوه جلالی نورَ و چَی ذاتی تمام و کمالَه نَخشَه، و اَ گردِ چییون اِشتَن کلامی زِبقینَه آمبَست غَم بَردیه. اَ، گناخون پاجا آکَردِ بَه دومله، اَ کن با عَظمتَه و عرش برینیکارَ، راستَه بالی طرَفیکا نِشتَه.

نامَه، عِبرانیه نَتاجَه مسیحیونرا 6:4

چون اَیِنی کن ایی کرَ نورانی آبین، اَیِنی کن آستامونیَه خلا مزَ چَشتِشون و خدا موقدسَه روح دلَکا شَریک آبینه،

پطروسی دومین نامه 1:19

و اَمه، پیغبَرون موطمَعینه گفون دارَم کن چاکَه شمه یادیکا بومونه، چیرا کن هنتَه چِرایی اَ کن ظلَماتیکا شپَق بژَی تا ایسبی رِشونی موقه، صبَه اِسترَ شمه دلونکا رشون آکرِ.

یوحنا اوّلین نامَه 2:11

اَمّا اَ کن اِشتَن برا کا نیفرَت دارِ، ظِلَماتیکارَ و ظِلَماتیکا گَل بَژَی. اَ نییَزنی کِرَم جِگارا بَشیَه، اِمی خونِه کن ظِلَمات چَی چَمنِش کور آکَردَیه.

یوحنا اوّلین نامَه 2:8

گردِ اِمونَّه، ایله تازَ حِکمیَه کن شِمَرا بَنِوِشتیم کن چَی حَقیقَت هِم اَیکا و هِنتَه شِمَکا نی دیارَ، اِمی خونِه کن ظِلَمات بَگِذَشتی و حَییقیَه نور ایسَه نی کا شپق ژِ.

یوحنا اوّلین نامَه 5:19

اَمه بَموستیمون کن خدا کا هِستیمون و گِرد دِنیا اَ آوشَری زبقی بِنیکارَ.