دوومین نامه قرنتیانیرا 3:6 - کتاب مقدس به زبان تالشي - گویش مرکزی

⁶ خدا بَه کن اَمَش لیاقتِش دوعَه کن تازَ عهدی پاسَری بِبَم - عَهدی کن خدا روح سَر آمبَسته، نِه تاکَه ایلَه نوشتَه چیی ایی خونه. اِمی خونه کن «نوشتَه» بَکِشتی، اَمّا خدا روحْ زندگی ببَخشِستی.

کتاب مقدس به زبان تالشی شمالی

⁶ خِدا بَه که اَمَه لیاقت آدوشَه تا تازَه عهدی خِدمتکارون بِبییَم- عَهدی که خِدا روح سَری کا پابَرجایَه، نِه اَ چیی سَری کا که فقط ایلَه نِیوشتَیَه. چوم ’نیوشتَه‘ بَکِشتی، امّا خِدا روحْ، زِندگی بَبَخشِستی.

دوومین نامه قرنتیانیرا 3:6 Iomraidhean Croise

مَتّی 13:52

عیسی اَیِنش واتَه: «پس، هر موعَلیم تورات، کن آستامونی پادیشاهی خونه آموج گَتَش ببو، هنته کَه صاحیبی شیوارَ کن اِشتَن خَزانه کا تازَ و کَنه چییون بِرِن بَرَورد.»

مَتّی 26:28

چون اِم چمن خونَه کن اِم تازَ عَهدی بَینَه موهر بَکَم. چمن خون ویرَب تا خَیلی آدَمون گِناخ بَخشیدَ آبو.

مَرقُس 14:24

و اَیِنِش واتَه: «اِم چمن خونَه کن تازَ عهدی بَینَه موهر بَکَم. چمن خون خَیلیونرا ویرَب.

انجیل لوقا 22:20

هِنتَرَکه، سوری بَه دوملَه گولَه پِگَتِشَه و واتِش: «اِم گولَه چمن خونَه کن اِم تازَ عهدی بَینه موهر بَکَم و چمن خون شِمَه خونه ویرَب.

یوحنا 5:21

چون هَته کن دَدَ مَردَ اون زِندَ آرَکَرد و اَوون زندَگی بَبَخشِستی، زوعَه نی هر کمی کن بَپیشه، زندگی بَبخشستی.

یوحنا 6:63

خدا روحَه کن زندَگی دَرِ؛ جَندَک اَصلا نییَشا زندَگی بَدرِ. گَفِنی کن اَز شِمَرا واتِمَه روح و زِندَگیَه.

رومی کلیسارا نامه 1:5

خدا، مسیح واسیطَنه اَمَش فیض دوعَه تا چَی رسولِن آبَم و قامون گِردی راهنمایی بکَرَم کن مسیح نومی سَردِرِ ایمان بوعَرِن و بَیکا ایطاعَت بکَن.

رومی کلیسارا نامه 3:20

اِمی خونه کن هیچ اینسانی نیَه کن شَریعَتی اَعمالی اَنجوم دوعِه خونه، خدا چَمیکا صالح بَحیساب با، اِمی خونه کن شَریعَت، گَناخی اَوون آمونِه.

رومی کلیسارا نامه 4:15

اِمی خونه کن شریعَت خدا غَضَّبی بوعَردی؛ ولی جِگا ایی کا کن شَریعت نیَه، شَریعَتی چاکِنِستِه نی نیَه.

رومی کلیسارا نامه 4:17

هَتَه کن کیتاو توراتیکا نِوِشتَه آبه یَه کن: «اَز بَتِه خَیلی قامون دَدَ آکَردَمَه.» وخِدا چَمیکا اِنتَرَ نی هِستَه، خِدایی کن ابراهیم بَش ایمان وردَ، کن مَردَاون زِندَ آرَکَرد و اَ چییِنی کن وِجودِشون نییَه هَستی آرَدا.

رومی کلیسارا نامه 7:6

ولی ایسَه، اَمه اَ چیی ایی خونه کن بَیکا ویلاخیستَه بیمون مَردیمون و شَریعَتیکا رَخِستیمون، تا خدا موقدسَه روح نَه، ایلَه تازَ راه دلَکا خیدمَت بِکَرَم، نِه کَنَه راه نَه کن، تاکَه ایلَه نوشتَه یَه.

رومی کلیسارا نامه 8:2

چون شریعَتی کن زندَگی روحَه، مسیحْ عیسادلَکا، بَشِمَه شریعَتی گِناخیکا و مَرگیکا اَراخِمونیشَه؛

اوّلین نامَه قورَنتیانیرا 11:25

هِنتَرَکه، سوری بَه دوملَه گولَه پِگَتِشَه واتِش: «اِم گولَه، تازَ عَهدیَه چمن خونی دِلکا. هر موقه کن اَیکا بِنتیرون، چمن یادیرا اِنتَرَ بکَرَ.»

اوّلین نامَه قورَنتیانیرا 12:28

خدا کلیسا کا، اَولیکا رسولِن، دووم پَیغمبَرِن، سووم موعلیمِن؛ دوملَه موعجیزَاون اَنجوم دوعِه خِنَر، چَی به دوملَه شفا دوعِه عَطااِن و کاریَری دوعه و مودیریَت و موختلیفه زبانونَّه گَف ژِ تَیین کردِشَه.

اوّلین نامَه قورَنتیانیرا 15:45

هَته کن توراتیکا نوشتَه آبَیَه: «اَولین اینسان، یعنی آدَم، زندَ موجود آبَه»؛ آخِرین آدَم، روحی آبَه کن زندَگی دَرِ.

اوّلین نامَه قورَنتیانیرا 3:10

اَ فیضی نَه کن خدا بَمنِش آدوعَیَه، هنته ماهیرَ میعماری شیوار هیمی پِکَندِمَه و دییَرَ کَسی اَ هیمی سَردِرِ ساختیمان سِی آرَکَرد. ولی هر کم پی هوش ببو کن چِنتَرَ سِی آرَکَرد.

اوّلین نامَه قورَنتیانیرا 3:5

مَگَم آپولوس کیَه؟ پولوس کیَه؟ اَیِن تاکَه پاسَرییِنی هِستینه کن خدا هَر کِرَم اَوونکا وَظیفه ایی آداشَه تا شِمَه چَوون واسیطَه نَه ایمان بوعَرَ.

دوومین نامه قرنتیانیرا 11:23

اَیِن مسیح پاسری اینه؟ اَز اَوونکا ویشتَر هستیم-هِنتَه تورَ آدَمون شیوار گَف بَژَم - گِردیکا چَتین تر کارم کَردیَه، ویشتَر زیندان دَگنستَه ایمه، گِردیکا ویشتَر لِسِم هردیَه، مَردِ مزَ خَیلی چَشتَمَه.

دوومین نامه قرنتیانیرا 3:14

ولی چَوون فکرِن تاریک آبین اِمی خونه کن تا اومروجنَه هَه نیقاب قَدیمَه عَهدی خندِ موقه کا مندَیه و پِگَتشون نی، اِمی خونه کن تاکَه مَسیح دِلَکا پِنَّگَت.

دوومین نامه قرنتیانیرا 3:3

شمه آمونِستَرونَه کن مسیح نامه ایرون، کن چَمه واسیطنَه شمَرا آرَستَه، کن جوهَری نه نوشتَه آبَه نییَه بَسکم زندَ خدا روح نَه نوشتَه آبَیَه، و سِنگییَه لوح سری عَوَض، آدَمون دِلون لوحی سَردِرِ نوشته بَیَه.

دوومین نامه قرنتیانیرا 3:7

ایسَه، اَگَم خیدمتی کن مَردِرا بَشی و کازی سَردِرِ نوشتَشونه، شکوه و جَلالینه اَیر آبَه، ایی جوری کن ایسرائیلی قام، نَشاینَه موسی صَفَتی شکوه و جلالی خونه بَی بِوینِن، هر چَنَه اَ شکوه جَلال کایبَه نیفیت آبه،

دوومین نامه قرنتیانیرا 3:9

چون اَگَم خیدمتی کن چَی آخر محکومیَته، شکوه و جلالینه دَرِ بَه، چَنه ویشتَر خیدمتی کن چَی آخِرصالح بَه حیساب آمِه اَ، شکوه و جلالینه پتلَمه یه.

نامه غلاطیَه کلیسارا 3:21

پس یعنی شَریعَت خدا وَعدَ اون زِرَبَرایَه؟ اَصلا! چون اَگَم شَریعَتی آدوعِه آبَه بَه کن اَشایَه زندَگی بِبَخشِه، پس صالح بِه نی شَریعَتی راه نَه بَدست آی.

نامَه اَفسوسی کلیسارا 2:1

شمَه اِشتَن گِناخونرا و خَطا اونکا مردَ بیرون،

نامَه اَفسوسی کلیسارا 2:5

حتی وقتی کن اِشتَن خطا اونکا مردَ بیمون، اَمَش مسیح نَه زندَ آکردِش، شمَه فیضی راه نَه نیجات گَتَرون؛

نامَه اَفسوسی کلیسارا 3:7

اَز، خدا فیضی خَلا واتنَه، کن چَی خِنَری اَعمالی واسیطنَه بَمنِشون دوعَه، اِم انجیلی پاسَری آبیمَه.

اوّلین نامَه تیموتائوسیرا 4:6

اَگَم اِم چییون برا اونرا آموج بدَری، مسیح عیسی وزییَر آشَبِن، کن کلامی ایمانیکا و چاکَه آموجی کن چَی دوملَه ایشَه، تربییَت بَگَتیش.

دِوُّمین نامَه تیموتائوسیرا 1:11

کن اَز، چَیرا تَیین آبَه ایمه تا اِنجیلی رسول و موعَلیم ببوم و موعیظَه بکَم.

نامَه، عِبرانیه نَتاجَه مسیحیونرا 12:24

و عیسی کن ایلَه تازَ عَهدی واسیطه یَه، و اَ پِشندَ خونی، کن هابیلی خونیکا چاکترَ، کا گَف بَژَی.

نامَه، عِبرانیه نَتاجَه مسیحیونرا 13:20

ایسَه کن صلح و سلامتی خدا، اَ زَیرونه عهدی خونی واسیطنَه، چَمَه خداوند عیساش مردَاون دلَکا زندَ آکردَ، یعنی پَسون یالَه شونَه،

نامَه، عِبرانیه نَتاجَه مسیحیونرا 7:22

هِم، عیساش، ایلَه چاکترَ عهدی ضامین بَکَی.

نامَه، عِبرانیه نَتاجَه مسیحیونرا 8:13

خدا ایلَه تازَ عهدی خونه گف ژِ نَه، اَ اَولین عهدی بی ایتبار بَکَی؛ و اَ چیی ایی کن ایتیباریکا دگنِستَه، کنَه آرَب و نیفیت بِه را آمادَیه.

پطروسی اوّلین نامَه 3:18

اِمی خونه کن مسیح نی ایکَرَ گناخون خونه عذابِش کَشتَه، یعنی اَ صالِح، غَیرِ صالِحون خونِه، تا اَمه خدا وَر بوعَرِ. اَ جَندَکیکا مَردَ، ولی روح دِلَکا، زندَ آبَه،

یوحنا اوّلین نامَه 1:1

اَ چیی ایی کن شروو کا بَه، اَ چیی ایی کن دَرستَمونَه و اِشتَن چَمونَّه ویندَمون، اَ چیی ایی کن دَیَشتِمون و اِشتَن بالونَّه دَست آسا کَردِمون، یَعنی زندگی کلام کن اَی شِمَرا اییلام بَکَمون.