دوومین نامه قرنتیانیرا 3:5 - کتاب مقدس به زبان تالشي - گویش مرکزی

⁵ نِه اِم کن اَمه اِشتَن لَیاقَت بِدارَم کن ایدعا بَکَرم چَمه بالیکا نی چیی ایی بِرِن آ، بَسکم چَمه لَیاقَت خداکارَ.

کتاب مقدس به زبان تالشی شمالی

⁵ نِه اِم که اِشتَن لیاقت بِدارَم که اِدعا بِکَرَم که چَمَه دَسی کا نی چیی بِرون بومَی، بَلکَم چَمَه لیاقت خِدا کایَه.

دوومین نامه قرنتیانیرا 3:5 Iomraidhean Croise

انجیل لوقا 21:15

اِمی خاطرکن اَز بَه شمَه اِنتَرَ گَف ژِ خِنَری و حیکمتی آمَدا کن هیچ‌ کِرَم شمهَ غَنیمونکا مَشان شِمَه رودَکَر بومونن یا شمَنه موخالیفت بکن.

انجیل لوقا 24:49

اَز چمن آستامونیَه ددَ وَعدَ، شمَه سَردِرِ رَونَه آمَکرد؛ ولی اِم شَهریکا بومونَه تا وقتی کن خدا خنَر آستامونیکا، شِمَه پَتلمَه آکَر.»

یوحنا 15:5

«اَز اَنگِرَ داریمَه و شمَه اِم داری بَشو خالیرون. هر کَمی کن چمن دلَکا بومونِه و اَز چَی دلَکا، بَرکَه میوَ دَرِ؛ اِمی خونِه کن دور از چمن، نینَّشا هیچ کاری کَردِ.

رومی کلیسارا نامه 15:18

اِمی خونه کن جورئَتِم نِکردَ غَیراَز اَ چییی ایی کن مسیح چمن واسیطنَه اَنجوم دَرِ، چیی ایکا گَف بِژَنِم، تا غَیر یهودیون، چمن گَفِن و کارون واسیطنَه، ایمان داشتِه را فِرمون آکَم،

اوّلین نامَه قورَنتیانیرا 15:10

ولی اِمی کن ایسَه هِستیم خدا فِیضی خونه اَ، و چَی فیض مِرا بی بَرَ نِبَه. بر عَسک، اَز گِردِ اَوونکا چَتین تَر کارِم کردَ، ولی نِه اِشتَن، بَسکم خدا فیضی خونه، کن بَمِنه دَرِ.

اوّلین نامَه قورَنتیانیرا 3:10

اَ فیضی نَه کن خدا بَمنِش آدوعَیَه، هنته ماهیرَ میعماری شیوار هیمی پِکَندِمَه و دییَرَ کَسی اَ هیمی سَردِرِ ساختیمان سِی آرَکَرد. ولی هر کم پی هوش ببو کن چِنتَرَ سِی آرَکَرد.

اوّلین نامَه قورَنتیانیرا 3:6

اَز دونَه کَشتِمه و آپولوس اَی آویاری کَردِش، ولی اَ دونه پِرمِه باعیث خدا بَه.

دوومین نامه قرنتیانیرا 12:9

ولی خداوند بمِنِش واتَه: «چمن فیض تِرا وَسَّه، اِمی خونه کن چمن خِنَر عِجِز گیرییونکا کامیل آرَبن.» پس اِمی خاطر گذَشتَکا ویشتَر وِرَ خَشینه چمن عِجِزگیریون سَر ایفتخار بَکمه تا مَسیح خِنَر چمن سَریکا ویرا.

دوومین نامه قرنتیانیرا 2:16

اَ کَسیرا کن مَرگی طرَف بَشی، مَرگی بو درَم؛ و دییَرَ کَسیرا کن زندَگی طرَف بَشی اَمه چَیرا زندَگی بو دَرَم. و کیَه کن اِنتَرچییون لَیاقَتی بدارِ؟

دوومین نامه قرنتیانیرا 4:7

ولی اِم گنجی سِفالَه خِمونکا دارَم، تا دیار ببو کن اِم یالَه خِنَر خِداکارَ نِه اَمکا.

نامَه فیلیپی کلیسا را 2:13

چون خِدایَه کن شمَه دلَکا اِشتَن خَشی خونه کا کار کردِ، هِم ایرادَکا و هِم عَمَلیکا.

نامَه فیلیپی کلیسا را 4:13

چَی واسیطنَه کن بَمن زبق دَرِ، هَر کاری اَشامَه کردِ.

دِوُّمین نامَه تیموتائوسیرا 2:2

و اَ چیی ایی کن وِرَ شاهیدون وَریکا بَمنکا درَستِر، اَمینه آدَمونی دَست آدَ کن دییَرَکسون آموج دوعه بشان.

یعقوبی نامَه 1:17

هَر چاکَه خَلا و هر کامیلَه خَلا ایی آستامونیکارَ، و نورون دَدَ طَرَفیکا آ، کن اَیکا نِه تَغییری هِستَه و نِه هیچ سا ایی کن تغییریکا بوجود آمَه ببو.