دوومین نامه قرنتیانیرا 2:10 - کتاب مقدس به زبان تالشي - گویش مرکزی

¹⁰ هر کَمی شِمَکا کن بَی ببَخشِه، از نی اَئی بَبخشِستیم. و واقییَن کن اَگَم کَسی بَخشِستِمَه - البت اَگَم دلیلی بَخشِسترا ببو - اَز شمَه خاطِر مَسیح حِضوریکا اِنتَرَ کَردَمَه،

کتاب مقدس به زبان تالشی شمالی

¹⁰ هَر کسی که شِمَه اَیی بِبَخشَه، از نی اَئی بَبخشِستیم. و راس راسی اَگم ایی نفری بِبَخشِم - البته اَگَم دلیلی بَخشِسته را بِبو- از مسیح پیشی کا، شِمَه واسی اِنتَه کَردَمَه،

دوومین نامه قرنتیانیرا 2:10 Iomraidhean Croise

مَتّی 18:18

حَییقتا بَه شمَه باتیمَه، هر چیی کن زَمینی کا دَبستَه، آستامونیکا دَبَسته بَبیَه؛ و هر چیی کن زمینیکا آج آکَرَ، آستامونیکا آج آرَبن.

یوحنا 20:23

اَگَم شِمَه کَسی گناخون ببخشه اَیِن بَخشیدَ بَبین، و اَگَم شِمَه کَسی گِناخون مَبخشَه اَیِن بخشیدَ آنینَّب.»

اوّلین نامَه قورَنتیانیرا 5:4

وقتی کن شمَه، خداوند عیسی نومینَه یَندِ وَر جَم آبَه اَز روح دلَکا شِمَه وَریکام، و چَمَه خداوند عیسی خِنَرینَه،

دوومین نامه قرنتیانیرا 4:6

چون هَه خِدای کن واتِشَه: «نور ظلَماتی دِلَکا شپَق بژَنِه،» اِشتَن نوری چَمَه دِلونکا دَتاوِنیشَه تا خدا شکوه و جلالی آزنِستِه مَسیح صَفتیکا، اَمه نورانی بکرِ.

دوومین نامه قرنتیانیرا 5:20

پس اَمه مسیح سَفیرِن نیمون، خدا اِشتَن پیستَه چیی اَمَنَه اَنجوم دَرِ. اَمه مَسیح طَرَفیکا بَشِمکا خاشتو خازِمونه کن خدانَه آشتی بکرَ.

دوومین نامه قرنتیانیرا 6:6

پاجا بِه نَه، دانایی نَه، صَبری نَه، مِربانی نَه، خدا موقدسَه روح نَه، خالیصَه موحبتینَه،

نامَه اَفسوسی کلیسارا 4:32

یَندِ نَه مِربان دلسوز ببَه و هته کن خدا بشِمَه مسیح دلَکا بخشِستِشَه، شمه نی یَندِ ببَخشَه.