دوومین نامه قرنتیانیرا 12:2 - کتاب مقدس به زبان تالشي - گویش مرکزی

² ایی نفری مسیح دِلَکا آمَه موست کن چاردَ سال چیمی بَه نَه سوومَه آستامونیرا بَی بَردِشون. نیمَه موست تَنی دلَکا آستامونیرا شَه یا تَنی بِرنیکا، خدا بَموستی.

کتاب مقدس به زبان تالشی شمالی

² ایی نفری مسیح کا آزونِم، که چاردَه سال پیش بَردَه بَه سوّمین آسِمونی را . نیمَزنِم بَدَنی نَه یا بَدنی کا بِرون، خِدا بَزنی.

دوومین نامه قرنتیانیرا 12:2 Iomraidhean Croise

انجیل لوقا 24:51

و هَته کن چَوونرا دِوا اَکَریَه، اَوونکا تاکَه آبه و بَی آستامونیراشون بَردَ.

یوحنا 6:56

کَسی کن چمن جَندَکی بَردی و چمن خونی بِنتی، اَ چمن دِلَکا بَمَندی و اَز، چَی دِلَکا.

رَسولون اَعمال 14:6

پولوس و بَرنابا اِمیکا سَر آگِنین، و لِسترِه و دِربِه را، کن لیکائونیَه شَهرونکا بَه ویریتین،

رَسولون اَعمال 22:17

«وَقتی اورشَلیمیرا ویگَردِستیم، مَعبَدیکا کایبیم دِوا کَردِ کن حالَت خَلسَکا ویشیمَه

رومی کلیسارا نامه 16:10

آپِلیسی کن اِشتَن ایمتحانی مَسیح دِلَکا پس آدوعَشَه، سلام بدَرَ. آریستوبُلوسی کَه آدَمون سلام بِدرَ.

رومی کلیسارا نامه 16:3

پْریسکیلا و آکیلا، چمن همکارِن مسیحْ عیسی دِلَکا، سلام بِدرَ.

رومی کلیسارا نامه 16:7

چمن خیشون، آندرونیکوس و یونیاسی کن بَمِنَه زیندانیکا بینَه، سَلام بدرَ. اَیِن رَسولون دِلَکا، سرشناسین کن بَمِنکا بَه نَ مَسیح کا ایمان دارینَه.

رومی کلیسارا نامه 16:9

مَسیح دِلَه هَم کارون اوربانوسی، و چمن خاجَتیَه رَفِق، اِستاخیسی، سَلام بدَرَ.

رومی کلیسارا نامه 8:1

پس ایسَه اَیِنیرا کن مَسیح عیسا دلَکا هِستین، دِ هیچ مَحکومیَتی نیَه،

اوّلین نامَه قورَنتیانیرا 1:30

و چَی خونه اَ کن، شِمَه مَسیح عیسی دِلَکا هِستیرون، اَ مسیح عیسی کن خدا طَرَفیکا آمَه و چَمَرا حیکمَت آبَه یَه، یعنی چَمه صالح بِه، قودوسیَّت و رَخِستِه.

دوومین نامه قرنتیانیرا 11:11

و چیرا؟ یعنی اِمکن بَشمَه رَی نِدارِم؟ خدا بَموستی کن رَی بَداشتیم!

دوومین نامه قرنتیانیرا 13:5

بَشتن وَرداوَرد بکَرَ تا دیَسَه کن ایمانِرون هِسته یا نِه. بَشتن محک بِژنه. یا مَگَم اِمیکا سَرآنینَگِنِست کن عیسی مسیح شمه دَلَکارَ؟ مگَم اِمکن اِم وَرداوَردیکا رَد آبَه.

دوومین نامه قرنتیانیرا 5:17

پس اَگَم کَسی مسیح دِلَکا ببو، تازَ خیلقَتیَه. گِردِ کنَه چییِن تَمون آبینَه؛ ایسَه، گردِ چییِن تازَآبَه اینَه!

دوومین نامه قرنتیانیرا 5:21

خدا اَکَن گِناخِش نِه آزنِستَه، چَمَرا گناخ سِی آکَردِش تا اَمه چَی دلَکا خدا صالِح بِه کا شریک آبَم.

نامه غلاطیَه کلیسارا 1:22

هَنوزَنی یَهودیَه کلیسا اِن کن مَسیح دِلَکا هِستین، چمن صَفَتی نِه آزنین.

نامه غلاطیَه کلیسارا 5:6

اِمی خونه کن مَسیح عیسی دِلَکا، نِه سِنَت بِه موهیمَه نِه سِنَت نِبِه، بَسکَم موهیم اَ ایمانیَه کن محبَتی واسیطنَه کار بَکَی.

نامَه اَفسوسی کلیسارا 4:10

اَ کن بنیرا ویرمَه، هیَه کن گردِ آستامونونکا کفاتَر شَه، تا همَه چییون اِشتَن حِضورینه پتلمَه آکَرِ.

اوّلین نامَه تَسالونیکی کلیسا را 4:17

چَی به دوملَه، اَمه کن زندَایمونَه و هِستیمون، اَوونَّه خِرون دلَکا کفا بَبَنه، تا خداوندی هوا کا بوینَم، و اِنترکه اوزون خداوندینه بَبیمون.

نامَه، عِبرانیه نَتاجَه مسیحیونرا 4:14

اَ جگا ایکا کن اَمه یال و اَعضَمه کاهینی بَداشتیمون کن آستامونونرا کفا شَه یَه، یعنی خدا زوعَه عیسی، بِرَ چَمَه ایمانی ایترافی آمبَست غَم بَرَم.

نامَه، عِبرانیه نَتاجَه مسیحیونرا 9:24

اِمی خونه کن مسیح اَ قودس الاقداسی دِلَه کن آدَمون بالی سی آکردَ چی بَه و تاکَه نمونَه ایی اییَه حَییقیَه چیونکا کا اَ، دِلَه دَنِشه، بَسکم آستامونیرا شَه تا چَمَه طرَفیکا خدا وَریکا اَیر آبو.

یوحنا موکاشیفَه 1:10

خداوندی روجیکا، خدا روحکا پتلمه آبیم، و تَتَّه لسَه ایی کن هنته زِرنا سَسی شیوار بَه، پِشت آکَریکا درَستِم

یوحنا موکاشیفَه 12:5

اَ ژِن زوعَه ایی دِنیاش وَردَ، ایلَه زوعَه کن قَرارَ اِشتَن آسونَه چَلیکینه گِردِ میلتون سَردِرِ حکم بکَرِ. ولی جَخت چَی خِردَنشون خدا و چَی تختی طرفیراشون پِگَتَه.

یوحنا موکاشیفَه 4:2

جَخت خدا روح بَمِنش پتلمه آکردَ و آستامونیکا ایلَه تخت ویندمَه کن ایی نفر چَی سَریکا نشت بَه.