دوومین نامه قرنتیانیرا 11:4 - کتاب مقدس به زبان تالشي - گویش مرکزی

⁴ اِمی خونه کن اَگَم کَسی شَمه وَر با و غَیرَاز عیسی کن اَمه بشمه اییلام کَردِمونه دیَرَ عیسیایی اییلام بکَرِ، یا اَگَم غَیراَز اَ خدا موقدسَه روح کن ویگَتَرون دییَرَ روحی ویگِرَ، یا غَیراَز اَ اِنجیلی پَیغوم کن قِبولِرون کردیَه دییَرَ اِنجیلی پیغومی قِبول بکَرَ، شمَه راحت بَی قبول بکَرون.

کتاب مقدس به زبان تالشی شمالی

⁴ چوم که اَگم ایی نفر با شِمَه وَر و شِمَه ایلَه دییَر عیسی نَه اَ عیسی غِیراز که اَمَه بِه شِمَه اِعلام کَردِمونه، اِعلام بِکَرِه، یا اَگم شِمَه ایلَه دییَر روح، روح القدوسی غِیراز که ویگِتَرونه، ویگِرَه یا اَگم اِنجیلی پِیغومی اَ اِنجیلی پِیغومی غِیراز که قبول کَردَرون بَه قبول بِکَره، شِمَه راحت اَیی تحمل بَکَردیرون.

دوومین نامه قرنتیانیرا 11:4 Iomraidhean Croise

مَرقُس 7:9

چَی بَه دوملَه عیسی واتِش: «شِمَه زیرَنگینَه خدا حِکمی رَد بَکَرون تا اِشتَن رَسم رسومی آمبَست آکَرَ!

رَسولون اَعمال 4:12

غَیراَز اِم، هِچ کَسی دِلَکا نیجات نیَه، اِمی خونِه کن آستامونی بنیکا دییَرَ نومی آدَمِنِشون آدوعَه نیَه تا بَینَه نیجاتی ویگِرَم.»

رومی کلیسارا نامه 8:15

چیرا کن شِمَه وَزییَر گیری روح پَیدا کَردَرون نی، کن هَنی بِتَرسَه، بَسکَم زوعَه اون مقامیکا، اَگیَه زوعَه گیری روح بَدَست وَردَرن کن چَی واسِطَنَه لَسَّه بَژَرون: «دَدَ، دَدَجان.»

اوّلین نامَه قورَنتیانیرا 3:11

اِمی خاطر کن هیچکَس نیَشا اَ پِکَندَ هیمی سَردِرِ، یعنی عیسی مسیح، دییَرَ هیمی بنرِ.

دوومین نامه قرنتیانیرا 11:1

اَی کاش کن شمَه چمن اِم تیکَلیی نادونیکا تاو اَوَریرون، بَمن تاو بوعَرَ!

دوومین نامه قرنتیانیرا 2:12

وقتی مَسیح اِنجیلی موعیظَه کردِ خونه شهر تروآسیرا شیم، اِم حالیکا کن خداوند یالَه بَرنگایی اَ جِگاکا چمن ناریکا آج آکَردَشه،

نامه غلاطیَه کلیسارا 3:2

تاکَه اَپیمَه اِمی شمَکا بزنِم: مگَم خدا روح، شریعَتی اعمالی اَنجوم دوعِه نَه ویگَتِرون، یا اَ چیی ایی کن دَرَستِرون سَر، ایمان داشتِه نَه؟

اوّلین نامَه تیموتائوسیرا 1:3

هَتَه کن چمن شِه موقه مَقدونیَه منطقَه طَرَف بَتِکا خاشتو خازِم کردَ، هَنی بَتکا بَپیمَه شهر اَفِسوسیکا بومونی تا بعضیون فِرمون بَدری کن دییَرَ آموج نِدَرن.

اوّلین نامَه تیموتائوسیرا 2:5

اِمی خونه کن تاکَه ایلَه خدا هِسته و خدا و آدَمون وَسطیکا تاکَه ایلَه واسیطَه هِسته، یعنی اَ اینسان کن مسیح عیسی اَ؛