اوّلین نامَه تیموتائوسیرا 6:5 - کتاب مقدس به زبان تالشي - گویش مرکزی

⁵ و یَژَن آدَمونی دلَکا کن چَوون فکر مِچمَه و حَییقَتیکا بی نَصیبین و گَمون بَکن کن دینداری وسیلَه ایی بَرَ بردِرا اَ، جنگِستِه و ژِژِ باعیث ببین.

کتاب مقدس به زبان تالشی شمالی

⁵ و دائم مردمی دیلَه کا جنگ و جَدلی باعث بَبی که چَوون فیکر فاسد بییَه و حقیقتی کا بی نصیبی نَه و خَیال بَکَردین دینداری، وسیله ای اِستَه منفعتی را.

اوّلین نامَه تیموتائوسیرا 6:5 Iomraidhean Croise

مَتّی 12:33

«اَگَم چاکَه میوَه بَپیرونَه، شمَه دار پی چاک ببو، اِمی خونه کن بَدَ دار بَدَ میوَه آرَدا. داری چَی میوه‌کا بَشارون آنَزنستِه.

مَتّی 21:13

و اَیِنش واتَه: «موقدسَه نِوِشتَه اونکا نِوِشتَه آبَیَه کن، ”چمن کهَ، کَه اِ دوا خِلِه بَکنَه،“ ولی شمه اَجِگارون پِتارچییون لونَه سِی آکَردَرونَه.»

مَتّی 23:13

«برامه شِمَه حالیرا اَی توراتی موعَلیمِن و فَریسیون فرقَه عالیمِن کن دِ سَرَ کَرچَنگینَه! اِمی خونِه کن شمَه آستامونی پادیشاهی بَرَنگا مردمی نَ کا دَبَستَه؛ نِه اِشتَن دَله بَشیرون و نِه بَشتیرون کَسِنی کن راکانَه، دَلَرا بوشون. [

اوّلین نامَه قورَنتیانیرا 11:16

ولی اَگَم کَسی بخا اِشتَن سازی بژَنه، پی بواجم کن اَمَرا و خدا کلیسا اونرا اِنتَرَ رسمی نیَه.

دوّمین نامَه تَسالونیکی کلیسا را 3:6

اَی برا اِن، چَمَه خداوند عیسی مسیح نومینَه بشِمه حِکم بَکمون، کن هر برا ایی کن تنبلی بَکَی و اَ چیی ایی کن اَمَکا ویگَتَرون بَه واتَنه رفتار نینَّکرد رَت آبَه.

اوّلین نامَه تیموتائوسیرا 1:6

بَعضییِن اِمونکا ویگَردستَه اینَه، و دَدارَ گَفون دوملَه شِه خونه، اِشتَن راه کا بَرشَه اینَه،

اوّلین نامَه تیموتائوسیرا 3:3

نِه کم عرخَه هر، یا زورَواج ببو، بَسکم آرام ببو؛ و نه جنگِستِه دوملَه ببو و نِه پولدوست.

اوّلین نامَه تیموتائوسیرا 3:8

هنترکه شَماسِن پی باوقار ببون، دِسَرَ کرچنگ مَبون، یا شراویکا مَویلاخین، نادِرستَه بَرَ را طمَع ندارِن.

اوّلین نامَه تیموتائوسیرا 4:7

تِه دَدار و کِفرَ اَفسانَه اونَّه کاریر نِبو، بَسکم دینداریکا بَشتن تربیت اَکَن،

اوّلین نامَه تیموتائوسیرا 4:8

چون اَگَم چِه، تَنی تربیتیکا تیکَلیی فایدَ ایی بداشتی، ولی دینداری گردِ چییِن بَرَ بَداشتیَه، اِمی خونه کن هِم اِم زندَگی وهِم آیندَ زندَگی وَعدَ دَرِ.

اوّلین نامَه تیموتائوسیرا 6:6

ولی دینداری قیناعَت کردِنه، یالَه برکَه بَرَ ایی بداشتی.

دِوُّمین نامَه تیموتائوسیرا 3:5

چَوون نِمود دیندار، ولی چَی خِنَری حاشا بژَن. اِنتَرَ آدَمونکا رَت آب.

دِوُّمین نامَه تیموتائوسیرا 3:8

هَته کن یَنَّیس و یَمبریس کن موسی زِرَبَرا راست آبینَه، اِم مِردِن حَییقتینه ضِدین، کن چَوون فکرِن خراوین و چَوون ایمان مردودَ.

نامَه تیتوسیرا 1:11

کن چَوون گَویی پی دبستِه، اِمی خونه کن اَییِن خانیوادَ اون گِردی یندِکا تاکَه آنَّکرد و ناحَقَه بَرَ خونه اَ چییِنی آموج دَرِن کن نِبایَد بدَرِن.

پطروسی دومین نامه 2:15

راسته راه کا برشَه اینَه و گومرا آبَه این. اَیِن بِعوری خردن، بَلعامی راهِشون نار گتَیه کن نادِرِستی مِژدی رَی داری.

پطروسی دومین نامه 2:3

اَیِن اِشتَن طمع خونه، حیلَه بازَ گفونَّه بَشِمَه پِنَّتارِست. چیمی بَه نَه چَوون محکومیَت تَیین بَیَه، بیکار نشتَه نییَه و چَوون نیفیت آبِه نِخِتیَه.

یهودا نامه 1:11

برامِه چَوون حالیرا! اِمی خونه کن قائِنی راه دوملَه شَه اینَه و اِشتَن بَرَ بَردِ خونه، بَلعامی سَفَه راه دِلَه دگِنِستین و قورَح شورشیکا نیفلَه آبَه اینَه.

یوحنا موکاشیفَه 18:13

دارچین و اَدویَه و خوشبو اَ بوخور و مُر و کُندوری بار؛ شراو و زَیتونَه روعَن و چاکَه آردَ و گندِمی بار؛ و چَوون سیا مالِن و پَسِن و گلَّه اِن و اسبِن و اَرَبَه اِن؛ و وَزییَرِن، یعنی آدَمون جانی.

یوحنا موکاشیفَه 18:3

اِمی خونه کن میلَّتِن گِرد اَ هرزَگی و هوا و هَوَسی شَراویکا هِنتِشون. و زَمینی سَردِرِ شاهِن بَینَه زینا کردِشون، و زَمینی سری تاجیرِن چَی وِرَ تجَمّولاتیکا ثیروتمند آبینَه.»