اوّلین نامَه تیموتائوسیرا 6:2 - کتاب مقدس به زبان تالشي - گویش مرکزی

² اَیِنی کن چَوون اربابِن ایماندارین، نِباید اِمی خونه کن یندِنَه برا این، اَوون کمتر حورمَت بکَن. بَسکم پی حتی چاکتَر خیدمت بکَن، چون اَیِنی کن اِم خیدمتیکا برَ بَبَنه، ایماندار وخاجَتی این. اِم چییون آموج بدَ و چَی اَنجوم دوعِرا اَوون تشویق بکَه.

کتاب مقدس به زبان تالشی شمالی

² کسونی که چَوون اَربابِن ایمانداری نَه، نَبی بِرا بییِه واسی، اَوون کمتر حُرمت بِکَرن. بَلکَم بَسی اَوون حتی چاکتر خِدمت بِکَرِن، چوم کسونی که اِم خدمتی کا منفعت بَبَردین، ایماندار و عزیزی نَه. اِم چییون اَوون تعلیم بِدَه و تشویق بِکَه که اِنتَه بِکَرِن.

اوّلین نامَه تیموتائوسیرا 6:2 Iomraidhean Croise

مَتّی 23:8

ولی بَشمَه اِستا“ خِلِه مَکَرِن، اِمی خونه کن تاکَه ایلَه اِستا دارَ و شمَه گِرد یَندِ برا اینَه.

مَتّی 25:40

پادیشا چَوون جَوابیکا باتی: حَییقتا بَشمَه باتیمَه، اَچیی کن ایله چمن گِچترین برا اونرا کَردرونه مِرا کَردِرون.“

مَتّی 6:24

«هیچ‌کس نیَشا دِ اَربابی خیدمَت کَردِ، اِمی خونه کن یا ایلَه کا نیفرِت بَداشتی و دیَری موحبت بَکی و یا ایلَه نَه وفادار بَبیه و دیَری گچ بَه حیساب بوعَردی. شِمَه نینَّشا هِم خدا خیدمَت بکَرَ و هِم پولی.

رَسولون اَعمال 1:15

ایلَه اَ روجِن، پِطروس بِرااون دَلَکا کن گِرد حِدود صَدو بیست نَفر بین، پا مَندَ

رومی کلیسارا نامه 11:17

ولی اَگَم بَعضی بَشو خالونکا آبیردَشونَه و تِه کن ویشَه اینَه زَیتونَه دآری بَشو خال بیشَه، زَیتونه داری دییَر بشو خالینه پَیوند گِنیش و ایسَه زیتونَه داری ریشَه شیرَ کا کن موقوییَه بَردیش،

رومی کلیسارا نامه 8:29

چون اَیِنی کن خِداشون نارتَر آزنِستَه، چیمی بَه نَه اَیِنِش تَیین کَردَ تا چَی زوعَه شیوار آبون، تا اِنترَکه مسیح، وِرَ برااون دِلَکا اولین خردَن ببو.

نامه غلاطیَه کلیسارا 5:6

اِمی خونه کن مَسیح عیسی دِلَکا، نِه سِنَت بِه موهیمَه نِه سِنَت نِبِه، بَسکَم موهیم اَ ایمانیَه کن محبَتی واسیطنَه کار بَکَی.

نامَه اَفسوسی کلیسارا 1:1

پولوسی طرَفیکا کن خدا خواستَنه مسیح عیسی رسولَه، بَه موقدَسه آدَمِنی کن شهر اَفِسوسیکا بمَندین، اَیِنیرا کن مسیح عیسی دلَکا وفادارینَه:

نامَه اَفسوسی کلیسارا 1:15

اِمی خاطر هَتَه کن اَز نی وقتی شمه ایمانی تریفی کن به عیسای خداوند دارَ و موحبتی کن گردِ موقدسَه آدَمونرا دارَ درَستِم،

نامَه اَفسوسی کلیسارا 3:6

اَ راز اِمَه کن غَیر یهودییِن مَسیح عیسی دلَکا اِنجیلی واسیطنَه، هَم اِرثین و هَه تَنی اَعضا هِستینَه و خدا وعدَکا شَریکین.

نامَه کُولُسی کلیسا را 1:2

بَه موقدسَه آدَمِن و برا اِنی کن مسیح دلَکا وفادارین و شهر کولُسیکا مندینَه: فیض و صلح سلامتی چَمَه دَدَ، خدا طَرفیکا شمَه سَردِرِ ببو.

نامَه کُولُسی کلیسا را 1:4

اِمی خونه کن شمه ایمانی خونه کن مَسیح عیسی دِلَکا و موحبتی کن گردِ موقدسَه آدَمون سَر دارَ، دَرَستَمونَه.

نامَه کُولُسی کلیسا را 4:1

اَی اَربابِن، اِشتَن وَزیَرونَّه عدل اینصافینَه رَفتار بکَرَ، چون بَموستیرون کن آستامونیکا شِمَرا نی اَربابی هِستَه.

دوّمین نامَه تَسالونیکی کلیسا را 1:3

اَی برا اِن، اَمه پی اوزون شمَه وِجودی خونه خدا شکر بکَرم، دِرِست نی هِمَه، اِمی خونه کن شمه ایمان هِنترَکِه کا پِرَرا و شمَه هر کِرَمی موحبَت یَندِ سَر وِر آبو.

اوّلین نامَه تیموتائوسیرا 4:11

اِم چییون حِکم بِکه و آموج بدَ.

اوّلین نامَه تیموتائوسیرا 5:1

پیرَ مِردی تَشر مژَن، بَسکم بَی هنتَه اِشتِه دَدَ شیوار تشویق بکَه، و جَوانون هنتَه اِشتِه برااون شیوار،

نامَه تیتوسیرا 2:1

ولی تِه دِرِستَه تعلیمی طبق، آموج بِدَ.

نامَه تیتوسیرا 2:15

اِم چییون اییلام بِکه؛ و گِردِ اِشتَن زاکیندارینَه، تشویق و توبیخ بکَه. و مَرزِن کَسی بَتِه گِچ بَحیساب بوعرِ.

نامَه تیتوسیرا 3:8

اِم گَفیَه کن بَبی بَی ایتماد کردِ و تِکا بَپیمه کن اِم چییون سَردِرِ ایصرار بداری، تا اَیِنی کن خداشون ایمان وَردیَه، هوش ببون کن بَشتن چاکَه کاریرا وقف بکَن. اِمِن گِردیرا چاکه و مِفَتَه.

نامَه، عِبرانیه نَتاجَه مسیحیونرا 3:1

پس اَی موقدسَه برا اِن، اَی شمَه کن آستامونییَه صَلا کا شریکیرون، شمه چَم عیسی کا ببو کن رسول و یالَه کاهینَه، کن چَی سَردِرِ ایمان بداشتیمون و اییتراف بکَمون.

نامَه، عِبرانیه نَتاجَه مسیحیونرا 3:14

اِمی خونه کن اَمه مسیح دلَکا شریک آبَه ایمون، اَگَم حَییقتا اَ ایطمینانی کن اَولیکا هِستمون بَه تا آخیر آمبَست غَم بَرم.

پطروسی اوّلین نامَه 5:1

اَز کن اِشتَن ایسبیَه ریشونکا ایمَه و مسیح رَنجون شاهیدیمَه و شِکوه و جَلالی کن دیار بَبی کا شریکیم، ایسبیَه ریشِنی کن شمَه دِلَکانَه سیفارش بَکم کن:

پطروسی دومین نامه 2:10

بَخِصوص اِیِنی کن اِشتَن مِچِمه نفسی مِیلون دوملِه شِه را زاکینی گِچ بَحیساب بوعَنَه. اَیِن اَنَه یالَه نارو اَملِکینه کن آستامونی یالَه شخصون کفر واتِه کا نینَّتَرسِست؛

یهودا نامه 1:8

گردِ اِمونَّه، اِم آدَمِن نی خاوِنی کن بویندینه خونِه، اِشتَن تَنون جیفینین آنَّکرد و زاکینی رَد بَکَن و آستامونی یالَه چییون کفر باتین.