اوّلین نامَه تیموتائوسیرا 5:21 - کتاب مقدس به زبان تالشي - گویش مرکزی

²¹ خدا و مسیح عیسی و اینتخاب بَه فرشتَه اون نَکا، بتِکا خاشتو خازِمه کن بی غَرَض اِم قانونون اَنجوم بدَری و طرفداری کردِ خونه، هیچ کاری اَنجوم نِدَری.

کتاب مقدس به زبان تالشی شمالی

²¹ خِدا و مسیح عیسی و اِنتخاب بییَه ملائیکه اون پیشی کا، تِه کا خواهیشت بَکَردیم که اِم قانونون بی هیچ غَرَضی رعایت بِکَری و هیچ کاری طرفداری واسی اَنجام مَدَی.

اوّلین نامَه تیموتائوسیرا 5:21 Iomraidhean Croise

مَتّی 16:27

«اِمی خونه کن اِینسانی زوعَه اِشتَن آستامونیَه دَدَ جَلالیکا واِشتن فرشتَه اونَّه بومَیَه و اَ زَمانیکا هَر کَسی چَی کَردَ کارون شیوار عَوض دَرِ.

مَتّی 25:41

اَموقه اَیِنی کن چَی چَپَه طَرَفیکا هستبِین باتیَه: اَی ملعونِن، بَمنکا رَت آبه و اَ زَیرونَه آرا را بشَه کن ابلیس وچَی فرشتَه اونرا آمادَ آبَیَه،

مَتّی 28:20

و اَوون آموج بِدَر کن، گِردِ چییونی کن بَشمَه فرمون آدوعَمَه اَنجوم بِدَرِن. دَیسه اَز، اوزون تا اِم دِنیا آخیر شمَنه دَرِایمَه!»

انجیل لوقا 20:21

پس جاسوسِن عیسی کا دَپرسستین: «اِستا، بَموستیمون کن اِشتِه گَفِن و آموجِن دِرِستینَه، و هیچ کَسی طَرَفی نیشَگَت، بَلکَم خدا راه دِرستینَه آموج بَداش.

انجیل لوقا 9:26

اِمی خونه کن هر کم بَمنکا و چمن گَفونکا عار بدارِ، اینسانی زوعَه نی وَقتی کن اِشتَن شکوه و جلالیکا و اِشتَن آستامونیَه دَدَ شکوه و جلالیکا و موقدسَه فرشتَه اونَّه با، اَیکا عار بَداشتیَه.

دوومین نامه قرنتیانیرا 5:16

پس، چیمی بَه دوملَه هیچ کِرَم آدَمون طبق جندک آنِزنَم. ، هر چَنَه چیمی بَه نَه طبق جندَک مسیح آزنیمون، ایسَه دِ اِنتَرَ نیَه.

اوّلین نامَه تَسالونیکی کلیسا را 5:27

خداوندی حِضوریکا، بَشِمَه قَسم دَرِم کن گِردِ برا اونرا اِم نامَه بوخونَه.

اوّلین نامَه تیموتائوسیرا 6:13

اَز، خدایی کن گِردِ چییون زندَگی بَبَخشِستی حِضوریکا، و مسیح عیسی ناریکا کن پونتیوس پیلاتوسی وَریکا، چاکَه ایترافِش کردَ، بَرک بَتِه سیفارش بَکَم،

دِوُّمین نامَه تیموتائوسیرا 2:14

اِمون چَوونرا یاد آرَفَن و خدا حَضوریکا اَوون سیفارش اَکَن، کن کلَمه اون سَردِرِ خَرا خِلِه نِکَرِن، کن بَرَ ایی نیشَه، بَسکم باعیث بَبییَه اَیِنی کن دَنَّرَست راه کا رَت آبون.

دِوُّمین نامَه تیموتائوسیرا 4:1

اَز، خدا و مسیح عیسی نَه کا کن زندَاون و مردَاون سَردِرِ دیوون بکیَه، و چَی آمِه و چَی پادیشاهی خونه، بَتِه سیفارش بَکم کن،

یعقوبی نامَه 3:17

ولی اَ حیکمَت کن آستامونیکارَ، اَوَّل پاجا اَ، چَی بَه دوملَه صلحی دومله یه و آرامه، نصیحتی گوش آرَدا، و رحمَت و چاکَ بَرَ کا پَتلَمَیه، و فرق نوعِه و دِ سَرَ کَرچَنگ گیریکا دورَ!

پطروسی دومین نامه 2:4

اِمی خونه کن اَگَم خدا گناخکارَ فرشتَه اون سَردِرِ رحم نِکردِشَه، بَسکم اَیِنِش جندَمی سیا چالیکا، ظلماتی تاریکی دست آداشَه، تا دیوون کردِرا اَوون غم بَرِن؛

یهودا نامه 1:6

اَ، فرشتَه اِنی کن اِشتَن زاکیندارَ جگا کا نِمَندین، بَسکم اِشتَن دِرِستَه جِگا آهَشتِشونه، زَیرونه زِنجیلونکا آبَستِش و اَ یالَه روجی دِلَه موحاکیمَه کردِرا، ظلَماتیکا غَمِش هَردیَه.

یوحنا موکاشیفَه 14:10

اَ آدَم نی خدا آسرَنگِستِه شَراویکا کن ایسَه پور مایَه و خالیصه و چَی غَضَّبی قَدرَکاشون ویکردَیه، بِنتییَه. اَ، موقدسَه فرشتَه اون وریکا و وَرَ حِضوریکا، آرا گتَه گوگِردینَه عذاب بَکشتیَه.