اوّلین نامَه تیموتائوسیرا 4:4 - کتاب مقدس به زبان تالشي - گویش مرکزی

⁴ چون هر چیی ایی کن خدا خَلق کردشَه چاکَه، و هیچ چیی ایی نِباید رد کردِ، اَگَم شکر کردِ نَه قِبول ببو،

کتاب مقدس به زبان تالشی شمالی

⁴ چوم هَر چیی که خِدا خَلق کَردَشه، چاکَه و هیچی نَبی رَد کَردِه، اَگم شُکرکَردِه نَه قَبول بِبو،

اوّلین نامَه تیموتائوسیرا 4:4 Iomraidhean Croise

رَسولون اَعمال 10:15

دِوومین کَرَرا اَ سَس آمَه کن اَواجی: «اَ چیی کن خدا پاجا آکَردَشَه، تِه جیفینین مَواج!»

رَسولون اَعمال 15:29

هَر دَ چیی ایکا کن بوتون را قِربونیشون کردَیَه وخونیکا و دَمَردَ خَیوونون گوژد و زینا کا رَت آبَه. اَگَم اِم کارونکا رَت آبَه، چاکَه کاری اَنجوم دوعَرونَه. سلَامت بِبَه.»

رَسولون اَعمال 21:25

ولی غَیرِ یَهودیَه ایمان دارون خونِه، اَمه اِشتَن حِکمی ایلَه نامَه ایی دِلَکا چَوونرا آدامونَه و واتِمون کن پی هَردَ چیی کا کن بوتون تَقدیم بَیَه و خونیکا، دَمَردَ خَیوونون گوژدیکا و زینا کا رَت آبون.»

رومی کلیسارا نامه 14:14

اَز عیسای خداوندی دلَکا بَموستیمَه و قانع آبَه ایمَه کن هیچ چیی ایی، اِشتَنکا اِشتَنکا جیفینین نیَه. ولی اَگَم کَسی چیی ایی جیفینین باتی، چَیرا جیفینین بَبیَه.

رومی کلیسارا نامه 14:20

خدا کاری، هَردَ چی خونِه خَراو آمَکَ! حَییقتن گِردِ هَردَ چیی اِن پاجا اینَه، اَمّا هَر غذایی ایی هَردِ، کن دییَری لِسکیستِه باعیث ببو، نادِرِستَه کاری یَه.

رومی کلیسارا نامه 14:6

اَ کن ایلَه موهیمه روجی ایحترامی غَم بَریدیَه، خداوندی ایحترامیرا اِنتَرَ بَکَی. اَ کن بَردی، خداوندی ایحترامیرا بَردی، اِمی خونِه کن خدا شِکر باتی، و اَ کن نییَرد، اَ نی خداوندی ایحترامیرا اِنتَرَ بَکَیَه و خدا شِکر بَکَی.

اوّلین نامَه قورَنتیانیرا 10:23

«گِردِ چییِن جایِزَ» ولی گِردِ چییِن مِفَت نینَّه. «گِردِ چییِن روا اَ» اَمّا گِردِ چییِن بنا نییَکَرد.

اوّلین نامَه قورَنتیانیرا 10:25

هر گوژدی کن قصابیکا بَخِرَتین، بی اِمکن اِشتَن ووژدانیکا دَپرسَه، اَی بَرَ،

اوّلین نامَه قورَنتیانیرا 10:26

اِمی خونه کن «زمین و هر چیی ایی کن چَی دِلَکارَ خداوندی شِنه.»

اوّلین نامَه قورَنتیانیرا 10:30

اَگَم شکر کَردِنَه هَردَ چیی ایی بَردیم، چیرا پی اَ چیی ایی خونه کن چَیرا خدا شکر بَکَم، بَمن محکوم بکَن؟

اوّلین نامَه تیموتائوسیرا 4:3

اَیِن ایزدواج کردِ منع بَکنه و دستور درِن هردَچییونی که خدا اَوون خلق کردشَه نَرِن، تا اَیِنی کن واقییَن ایمان بَداشتین و اَی آزنِن، شکر کردِ نَه اَ هَردَ چییون بَرِن.