اوّلین نامَه تیموتائوسیرا 4:1 - کتاب مقدس به زبان تالشي - گویش مرکزی

¹ ولی خدا روح، دیار باتیَه کن آخر زَمانیکا بَعضییِن بَشتن، گول اَژنَه روحونکا و پَریانون آموجی وَقف بَکنه و ایمانیکا آنَّگردِست.

کتاب مقدس به زبان تالشی شمالی

¹ امّا خِدا روح، آشکارا بَواتی که آخِر زمانی کا، بعضی اِن اِشتَن، اَ روحونی که گول بَژَین و دیوون تعلیمون، وقف بَکَردین و ایمانی کا آگَردِن .

اوّلین نامَه تیموتائوسیرا 4:1 Iomraidhean Croise

مَتّی 18:7

برامه اِم دِنیا حالیرا چَی وَس وَسَه اون خونِه! اَلبت کن وسوسَه اوزون هِستَه، ولی برامه اَ کَسی حالیرا کن وَس وَسَه باعیث ببو!

انجیل لوقا 17:1

عیسی اِشتَن شاگردِنِش واتَه: «اِم وَسوَسَه کن اینسان گناخ بکَرِ حَتما بومَیَه، ولی برامِه اَ کَسی حالیرا کن وَسوَسَه چَی واسطَنَه با.

یوحنا 16:13

وقتی کن روح راستی کن هَه خدا روحَه با، اَ بَشِمَه بَه گِردِ حَقیقت هیدایَت بَکَیه؛ اِمی خونه کن اَ اِشتَن بَسَر گَف نیَژ، بَلکَم اَچیی کن دَرَرست باتیَه و اَ چیی ایکا کن آیَندَکارَ و اَنجوم بَه نی بَشمَه باخَبر بَکَیه.

رَسولون اَعمال 13:2

هَنگومی کن اَیِن روجَه بین و خداوندی پرستش اَکَرینَه، خدا موقدسَه روح واتِشَه: «بَرنابا و شائولی، اَ کاری خونه کن، اَز اَیِنِم خِلِه کردیَه مِرا تاکَه آکَرَ.»

رَسولون اَعمال 17:18

چَن گِلَه اِپیکوری و رَواقیَه فیلسوفونکا نی بَینَه گَفَه ژِنَه کَردِشون. بعضی اَوونکا اَواجینَه: «اِم دَدارَ واج اَپیشَه چَه بِواجِه؟» دییَرِ کَسِن اَواجینَه: «مِثلِ اِمکن کا خلکَه خِدااون تبلیغ بَکَی.» اِمی خونه کن پولوس، عیسی، و مردَاون زندَ آبِه خونه اَوونَّه گف اَژَنیَه.

رَسولون اَعمال 20:23

جز اِم کن خدا موقدسَه روح بَمن هُشدار دَرِ کن هر شَهریکا زیندان و سَختی چمن مُنتَظیرَ.

رَسولون اَعمال 21:11

اَ چَمه وَر آمَه و پولوسی دالَه ویگَتِش، اِشتَن بالون و لِنگون بَینَه آبَستِش و واتِش: «خدا موقدسَه روح باتی: اورشَلیمی یَهودیِن اِم دالَه صاحیبی اِنتَرَکِه دَنَّبَست و غَیر یَهودیون دست آنَّدا.“‌»

رَسولون اَعمال 28:25

پس هَه حالیکا کن یَندِنَه گَه بَه گَه اَدَرینَه، اَ جِگاکا شین. ولی نار تَر از اِمکن اَ جِگاکا بِشون، پولوس اِشتَن آخِرین گَفی ژِشَه و واتِش: «خدا موقدسَه روح چَدَ دِرِست شِمَه بابااونَّه گَف ژِشَه، اَموقه کن ِاشعَیایِه پَیغمبَری واسیطنَه واتِش:

اوّلین نامَه قورَنتیانیرا 10:20

نِه، چمن منظور اِمه کن بوت پَرستون قِربونییِن خدا تقدیم نییَبن بَلکَم پَریانون تَقدیم بَبی، و اَز نِمَپی شمه پَریانونَّه شریک آبَه.

اوّلین نامَه قورَنتیانیرا 11:19

شمَه دَلَکا جدایی پی ببو تا اِنتَرَکه اَیِنی کن واقییَن ایمان بداشتین شمَه دِلَکا دیار آبو.

اوّلین نامَه قورَنتیانیرا 12:11

اِمون گِرد هَه ایلَه روح واسیطنَه کن خدا روحَه زبق بَگَتین، و هَتَه کن اِشتَن اَپیشَه اوون رَسَت بَکَی، و هَر کَمی ببَخشِستی.

اوّلین نامَه قورَنتیانیرا 2:10

خدا اَی اِشتَن روح واسیطَنَه اِم چییون چَمرا دیار آکَردِش، چیرا کن خدا روح گِردِ چییون، حتی خدا اعماقی نی بَگَردستی.

دوومین نامه قرنتیانیرا 11:3

ولی بَتَرسِستیمَه هَته کن نلَتی حَوّاش گول ژَ، شمَه فکر اَ صاف و صادیق و خالیص بِه کا، کن مَسیح سَردِرِ دارَ، مونحرف آبَو.

نامَه کُولُسی کلیسا را 2:18

مرزَ کَسی بَشِمَه محروم بَکَرِ اِم ایصرارینَه کن تَنی پی چاک غَم هردِ و فرشتَه اون پی عیبادَت کردِ. اِنتَرَ آدَم تا اِشتَن رویا اون سَر تَکییَه بَکَی، بی دلیل اِشتَن دَدارَ فکرون خونه یالَه نار آرَب.

دِوُّمین نامَه تیموتائوسیرا 3:13

ولی آوشَرَ آدَمِن و حیلَه بازِن بَدیکا بدتَر آنَّب؛ گول بَردین و گول بَژَنه.

دِوُّمین نامَه تیموتائوسیرا 4:4

و اَیِن حییقیتی گوش دوعِه کا آنَّگردِست، افسانَه اون طرف گومراه بَبینه.

یعقوبی نامَه 3:15

اِنتَرَ حیکمتی آستامونیکا نیام، بَسکَم زَمینی و نفسانی و شَیطونیه.

پطروسی اوّلین نامَه 1:20

اَ کن دِنیا خَلق بِه، بَه نَه تَیین آبَه بَه، ولی اِم آخیرَ زمانونکا شِمَرا اَیر آبه.

پطروسی دومین نامه 2:1

ولی اسرائیلی قامی دلَکا، دِروعَه پَیغمبرِن نی بینَه، هَتَه کن شمَه دلَکا نی دِروعَه موعلیمِن بومنَه، کن نونکِه سَفَه آموجون بوعَنه کن بشایَه کشتِه و هَه اَربابی کن اَیِنِش خِرییَه یَه حاشا بَکَنَه و انتَرَکه، ایکرَایی غَرّی اِشتَن سَر بوعنَه.

پطروسی دومین نامه 3:3

گِردیکا بَه نَه، بِزنه کن آخِرَ روجونکا دَسپَر چیی اِنی آن و اِشتَن پَلیدَ مِیلونکا پیروی بکَنه و دَسپَر چییِن

یوحنا اوّلین نامَه 2:18

خِردَنِن، اِم آخِرین ساعَتَه و هَتَه کن دَرَستَرون مَسیح ضِد بومَیه، ایسَه نی خَیلی ضد مَسیحییِن آمه اینه، اِمیکا بَموستیمون کن آخِرین ساعَتَه.

یوحنا اوّلین نامَه 4:6

اَمه خدا شِنیمون و کَسی کن خدا آزنِه، اَمه گوش آرَدا؛ ولی اَ کن خدا کا نیَه اَمه گوش آنیَدا. اَمه، حییقتی روح و دِروعه روح، اِنتَرَکِه بَشامون آزنِستِه.

یهودا نامه 1:18

کن بشمَه واتَشون: «آخیرَ زمانِن، دسپَر چیی اِنی آن کن اِشتَن آوشرَ هوا هوَسی دوملَه اینَه.»

یهودا نامه 1:4

چون آدَمِنی کن گِذَشتَکا چَوون مَحکومیَت تَیین آبَه یه، نونَکِه شمه دلَکا نِفوذ کردَشونَه. اِمِن بی دینِنی هِستینه کن چَمَه خدا فیضی عَیّاشی تبدیل بَکَنَه، و چَمَه تاکَه سرور و خداوند، عیسی مسیح حاشا بَکَن.

یوحنا موکاشیفَه 13:14

اَ نشونَه اِن و موعجیزَ اِنی کن اَ اَوّلنَه اَشیا نومینَه ایجازَ داری اَیر آکَردِ خونه، زَمینی آدَمون گول ژِشَه و اَیِنِش واته تا اَ اَشیا کا موجسمَه سِی آکَرِن کن شمشیرینه یَرَ آبَه بَه، ولی اِم حالینه زِندَ مَندَ بَه.

یوحنا موکاشیفَه 16:14

چون اِمِن پَریانون روحینَه کن نشونَه اِن و موعجیزَاِنی اَیر آنَّکرد و دِنیا گردِ پادیشاهون وَر بَشین تا موطلقَه قادِرَ خدا یالَه روجی جنگِستِرا، یَندِ وَر گِرد آکَن.

یوحنا موکاشیفَه 18:2

اَ تَتَه لَسَّنه جِکَّلَه آداشَه کن: «ویریستَه، یالَه بابل ویریستَه! اَ، پَریانون کَه جِگا آبَه یه، و هر نا پاکَه روحون مندَ جِگا اَ، و هر نا پاکَه پرَندَایی خومَه و هر نا پاکَه اَشیایی لونه یَه کن نا پاک و نیفرَت اَنگیز.

یوحنا موکاشیفَه 18:23

دِ هیچ سو اَ چِرایی بَتِکا دَنییَه تاوِست، دِ هرگز بَتکا هیچ وَیو و بَگی سَس بِرِن نیام. اِمی خونه کن اِشتِه تاجیرِن زَمینی سَریکا یالَه آدَمِنی بینَه، و اِشتِه جاودو خونه قامِن گِرد گمراه آبین.

یوحنا موکاشیفَه 19:20

ولی اَ اَشیا ویلاخیسته و بَینَه اَ دِروَعه پیغمبَر کن اَشیا ناریکا نشونه اِن و موعجیزَ اون اَیر آرَکری تا اَیِنی گول بژنه کن اَ اَشیا نشونِشون قِبول کردَ و چَی موجسمَه اَپَرستینَه. اَیِن، هردِگِلَه زِند زندَ، دَیراچَه ایکا کن آرا کا کن گوگردینه کولوستار بَه ویرفندِشون.

یوحنا موکاشیفَه 2:11

«اَ کن گوش دارِ درَسه کن خدا روح کلیسا اون چه باتیَه. هر کم پیروز آبو، دِوومین مرگی دلَکا، غَرّی چَی سَر نیام.

یوحنا موکاشیفَه 2:17

اَ کن گوش دارِ درَسه کن خدا روح کلیسا اون چِه باتیَه. هر کَم پیروز آبو، اَ نون آکردَ ”مَنّا“ بَی آمَدا، و بَی ایسبیَه سِه ایی آمَدا کن چَی سَریکا تازَ نومی نوشتَشونه، کن غَیراَز چَی ویرَگِر، دِ دییرَ کَسی بَی آنییَموست.

یوحنا موکاشیفَه 2:29

اَ کن گوش دارِ درَسه کن خدا روح کلیسا اون چِه باتیَه.

یوحنا موکاشیفَه 2:7

«اَ کن گوش دارِ درَسِه کن خدا روح، کلیسا اون چه باتیَه. هر کَم پیروز آبو، اِمی بَی بَبَخشِستیمه تا زندَگی، داری میوَکا کن خدا بهشتی دلَکارَ بَرِ.

یوحنا موکاشیفَه 20:10

و اِبلیسِش، کن اَیِنِش گول ژَ به، هه جِگا ایرا کن اَ اَشیا و دِروعَه پَیغَمبریشون ویرفندَ به، دَیراچَه ایکا کن آرا گوگِردینَه پَتلمَه به ویرَفندِشون، اَیِن تا ابد تا ابد عذاب بَکشتینه.

یوحنا موکاشیفَه 20:8

و بِرِن آ تا قامِنی کن زَمینی سری چار گوشَکا مندین گول بژَنِه. یعنی جوج و ماجوجی کن چَوون تیعداد دَیرا فوشی اندازَیَه و اَوون جنگِستِرا گِرد آرَکَرد.

یوحنا موکاشیفَه 3:13

اَ کن گوش دارِ درَسه کن خدا روح کلیسا اون چِه باتیَه.

یوحنا موکاشیفَه 3:22

اَ کن گوش دارِ درَسه کن خدا روح کلیسا اون چِه باتیَه.»

یوحنا موکاشیفَه 3:6

اَ کن گوش دارِ دَرَسه کن خدا روح کلیسا اون چِه باتیَه.

یوحنا موکاشیفَه 9:20

اَیِنی کن اِم سِه گله غَرّونکا نیفلَه آبَه نِبین، نِه اِشتَن بالی کردَ کارونکاشون توبَه کردَ. نِه پَریانون پرستش کردِکا دست پِگَتِشون و نِه طِلِه این و نِقرَ این و برنجیی و سِه و چوو اَ بوتون پرستش کردِکا کن نِه بَویندین و نِه بَشان دَرَستِه و نِه پیردِ بَشان.