اوّلین نامَه تیموتائوسیرا 2:5 - کتاب مقدس به زبان تالشي - گویش مرکزی

⁵ اِمی خونه کن تاکَه ایلَه خدا هِسته و خدا و آدَمون وَسطیکا تاکَه ایلَه واسیطَه هِسته، یعنی اَ اینسان کن مسیح عیسی اَ؛

کتاب مقدس به زبان تالشی شمالی

⁵ چوم فقط ایلَه خِدا اِستَه و خِدا و آدَمون میانه کا نی فقط ایلَه واسطه اِستَه، یعنی اَ اِنسان که مسیحْ عیسی یَه،

اوّلین نامَه تیموتائوسیرا 2:5 Iomraidhean Croise

مَتّی 1:1

عیسی مسیح بونجوق، کن داوودِ پادیشا و ابراهیم پَیغَمبری نَتاجیکا بَه، اِمَه.

مَتّی 1:23

«دَیَس باکرَ خامیلَه بَبیَه و زوعَه ایی بَزَندیَه، واَیِن چَی نومی عِمانوئیل بَنانَه.» چَی معنی اِمَه کن «خدا اَمَنَه دَرِ»

انجیل لوقا 14:22

پاسَری واتشَه: چمن سرور، اِشتِه دَستوری اَنجوم دامَه، ولی هَنوزَنی جِگاهِستهَ.

یوحنا 1:14

کلمه اینسان آبَه و چَمَه دلَکا مَندَ. واَمه چَی شکوه و جلالی ویندَمونَه، شکوه و جلالی شایستَه اِ، اَ، تاکَه زوعَه کن دَدَ طَرَفیکا آمَه، اَ فیض و حَییقتینَه پَتلَمه بَه.

یوحنا 17:3

و اِمهَ زَیرونَه زندَگی، کن اَیِن، بَتِه کن تاکَه حقیقیَه خدا هِستیشَه، و عیسی مسیح کن تِه رَونَه آکَردَرَ، آزنِن.

رَسولون اَعمال 4:12

غَیراَز اِم، هِچ کَسی دِلَکا نیجات نیَه، اِمی خونِه کن آستامونی بنیکا دییَرَ نومی آدَمِنِشون آدوعَه نیَه تا بَینَه نیجاتی ویگِرَم.»

رومی کلیسارا نامه 1:3

کن چَی زوعَه خونِه اَ، کن جندَکی لَحاظ، داوود پادیشا نَتاجیکا دِنیا دگِنِسته،

رومی کلیسارا نامه 10:12

اِمی خونِه کن یَهود و یونانی دِلَکا فرقی نیَه، چیرا کن هَه خداوند، گِردی خِداوندَ و گِردِ اَیِنی کن بَی خِلِه بَکَنَه، فِرَوونَه بَرَکت آرَدا.

اوّلین نامَه قورَنتیانیرا 8:4

پس هَردَ چی ایی خونه کن بوتون تَقدیم بَیَه، بموستیمون کن اِم دِنیاکا «بوت هیچَه،» و «غَیرَاَز ایلَه خدا، دییَرَ خِدایی نییَه.»

اوّلین نامَه قورَنتیانیرا 8:6

اِم حالینَه، چَمَرا تاکَه ایلَه خدا هِستَه، یعنی آستامونیَه دَدَ، کن گِردِ چییِن اَیکارَ و اَمه چَی شِنیمون؛ و تاکَه ایلَه خداوند هِستَه، یعنی عیسی مسیح، کن گردِ چییِن چَی واسیطَنَه یَه و اَمه چَی واسیطَنه هِستیمون.

نامه غلاطیَه کلیسارا 3:20

ایسَه، هیچ واسیطَه گری، تاکَه ایی طَرَفی نِمایَندَ نیَه، ولی خدا ایلَه یَه.

نامَه اَفسوسی کلیسارا 4:6

و ایلَه خدا و گردی دَدَ کن گِردیکا کفاتَرَ، گِردی دلَکا کار بَکَی، و گِردی دلَکارَ.

اوّلین نامَه تیموتائوسیرا 6:13

اَز، خدایی کن گِردِ چییون زندَگی بَبَخشِستی حِضوریکا، و مسیح عیسی ناریکا کن پونتیوس پیلاتوسی وَریکا، چاکَه ایترافِش کردَ، بَرک بَتِه سیفارش بَکَم،

نامَه، عِبرانیه نَتاجَه مسیحیونرا 12:24

و عیسی کن ایلَه تازَ عَهدی واسیطه یَه، و اَ پِشندَ خونی، کن هابیلی خونیکا چاکترَ، کا گَف بَژَی.

نامَه، عِبرانیه نَتاجَه مسیحیونرا 7:25

پس عیسی بَشایَه اَیِنی کن چَی واسیطَنه خداکا نِزِک آنَّب کامیلا نیجات بدَرِ، اِمی خونه کن اَ اوزون زندَیَه تا چَوون خونه شفاعت بکرِ.

نامَه، عِبرانیه نَتاجَه مسیحیونرا 8:6

ولی ایسَه خیدمتی کن مسیح بَدَست وردِشَه، اَ قدیمیَه خیدمتیکا کفاترَ، چون عهدی کن اَ چَیرا واسیطَه یَه، چاکترَ، اَ عهدی کن وَعدَ اون سَردِرِ بَنا آبَیه.

نامَه، عِبرانیه نَتاجَه مسیحیونرا 9:15

پس مسیح ایلَه تازَ عهدی واسیطیَه، تا اَیِنی کن صَلا ژَشونه بشان خدا اَ وعدَ دوعَه زَیرونَه میراثی بَدَست بوعَن، اِمی خونه کن ایلَه مَردِ ایتفاق دگِنستَه کن اَیِن اَ گناخِنی کا کن اولین عهدیکا اَنجوم بَه، براخمونِه.

یوحنا اوّلین نامَه 2:1

چمن گِچَه خردَنن، اِم چییون شِ‍مَرا بَنوشتیم تا گِناخ نِکَرَ. ولی اَگَم کَسی گِناخی کَردِشَه، دَدَ وریکا ایی نفر هِسته کن چَمَه شیفاعتی بکرِ، یعنی عیسی مَسیحِه صالح.

یوحنا موکاشیفَه 1:13

و اَ چراغدانون دلَکا ایی نفرِم ویندَ کن هنتَه «اینسانی زوعَه» اَمونیَه. اَ دِرازَ ردایی دکَردَش بَه و طِلِه اینَه سَرِخی چَی سینَه دووریکا بَه.